பொது செய்தி

தமிழ்நாடு

நாளை தமிழக பட்ஜெட்: பல அறிவிப்புகள் வெளியாகும்?

Updated : பிப் 13, 2020 | Added : பிப் 12, 2020 | கருத்துகள் (20)
Share
Advertisement
Budget, Tamil Nadu,OPS,  பட்ஜெட், நாளை, தாக்கல், பன்னீர்செல்வம், பற்றாக்குறை, திட்ட நிலை அறிக்கை

சென்னை: தமிழக அரசின் 2020 - 21ம் ஆண்டிற்கான பட்ஜெட் நாளை தாக்கல் செய்யப்பட உள்ளது. துணை முதல்வர் பன்னீர்செல்வம் பட்ஜெட் தாக்கல் செய்கிறார். சட்டசபை தேர்தலுக்கு முன் தாக்கல் செய்யப்படும் முழு பட்ஜெட் என்பதால் மக்களை கவரும் வகையில் பல அறிவிப்புகள் வெளியாகும் என எதிர்பார்க்கப்படுகிறது.
பட்ஜெட் தாக்கல் செய்வதற்காக சட்டசபை நாளை காலை 10:00 மணிக்கு கூடுகிறது. நிதித் துறையை கவனித்து வரும் துணை முதல்வர் பன்னீர்செல்வம் ஒன்பதாவது முறையாக பட்ஜெட்டை தாக்கல் செய்கிறார். 2019 - 20ம் ஆண்டு பட்ஜெட்டில் வருவாய் பற்றாக்குறை 14 ஆயிரத்து 315 கோடி ரூபாயாக இருந்தது.

வருங்காலத்தில் நிதிநிலை பராமரிப்பில் உறுதித்தன்மை ஏற்பட்டு வருவாய் பற்றாக்குறை படிப்படியாக குறைவதற்கு வாய்ப்பு ஏற்படும் என்றும் அந்த பட்ஜெட்டில் தெரிவிக்கப்பட்டிருந்தது. கடன் 3.97 லட்சம் கோடி ரூபாயாக இருக்கும் என்றும் மதிப்பிடப்பட்டிருந்தது.

அ.தி.மு.க. ஆட்சி அடுத்த ஆண்டு மே மாதம் நிறைவடைகிறது. எனவே அடுத்த ஆண்டு இடைக்கால பட்ஜெட் தான் தாக்கல் செய்ய முடியும். எனவே சட்டசபை தேர்தலை மனதில் வைத்து நாளை தாக்கலாகும் பட்ஜெட்டில் புதிய அறிவிப்புகள் ஏராளம் இருக்கலாம் என எதிர்பார்க்கப்படுகிறது. அரசு ஊழியர்கள், ஆசிரியர்களுக்கு பழைய ஓய்வூதிய திட்டத்தை அமல்படுத்துவது தொடர்பான அறிவிப்பு வெளியாகுமா என்ற கேள்வி எழுந்து உள்ளது. அந்த எதிர்பார்ப்பில் அரசு ஊழியர்களும் உள்ளனர்.

நீர்நிலைகளில் நடந்து வரும் குடிமராமத்து பணிக்கு விவசாயிகளிடம் வரவேற்பு உள்ளதால் இந்த பட்ஜெட்டில் கூடுதல் நிதி ஒதுக்கப்பட வாய்ப்புள்ளது. புதிய மாவட்டங்கள், தாலுகாக்கள் தொடர்பான அறிவிப்புகளும் வெளியாகலாம் என்றும் தெரிகிறது. பட்ஜெட் தாக்கல் செய்யப்பட்ட பின் சபையின் அலுவல் ஆய்வுக் குழு கூடி பட்ஜெட் மீதான விவாதத்தை எத்தனை நாட்கள் நடத்துவது என்று முடிவு செய்யும்.


எதிர்கட்சிகள் திட்டம்:


பட்ஜெட் மீதான விவாதத்தின்போது, குடியுரிமை திருத்த சட்டம் பிரச்னை, 'ஹைட்ரோ கார்பன்' திட்டம், 'குரூப் - 4' தேர்வு முறைகேடு உட்பட பல்வேறு பிரச்னைகளை, எதிர்க்கட்சிகள் எழுப்ப திட்டமிட்டுள்ளன. டெல்டா மாவட்டங்களை, பாதுகாக்கப்பட்ட வேளாண் சிறப்பு மண்டலமாக மாற்ற, சட்டம் இயற்றும்படியும், குடியுரிமை சட்டத்தை அமல்படுத்த மாட்டோம் என தீர்மானம் கொண்டு வரும்படியும், தி.மு.க., உள்ளிட்ட எதிர்க்கட்சிகள் வலியுறுத்த திட்டமிட்டுள்ளன.


