பொருளாதார வளர்ச்சி கண்கூடாக தெரிகிறது: சிதம்பரத்திற்கு நிர்மலா பதிலடி

Updated : பிப் 11, 2020 | Added : பிப் 11, 2020 | கருத்துகள் (60)
Share
Advertisement
புதுடில்லி: ''நாட்டின் பொருளாதாரத்திற்கு எந்த பிரச்னையும் ஏற்படவில்லை; அதன் வளர்ச்சி கண்கூடாக தெரிகிறது,'' என, மத்திய நிதியமைச்சர் நிர்மலா சீதாராமன் தெரிவித்துள்ளார்.முன்னாள் மத்திய நிதியமைச்சர் ப.சிதம்பரம், நேற்று(பிப்.,10) ராஜ்யசபாவில் பேசியபோது, 'தகுதியற்ற டாக்டர்களால், நாட்டின் பொருளாதாரம், வீழ்ச்சியை நெருங்கிஉள்ளது' என்றார்.பற்றாக்குறை:இதற்கு
BJP,Nirmala,NirmalaSitharaman,நிர்மலா,நிர்மலாசீதாராமன்

புதுடில்லி: ''நாட்டின் பொருளாதாரத்திற்கு எந்த பிரச்னையும் ஏற்படவில்லை; அதன் வளர்ச்சி கண்கூடாக தெரிகிறது,'' என, மத்திய நிதியமைச்சர் நிர்மலா சீதாராமன் தெரிவித்துள்ளார்.
முன்னாள் மத்திய நிதியமைச்சர் ப.சிதம்பரம், நேற்று(பிப்.,10) ராஜ்யசபாவில் பேசியபோது, 'தகுதியற்ற டாக்டர்களால், நாட்டின் பொருளாதாரம், வீழ்ச்சியை நெருங்கிஉள்ளது' என்றார்.


பற்றாக்குறை:


இதற்கு பதிலடியாக, இன்று, நிர்மலா சீதாராமன் லோக்சபாவில் பேசியதாவது: முந்தைய, ஐக்கிய முற்போக்கு கூட்டணி ஆட்சியில், திறமையான டாக்டர்கள் நாட்டின் பொருளாதாரத்தை நிர்வகித்த போது, நிதிப் பற்றாக்குறை எந்த அளவிற்கு உயர்ந்து இருந்தது; அது, தற்போது எந்த அளவிற்கு குறைந்து உள்ளது என்பது, நாட்டிற்கு தெரியும். கடந்த, 2008--14 வரையிலான நிதியாண்டுகளில், நிதிப் பற்றாக்குறை, முறையே, 6.1 - 4.9 சதவீதம் வரை உயர்ந்து இருந்தது.

மத்தியில், தேசிய ஜனநாயக கூட்டணி ஆட்சி அமைந்த பின், 2014-19 வரையிலான நிதியாண்டுகளில், நிதிப் பற்றாக்குறை, 4.1 -3.4 சதவீதமாக குறைந்து உள்ளது. இது, நடப்பு நிதியாண்டில், மறுமதிப்பீட்டில், 3.3 சதவீதத்தில் இருந்து, 3.8 சதவீதமாக உயர்த்தப்பட்டுள்ளது. வரும் நிதியாண்டில், 3.5 சதவீதமாக குறையும் என, மதிப்பிடப்பட்டுள்ளது.


latest tamil news




கையிருப்பு:


நாட்டின் பொருளாதாரத்தில் எந்த பிரச்னையும் இல்லை என்பதை, வரலாறு காணாத அளவிற்கு அதிகரித்துள்ள, அன்னியச் செலாவணி கையிருப்பு மற்றும் பங்குச் சந்தை உயர்வில் இருந்து தெரிந்து கொள்ளலாம். நாட்டின் வளர்ச்சிக்கு அவசியமான, தனி நபர் முதலீடு, ஏற்றுமதி, தனியார் மற்றும் பொதுத் துறை நுகர்வு ஆகிய நான்கு இன்ஜின்களை இலக்காக வைத்து, மத்திய அரசு செயல்பட்டு வருகிறது.

