சம்பவம் செய்தி

தமிழ்நாடு

வாலிபர் இறந்த விபத்து வழக்கு தவறாக பதிவு: மணப்பாறையில் உறவினர்கள் சாலை மறியல்

Added : பிப் 12, 2020
Advertisement

திருச்சி: வாலிபர் இறந்த விபத்தை தவறாக போலீசார் வழக்கு பதிவு செய்ததைக் கண்டித்து, மணப்பாறை அரசு மருத்துவமனை முன் மறியல் போராட்டம் நடந்தது.
திருச்சி, மணப்பாறை அருகே உள்ள வேம்பனூரைச் சேர்ந்தவர் சதீஷ்குமார், 21. இவர் விராலிமலையில் உள்ள தனியார் நிறுவனத்தில் பணியாற்றி வந்தார். நேற்று காலை அவர் வேலைக்கு தனது இரு சக்கர வாகனத்தில் சென்றுள்ளார். பின் சிறிது நேரத்தில் கொடிக்காப்பட்டி என்ற இடத்தில், விபத்தில் சிக்கி காயங்களுடன் இறந்து கிடந்தார். அவரை உடலை கைப்பற்றிய விராலிமலை போலீசார், பிரேத பரிசோதனைக்காக மணப்பாறை அரசு மருத்துவமனைக்கு அனுப்பி வைத்தனர். இதுதொடர்பாக, சதீஷ்குமார் தானாக விழுந்து விபத்தில் சிக்கியதாக விராலிமலை போலீசார் வழக்கு பதிவு செய்துள்ளனர். இதையறிந்த அவரது உறவினர்கள், 'டிராக்டர் மோதி தான் சதீஷ்குமார் இறந்தார், தானாக விழவில்லை' என்று கூறி, தவறாக வழக்கு பதிவு செய்த போலீசாரை கண்டித்து, மணப்பாறை அரசு மருத்துவமனை முன் மறியல் போராட்டத்தில் ஈடுபட்டனர். மணப்பாறை போலீசார், அவர்களிடம் பேச்சுவார்த்தை நடத்தினர். ஆனால் வழக்கை முறையாக பதிவு செய்தால் மட்டுமே மறியலை கைவிடுவதாக அவர்கள் தெரிவித்தனர். அப்போது போலீசாருக்கும், மறியலில் ஈடுபட்டவர்களுக்கும் வாக்குவாதம் நடந்தது. பின் மீண்டும் நடந்த பேச்சுவார்த்தையில், உரிய விசாரணை நடத்தி, வழக்கு மாற்றி பதிவு செய்யப்படும் என்று போலீசார் உறுதியளித்தனர். இதையடுத்து சதீஷ்குமார் உறவினர்கள் மறியலை கைவிட்டு கலைந்து சென்றனர். இதனால் மணப்பாறை-புதுக்கோட்டை சாலையில், 30 நிமிடம் போக்குவரத்து பாதிக்கப்பட்டது.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X