திட்ட நிலை அறிக்கை!

'பட்ஜெட் அறிக்கையோடு, திட்ட நிலை அறிக்கையையும் வெளியிட வேண்டும்' என, சட்ட பஞ்சாயத்து இயக்கம் கோரிக்கை விடுத்துள்ளது.

அதன் பொதுச் செயலர் செந்தில் ஆறுமுகம் அறிக்கை: ஒவ்வொரு ஆண்டு பட்ஜெட் தாக்கலின்போதும், பல்வேறு துறைகளுக்கு, நிதி ஒதுக்கப்படுவதும், சிறப்பு திட்டங்கள், புதுப்புது திட்டங்கள் அறிவிக்கப்படுகின்றன. இவை குறித்த செயல் அறிக்கை எதுவும், பட்ஜெட் கூட்டத் தொடரில் வெளியாவதில்லை.எனவே, பட்ஜெட் தாக்கல் செய்யும்போது அல்லது பட்ஜெட் கூட்டத் தொடர் முடிவதற்குள், கடந்த ஆண்டு பட்ஜெட்டில் அறிவிக்கப்பட்ட திட்டங்களின் நிலை குறித்த அறிக்கையையும், நிதி அமைச்சர் வெளியிட வேண்டும். இவ்வாறு, அவர் கூறியுள்ளார்.