வரும், 2023--25க்குள் அடிப்படை கட்டமைப்பு வசதிகளில், 1.03 லட்சம் கோடி ரூபாய் முதலீடு செய்யும் திட்டம் அறிவிக்கப்பட்டுள்ளது. மக்களின் நுகர்வை அதிகரிக்க, ரபி மற்றும் கரீப் பருவ பயிர்களுக்கான குறைந்தபட்ச ஆதரவு விலை உயர்த்தப்பட்டு உள்ளது. இதுபோன்ற நடவடிக்கைகள் காரணமாக, பொருளாதார வளர்ச்சி கண்கூடாக தெரியத்துவங்கியுள்ளது. இவ்வாறு, அவர் கூறினார்.

Advertisement




வாசகர் கருத்து (60)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
P R Srinivasan - Chennai,இந்தியா
16-பிப்-202008:27:16 IST Report Abuse
P R Srinivasan நிதி பற்றாக்குறை சதவிகிதம் குறைவதற்கு 2 காரணங்கள் இருக்க வாய்ப்பிருக்கிறது. ஒன்று வரவு அதிகரித்து செலவை அதேநிலையில் வைத்தால் குறையும் அல்லது வரவு குறைந்து செலவை மிகவும் குறைத்தாலும் பற்றாக்குறை குறையும். எல்லோரும் பயப்படுவது 2 வது காரணத்தை பார்த்து. அரசாங்கம் தனது செலவை குறைக்க முற்படும்போது மக்களை அடைய இருக்கும் திட்டங்கள் பாதிக்கப்படலாம். மக்கள் கையில் வருமானம் குறையும். நிதிப்பற்றாக்குறை குறைப்பு, பணவீக்கம் இரண்டையும் மக்களை பாதிக்காதவாறு சமாளிக்கவேண்டும். அரசு தேவையில்லாத ஆடம்பர செலவுகளை குறைக்கவேண்டும். ஆரம்பம் பாராளுமன்ற செலவு மற்றும் பாராளுமன்ற உறுப்பினர் செலவுகளை குறைத்து, மக்கள் நலனுக்காகவே இந்த அரசு என்று மக்கள் உணரும்படி செய்யவேண்டும். சிதம்பரத்திற்கு பதில் கொடுத்தால் மட்டும் போதாது.
Rate this:
Cancel
madhavan rajan - trichy,இந்தியா
12-பிப்-202017:15:04 IST Report Abuse
madhavan rajan உங்களுக்கு தெரிந்து என்ன செய்வது. கண்ணாடியைப் போட்டுக்கிட்டு பார்த்தாலும், கழட்டிப்புட்டு பார்த்தாலும் முன்னாள் நிதி அமைச்சருக்கு ஒன்றும் தெரிய மாட்டேங்குதே. இந்தியாவின் வளர்ச்சியே அவர் மஞ்சக்காமாலைக் கண்ணுக்கு மங்கலாகத்தான் தெரியும். ஏதாவது நல்லது நடந்தால் அது காங்கிரஸ் ஆட்சிக்காலத்தில் செய்ததன் பலன் என்றும் தவறு மாதிரி தெரிந்தால் அது பாஜகவின் நிர்வாக சீர்கேடு என்று கூறத்தான் சொல்லிக்கொடுத்திருக்கிறார்கள். அய்யோ பாவம். சொல்லிவிட்டு போகட்டும். இந்தியர்கள் பல பேர் அவர் பேசுவதையும், ராகுல், பிரியங்கா பேசுவதையும் பொருட்டாகவே எடுத்துக்கொள்வதில்லை.
Rate this:
Cancel
Saleem - Dubai,ஐக்கிய அரபு நாடுகள்
12-பிப்-202016:48:41 IST Report Abuse
Saleem கண்ணனுக்கு எட்டியவரை ஒண்ணுமே தெரியல .....கண்முன்னே LIC , Air India , Train , BSNL , Automobiles , இதுதான் தெரியுது... நீங்க முட்டு கூடுகிறது நல்லா தெரியுது ...
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X