பொது செய்தி

தமிழ்நாடு

ஜெர்மன் தொழில்நுட்பத்தில் மழைநீர் சேகரிப்பு: சென்னை முழுவதும் 2,000 இடங்களில் அமைகிறது தொட்டி

Updated : பிப் 12, 2020 | Added : பிப் 12, 2020
Advertisement
 ஜெர்மன் தொழில்நுட்பத்தில்  மழைநீர் சேகரிப்பு:   சென்னை முழுவதும் 2,000 இடங்களில் அமைகிறது தொட்டி

சென்னையில், நிலத்தடி நீர்மட்டம் அதிகரிக்க, பல வகையான மழைநீர் சேகரிப்பு கட்டமைப்புகள் அமைக்கப்பட்டு வருகின்றன.

இதன் தொடர்ச்சியாக, ஜெர்மன் தொழில்நுட்பத்தில், 2,000 இடங்களில், மழைநீர் சேகரிப்பு தொட்டி கட்டும் பணி நடைபெற்று வருகிறது.சென்னையில், மக்கள் தொகை, குடியிருப்புகள் மற்றும் வணிக நிறுவனங்களின் எண்ணிக்கை, நாளுக்குநாள் அதிகரித்து வருகின்றன. அதற்கு ஏற்ப, தண்ணீரின் தேவை அதிகமாகி உள்ளது.ஆனால், சென்னை மற்றும் புறநகர் பகுதியில் உள்ள ஏரி, குளங்களில் பல, ஆக்கிரமிப்பில் சிக்கி உள்ளன.

தற்போதுள்ள நீர்நிலைகளும், போதிய பராமரிப்பு இல்லாததால், மழை பெய்தாலும், தேவைக்கு ஏற்ப தண்ணீரை சேமிக்க முடியவில்லை.ஒரே ஆதாரமாக இருப்பது, நிலத்தடி நீர் தான். அதுவும், பல்வேறு காரணங்களால், அதல பாதாளத்திற்கு சென்று விட்டது. தண்ணீர் பிரச்னையை போக்க, மழைநீரை சேமிப்பது தான், ஒரே தீர்வாக உள்ளது.இதற்காக, வீடுகளில், மழைநீர் சேகரிப்பு கட்டமைப்புகள் கட்டாயமாக்கப்பட்டு உள்ளன. மாநகராட்சி சார்பில், சாலையில் வடியும் மழைநீர், பூமிக்குள் செல்லும் வகையில், மழைநீர் சேகரிப்பு தொட்டிகள், வடிகால்களில் தொட்டிகள் மற்றும் உறை கிணறுகள் அமைக்கப்படுகின்றன.

இதன் தொடர்ச்சியாக, மழைநீர் தேங்கும் சாலைகளில், ஜெர்மன் தொழில்நுட்பத்தில், மழைநீர் சேகரிப்பு தொட்டி கட்டும் பணி நடைபெற்று வருகிறது.சென்னை முழுவதும், 2,000 இடங்களில், இத்திட்டம் செயல்படுத்தப்பட உள்ளது. முதற்கட்டமாக, 3.50 கோடி ரூபாயில், அடையாறு மற்றும் கோடம்பாக்கம் மண்டலத்தில், 500 இடங்களில் பணிகள் நடைபெறுகின்றன.

சாலை மட்டத்தில் அமைவதால், கனரக வாகனங்கள் ஏறினாலும், சேதமடையாத வகையில் தொட்டி கட்டமைக்கப்படுகிறது. இதில் பயன்படுத்தப்படும் உபகரணங்கள், ஜெர்மன், ஆஸ்திரேலியா ஆகிய நாடுகளில் இருந்து, இறக்குமதி செய்யப்பட்டவை.இரு மண்டலங்களில் அமைத்த பின், அடுத்தடுத்து, இதர மண்டலங்களில், இத்திட்டம் விரிவாக்கம் செய்யப்படும் என, மாநகராட்சி அதிகாரிகள் தெரிவித்தனர்.

