பொது செய்தி

தமிழ்நாடு

ஜி.பி.எஸ்., கருவியுடன் இயங்கும் நகராட்சி சேவை வாகனங்கள்

Added : பிப் 12, 2020
Advertisement

திருவேற்காடு : நகர்ப்புற சுகாதாரம் உள்ளிட்ட, பொதுமக்களின் சேவைக்கான, நகராட்சி நிர்வாக வாகனங்கள், ஜி.பி.எஸ்., கருவியுடன் இயக்கப்படுகின்றன.

திருவேற்காடு நகராட்சி, 28.5 சதுர கிலோ மீட்டர் பரப்பளவு கொண்ட, கோவில் நகரமாகும். இங்கு, 18 வார்டுகளில், 22,241 வீடுகள் உள்ளன; 1 லட்சம் பேர் வசிக்கின்றனர்.இவை தவிர, தொழில் நிறுவனங்கள், புதிய கட்டடங்களும் உருவாகி வருகின்றன. வீடு, தொழிற்சாலை, வணிக வளாகங்கள் ஆகியவற்றில் இருந்து, தினமும், 23 மெட்ரிக் டன் திடக்கழிவுகள் சேகரிக்கப்படுகின்றன.அதற்கான மேலாண்மை பணிகளுக்காக, 33 பேட்டரி வாகனங்கள், 44 மூன்று சக்கர வாகனங்கள், ஒன்பது இலகுரக வாகனங்கள், ஒரு டிப்பர் லாரி ஆகியவை பயன்படுத்தப்படுகின்றன.திடக்கழிவு மேலாண்மை பணிகளில், மேம்பாடு அடைய, நகராட்சி நிர்வாகம், பல்வேறு முயற்சிகளை மேற்கொண்டு வருகிறது.

அதற்காக, குப்பை அகற்றும் வாகனம், குடிநீர் வினியோகிக்கும் லாரி என, பொதுமக்களின் சேவைக்காக பயன்படுத்தப்படும், நகராட்சியின் அனைத்து வாகனங்களிலும், ஜி.பி.எஸ்., எனும், 'குளோபல் பொசஷனிங் சிஸ்டம்' கருவி பொருத்தப்பட்டுள்ளது.இதனால், மொபைல் போனின் பிரத்யேக செயலி மூலம், அவற்றின் செயல்பாடுகள் கண்காணிக்கப்பட்டு, பணிகளை விரைந்து முடிக்க நடவடிக்கை எடுக்கப்படுகிறது.மேலும், அந்த வாகனங்களில், ஒலி பெருக்கி அமைத்து, திடக்கழிவுகளை, மக்கும் குப்பை, மக்காத குப்பையாக பிரித்து வழங்க வேண்டும். பொது இடங்களில் குப்பை, கழிவுகள் வீசக்கூடாது.சொத்து வரிகளை, குறித்த நாட்களுக்குள் செலுத்த வேண்டும் என்பது உள்ளிட்ட, பல்வேறு அறிவிப்புகளும், நகராட்சி ஊழியர்கள் மூலம் செய்யப்படுகிறது.விழிப்புணர்வுஎஸ். செந்தில் குமரன்,ஆணையர், திருவேற்காடு நகராட்சி.நகராட்சியை துாய்மையாக வைத்திருக்கும் நடவடிக்கையாக, மேற்கண்ட பணிகளை செயல்படுத்தி வருகிறோம். அதற்கான பங்களிப்பில், முக்கிய இடம் வகிப்பது பொதுமக்கள் தான். அவர்களின் ஒத்துழைப்பு இருந்தால், இந்த நகராட்சி, எப்போதும் சுகாதாரமான நகராட்சியாக இருக்கும். அதற்கான விழிப்புணர்வுகளை, நகராட்சி நிர்வாகம் மூலம், ஏற்படுத்தி வருகிறோம்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X