சம்பவம் செய்தி

தமிழ்நாடு

நிலம் அடமானம் வைத்ததை மறைத்து விற்பனை: சார் பதிவாளர் உள்பட மூவர் மீது வழக்கு பதிவு

Added : பிப் 12, 2020
Advertisement

திருச்சி: கடனுக்கு ஈடாக கொடுத்து நிலத்து பத்திரம் காணாமல் போனதாக கூறி, புதிய பத்திரம் வாங்கி மோசடியில் ஈடுபட்ட சார் பதிவாளர் உள்ளிட்ட மூவர் மீது போலீசார் வழக்கு பதிவு செய்துள்ளனர்.
திருச்சி, தாராநல்லூரைச் சேர்ந்தவர் செந்தில்குமார், 43. இவரும், ஸ்ரீரங்கம் கவுண்டர்தோப்பு பகுதியைச் சேர்ந்த ஆசைத்தம்பி என்பவரும் சேர்ந்து ரியல் எஸ்டேட் தொழில் செய்து வந்தனர். சில ஆண்டுகளுக்கு முன், ஆசைத்தம்பி தனக்கு சொந்தமான, ஆறு ஏக்கர் நிலத்தை அடமானமாக வைத்து, செந்தில்குமாரிடம், 75 லட்சம் ரூபாய் கடன் வாங்கி உள்ளார். பின், செந்தில்குமாரிடம் ஆவணங்கள் கொடுத்ததை மறைத்து, தன்னுடைய நிலத்தின் ஆவணங்கள் தொலைந்து போய் விட்டதாக கூறி, திருச்சி அரசு மருத்துவமனை போலீசில் புகார் அளித்தார். புகாரின் பதிவு செய்யப்பட்ட ஆவணங்கள் அடிப்படையில், தன்னுடைய நிலத்துக்கு, திருச்சி பத்திர பதிவு அலுவலகத்தில் புதிய ஆவணங்களை பெற்றார். அந்த ஆவணங்கள் மூலம், செந்தில்குமாரிடம் அடமானம் வைத்த நிலத்தை, உறையூரைச் சேர்ந்த சாந்தகுமாரி என்பவரிடம் விற்று விட்டார். இவர் புதிய ஆவணங்கள் பெற, திருச்சி பத்திரப்பதிவு அலுவலக சார்பதிவாளர் சங்கர் உதவி செய்துள்ளார். இதுகுறித்து தகவல் அறிந்த செந்தில்குமார், தன்னிடம் நிலத்தை அடமானம் வைத்து பணம் வாங்கி விட்டு, வேறு ஆவணங்கள் மூலம் விற்று விட்டதாக கூறி, ஆசைத்தம்பி, சாந்தகுமாரி, சார்பதிவாளர் சங்கர் ஆகியோர் மீது போலீசில் புகார் அளித்தார். ஆனால் போலீசார் நடவடிக்கை எடுக்கவில்லை. இதுகுறித்து அவர் திருச்சி ஜே.எம்., 1 நீதிமன்றத்தில் வழக்கு தொடர்ந்தார். வழக்கை விசாரித்த நீதிமன்றம், செந்தில்குமார் புகாரின் மீது விசாரணை நடத்த, திருச்சி மாநகர குற்றப்பிரிவு போலீசாருக்கு உத்தரவிட்டது. அதன்பேரில் மூவர் மீதும் வழக்கு பதிவு செய்து விசாரிக்கின்றனர்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X