பொது செய்தி

தமிழ்நாடு

மடத்துக்குளம் உலர் களம் புதுப்பிப்பு

Added : பிப் 12, 2020
Advertisement

மடத்துக்குளம் : 'தினமலர்' நாளிதழ் செய்தி எதிரொலியாக, மடத்துக்குளம் ஒழுங்குமுறை விற்பனைக்கூட வளாகத்திலுள்ள உலர் களம் புதுப்பிக்கப்பட்டது.

மடத்துக்குளம் தாலுகா பகுதியில், 15 ஆயிரத்துக்கும் மேற்பட்ட ஏக்கர் பரப்பில் விளை நிலங்கள் உள்ளன. பழைய ஆயக்கட்டு பகுதியில் நெல், கரும்பு, வாழை, முக்கிய பயிராக உள்ளது.புதிய ஆயக்கட்டில் மக்காச்சோளம், நெல், மற்றும் பயிறு வகை பயிர்கள் சாகுபடி ஆகின்றன. இங்கு சம்பா, குறுவை என இரண்டு பருவ சாகுபடி உள்ளது. அறுவடைக்கு பின்பு, நெல், மக்காச்சோளம் பயிறு வகைகள் உள்ளிட்டவைகளை களத்தில் உலரவைத்து பின்பு எடை இடுவது வழக்கம்.சில நேரங்களில், அறுவடையின் போது விளைந்த பயிர்களுக்கு விவசாயிகள் எதிர்பார்த்த விலை கிடைக்காது.

இந்த பிரச்னைக்கு தீர்வாக, ஒழுங்கு முறை விற்பனைக்கூடத்தில் இருப்பு வைத்து விலை அதிகரிக்கும் போது விற்பனை செய்யும் வாய்ப்புகள் உள்ளன. இம்முறையில் விற்பனைக் கூடத்திற்கு எடுத்து வரப்படும் விளைபொருட்கள் அங்குள்ள உலர் களங்களில் காய வைத்து, மூட்டைகளாக்கி, விற்பனைக் கூடத்தில் உள்ள குடோன்களில் இருப்பு வைப்பது வழக்கம்.உலர் களம், சேதமடைந்திருந்தது. பல இடங்களில் தரைத்தளம் பெயர்ந்தும், படிக்கட்டுகள் உடைந்தும், சுவர்களில் விரிசல் ஏற்பட்டும் இருந்தன.

இதனால் இதை பயன்படுத்த விவசாயிகள் சிரமப்பட்டனர். தானியங்களும் சேதமாகின. உலர் களத்தை புதுப்பிக்க வேண்டும் என 'தினமலர்' நாளிதழில் செய்தி வெளியானது. இதன் எதிரொலியாக, தற்போது உலர் களம் புதுப்பிக்கப்படுகிறது.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X