பொது செய்தி

தமிழ்நாடு

ஒரே நாடு; ஒரே ரேஷன் திட்டம்; தமிழக கார்டில் மாற்றம் வருமா?

Updated : பிப் 12, 2020 | Added : பிப் 12, 2020 | கருத்துகள் (1)
Advertisement
TN,TamilNadu,Ration_card,தமிழ்நாடு,ரேஷன்_கார்டு

தமிழகத்தில், ஒரே நாடு; ஒரே ரேஷன் திட்டம் அமல்படுத்தும் பட்சத்தில், ஏற்கனவே புழக்கத்தில் உள்ள ரேஷன் கார்டு வடிவங்களில் மாற்றங்கள் செய்யப்படுமா என்ற சந்தேகம் எழுந்துள்ளது.


சந்தேகம்:

தமிழக ரேஷன் கடைகளில், மானிய விலையில் வழங்கப்படும், உணவு பொருட்களை வாங்க, ரேஷன் கார்டு அவசியம். இதை, உணவு வழங்கல் துறை வழங்குகிறது. காகித வடிவில் வழங்கப்பட்ட ரேஷன் கார்டுகள், 2017 முதல், மத்திய அரசின், 'ஆதார்' எண் விபரங்கள் அடிப்படையில், 'ஸ்மார்ட்' கார்டுகளாக மாற்றப்பட்டுள்ளன. இதனால், ஒரே நபர், வேறு முகவரிகளில், கூடுதல் கார்டுகள் வாங்குவது தடுக்கப்பட்டது.

மத்திய அரசு ஜூன் முதல், நாடு முழுவதும், 'ஒரே நாடு; ஒரே ரேஷன் கார்டு' திட்டத்தை அமல்படுத்த உள்ளது. இதனால், பிற மாநில கார்டுதாரர்கள், தமிழக ரேஷன் கடைகளிலும்; தமிழக கார்டுதாரர்கள், மற்ற மாநிலங்களிலும் பொருட்கள் வாங்கலாம். இந்நிலையில், ஒரே ரேஷன் கார்டு திட்டத்தை அமல்படுத்தும் பட்சத்தில், ரேஷன் கார்டின் வடிவங்களில் மாற்றம் செய்யப்படுமா என்ற சந்தேகம் எழுந்துள்ளது.


விபரம்:

இது குறித்து, உணவுத்துறை அதிகாரி ஒருவர் கூறியதாவது: அனைத்து மாநிலங்களிலும், ஆதார் எண் அடிப்படையில், ஸ்மார்ட் ரேஷன் கார்டுகள் வழங்கப்பட்டு உள்ளன. ஒரே நாடு; ஒரே ரேஷன் கார்டு திட்டத்தில், ரேஷன் கார்டில் என்னென்ன விபரங்கள் இருக்க வேண்டும் என, மத்திய அரசு தெரிவித்து உள்ளதோ, அவை, தமிழக ரேஷன் கார்டுகளில் ஏற்கனவே இடம் பெற்றுள்ளன.

தமிழகத்தில் வழங்கும் ரேஷன் கார்டில், அந்த விபரங்கள் தமிழில் உள்ளன. இதேபோல, மற்ற மாநிலங்களில், அவற்றின் மொழிகளில் உள்ளன. எனவே, தமிழகத்தில், ஒரே நாடு; ஒரே ரேஷன் திட்டம் அமல்படுத்தினாலும், ரேஷன் கார்டின் வடிவங்களில் மாற்றங்கள் செய்யப்படாது. இவ்வாறு, அவர் கூறினார்.

- நமது நிருபர் -

Advertisement




வாசகர் கருத்து (1)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
அன்பு - தஞ்சை,இந்தியா
12-பிப்-202002:36:11 IST Report Abuse
அன்பு ஒரே மொழி, ஒரே மதம், ஒரே இனம், ஒரே ரேஷன், ஒரே ஆதார் என்று கேட்பவர்கள் ஒரே ஜாதியாக மட்டும் ஏன் இருக்க விரும்புவதில்லை? அம்பானிக்கும் ஏழைக்கும் ஒரே சொத்தா உள்ளது? தமிழகத்திற்கும் பிஹாருக்கும் ஒரே பொருளாதாரமா உள்ளது? கணினி வல்லுனருக்கும் மெக்கானிக்கல் என்ஜினீருக்கும் ஒரே சம்பளமா கிடைக்கிறது? வேறுபாடுகள் நிறைந்ததே வாழ்க்கை. காட்டில் பல செடிகொடிகள் மரங்கள் இருக்கும். நாட்டில் ஏழை செல்வந்தர்கள் இருப்பார்கள் தான். வெவ்வேறு மாநிலத்திற்கு வெவ்வேறு ரேஷன் கார்டுகள் தான் இருக்கும். வண்ணங்கள் பல. ஒரே மாதிரி எல்லாவற்றிக்கும் பெயிண்ட் அடிக்க முடியாது. வேற்றுமைகள் நிறைந்ததே நமது நாடு. தமிழகத்திற்கு வெறும் பத்தாயிரம் ரூபாய் ரயில்வேயிற்கு ஒதுக்கிய மத்திய அரசு, உபிக்கு ஏழாயிரம் கோடி ரூபாய் ஒதுக்கி உள்ளது. ஒரே மாதிரி எல்லாவற்றிலும் வைக்க முடியாது. தமிழகத்தில் வாழ்பவர்களுக்கு கிடைக்கும் வசதி பிஹாரில் கிடைக்காது.
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X