சாலையில், மழைநீர் தேங்கும் பகுதிகளை கண்டறிந்து, ஜெர்மன் தொழில்நுட்பத்தில், மழைநீர் சேகரிப்பு தொட்டி அமைக்கப்படுகிறது. மழையின் போது, 5 நிமிடத்தில், 3 முதல், 5,000 லிட்டர் தண்ணீர், பூமிக்குள் செல்லும் வகையில் கட்டமைக்கப்படுகிறது; பராமரிப்பும் எளிது. நீண்ட காலம் உழைக்கும் தன்மையுடன் வடிவமைக்கிறோம்.மாநகராட்சி அதிகாரிகள்


கட்டமைக்கும் முறை


* 10 அடி ஆழம், 4 அடி அகலத்தில், சதுர வடிவில் பள்ளம் தோண்டப்படும்.அதில், தரை பகுதியில் ஒரு அடி உயரத்தில், சிறிய ஜல்லி பரப்பப்படும்
* அடுத்து, 'பேப்ரிக்' என்ற, வடிகட்டும் துணியால் மூடப்பட்ட பாக்ஸ் வடிவிலான, 6 அடி உயர, 'எக்கோ பிளாக்' உள்ளே இறக்கப்படும். அதை சுற்றி, பக்கவாட்டு பகுதியில், சிறிய ஜல்லி போட்டு பலப்படுத்தப்படும்* அதற்கு மேல், வடிகட்டும் துணி விரித்து, அரை அடி உயரத்தில், சிறிய ஜல்லி, ஒன்றரை அடி உயரத்தில், முக்கால் அங்குல ஜல்லி போட்டு சமப்படுத்தப்படும். அதற்கு மேல், மற்றொரு வடிகட்டும் துணி வைக்கப்படும் துணிக்கு மேல், சிறிய ஜல்லி பரப்பி, அதற்கு மேல் சாலை மட்டத்தை கணக்கிட்டு, துளை போடப்பட்ட, அரை அடி கனம் கொண்ட, 'கிராவல் செல்' வைக்கப்படும்.துளைக்குள், சிறிய ஜல்லி போட்டு, சாலை மட்டத்தில் மூடப்படுகிறது* தொட்டியில் விழும் மழைநீர், நான்கு பக்கவாட்டு பகுதிகள் மற்றும் தரை பகுதி என, ஐந்து திசைகளில் துரிதமாக செல்வதால், சாலையில் மழைநீர் தேங்குவது தடுக்கப்படும்.இரு நாட்டு மூலப்பொருள்!* பள்ளத்தில் வைக்கப்படும், 6 அடி உயர, 'எக்கோ பிளாக்' ஜெர்மனியில் இருந்து இறக்குமதி செய்யப்பட்டுள்ளது. இவை, பிளாஸ்டிக் உள்ளிட்ட மூலப் பொருட்களை பயன்படுத்தி, 'பாலி புரோக்லின்' என்ற தொழில்நுட்பத்தில் உற்பத்தி செய்யப்பட்டவை* சாலை மட்டத்தில் வைக்கப்படும், 'கிராவல் செல்' ஆஸ்திரேலியாவில் இருந்து இறக்குமதி செய்யப்பட்டது.

இதுவும், பிளாஸ்டிக் உள்ளிட்ட மூலப் பொருட்களால் தயாரிக்கப்பட்டவை
* இரு பொருட்களும், துருப்பிடிக்காத துடன், எவ்வளவு எடை தாங்கும் என கண்டறிய, கனரக வாகனங்கள் ஏற்றி சோதிக்கப்பட்டுள்ளது. இதை வைத்து, பல ஆண்டுகள் உழைக்கும் என, கணித்துள்ளனர்*பருவ மழைக்கு முன், கிராவல் செல்லை எடுத்துவிட்டு, ஜல்லி மேல் விரித்துள்ள, வடிகட்டும் துணியை சுத்தப்படுத்தினால் மட்டும் போதும். வேறு எந்தவிதமான பராமரிப்பும் இருக்காது என, அதிகாரிகள் கூறினர்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X