Advertisement




வாசகர் கருத்து (20)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Gopi - Chennai,இந்தியா
13-பிப்-202018:12:40 IST Report Abuse
Gopi தாலிக்கு தங்கம் திட்டம் தொடருது இல்லையோ கண்டிப்பாக தாலி அறுக்கும் சாராயம் முழு மதுவிலக்கால் ஒழிக்கப்படவேண்டும், முதியோர் இலவச பேருந்து பயணம், மீட்டர் பொருத்தப்பட்ட வீட்டு உபயோக குடிநீருக்கு குறைந்த அளவிற்கு வரி இல்லை, அரசு பள்ளிக்கூடங்களில் சேர்க்கும் தாய்மார்களின் வங்கிக்கணக்கில் நீண்ட கால வைப்பு நிதி (10 வருட நிதி, கல்வி தொடரும் ஒவ்வொவொரு ஆண்டுதோறும் ), ஒவ்வொரு 0.5 கிலோமீட்டருக்கு இலவச குடிநீர் வங்கிகள், சுத்தமான நவீன கழிப்பறைகள், சுயஉதவிக்குழு மாடிடித்தோட்டம் அம்மைக்கு நபர்கள் கொண்டு சமூதாய சமையல் கூடத்தில் தாயாருக்கு மலிவுவிலை உணவு வீடு தேடி அலுவலகம் தேடி சேர்ப்பித்தல், வீட்டிற்க்கே அரசு துறை சார்ந்த சேவைகள் இதற்க்கு கல்லூரி மாணவர்களை கான்டராக்டில் பணியமர்த்துவது, எல்லா தேர்வுகளையும் மைக்ரோசாப்ட் ஆரங்கள் நிறுவனங்கள் போல கணினிமூலம் கண்காணிப்பு கேமரா வைத்து நடத்துதல், எல்லா அரசு துறைகளிலும், உள்கட்டமைப்பு பணிகள், நீர் மேலாண்மை, கட்டிடத்துறை, நெடுஞ்சாலை துறை போன்றவற்றில் குறைந்தது 30 % கல்லூரி முடித்து வரும் மாணவர்களுக்கு ஒரு ஆண்டு கான்டராக் மூலம் பணி (ஒரு ஆண்டு முடிந்து அவர்கள் விடுவிக்க பட்டு அடுத்த ஆண்டு பட்டம் பெற்று வரும் மாணவர்களுக்கு பணி ), அரசு அல்லது அரசு அங்கீகாரம் அளிக்கும் குறைந்த சிலவில் படிக்கும், வேறு நகரங்களில் வேலை செய்யும் மக்களுக்கு தங்கும் விடுதிகள், பணவரவிற்கு பதில் கிரெடிட் கார்டு புள்ளிகள் போல மாநிலத்தின் எந்த பகுதியிலும் எந்த பணி செய்ய படித்த படிக்காத உடல் தகுதி உடைய நபர்களுக்கு வேலை ஒரு மென்பொருள் மற்றும் ஆதார் மூலமாக செய்யவேண்டும். இந்த புள்ளிகளை அரசு அங்கீகரிக்கப்பட்ட போக்குவரத்து, மருத்துவம், கல்வி, உணவு விடுதிகளில் பரிமாறிக்கொள்ள வசதி, மக்களை மாதம் இருமுறை நேரிடையாக அதிகாரிகள் MLA MP கவுன்சிலர்கள் நேரிடையாக சந்திக்கும் கூட்டங்கள் பிரச்சனைகளை மென்பொருட்களை கொண்டு உடனுக்குடன் தீர்க்கும் வழிவகைகள் என்று செய்தால் இந்த அரசு தப்பி பிழைக்கும்
Rate this:
Cancel
13-பிப்-202017:16:27 IST Report Abuse
ஆப்பு இங்கேயும் எல்லாத்துக்கும் விலையைக் கூட்டி பட்ஜெட் போடுவாங்க. இல்லேண்ணா திடுதிப்புன்னு பால்விலை, பஸ் கட்டணத்தை ஏத்தி புரட்சி செய்வாங்க.
Rate this:
Cancel
Lion Drsekar - Chennai ,இந்தியா
13-பிப்-202013:38:58 IST Report Abuse
Lion Drsekar தேர்தல் முடிந்தவுடன் நிறுத்தி வைக்கப்பட்டுள்ள நீதிமன்ற உத்தரவு மீண்டும் அமல்படுத்தப்பட்டு வீட்டு வரி உயர்த்தப்படும், தற்போது அமல்படுத்தப்பட்டுள்ள குடிநீர் வடிகால் வரி முன்பு இரண்டாக இருந்தது தற்போது அது மூன்று வரிகளாக உயர்த்தப்பட்டுள்ளது மொத்தத்தில் அந்த வரியும் வீட்டு வரிக்கு இணையாக உள்ளது, எல்லாவற்றிற்கும் ஆதாரம் உள்ளது. ஆகவே இதை பதிவு செய்கிறேன், மொத்தத்தில் கடலில் மீன் பிடிப்பது போல் ஆகிவிட்டது இந்த வரி அமைப்புகள் மற்றும் மக்களின் நிலைப்பாடும், வெள்ளையன் காலத்தில் இவ்வளவு வரி கிடையாது, தற்போது வரி விதிக்கப்படாத துறைகள் ஒன்று காவல் துறை வரி, நீதித்துறை வரி, சிறைத்துறை வரி, வருங்காலங்களில் இதற்கும் வரி விதித்தாலும் விதிப்பார்கள், அதற்க்கு அடுத்து சட்டம் ஒழுங்கு வரி, போக்குவரத்து காவல் வரி . சோதனை மேல் சோதனை போதுமடா சாமி . வந்தே மாதரம்
Rate this:
Srinivas - Chennai,இந்தியா
13-பிப்-202014:57:34 IST Report Abuse
Srinivasடீசல், பெட்ரோல் விலையை GST க்குள் கொண்டுவரலாம் என்று மத்திய நிதி அமைச்சர் சொன்னார். தமிழக அடிமை அரசு செய்யுமா என்றால் சந்தேகம்தான். காலி மனைக்கு வரி, இடிக்கப்போகும் நிலையில் உள்ள மிகப்பழைய கட்டிடங்களுக்கு வரி, வீட்டு வரி உயர்வு இப்படி பல வரிகளின் மூலம் வரிச்சுமை, பால் விலை உயர்வு, அத்தியாவசியப்பொருட்களின் விலை உயர்வு என்று மக்கள் படும் கஷ்டங்கள் சொல்லமுடியாது. அடிமை அரசு மக்களின் பிரச்சினைகளுக்கு செவி சாய்ப்பதே இல்லை. இதில் புதிது புதிதாக குருப் தேர்வு ஊழல்கள், வாக்கி டாக்கி ஊழல் இன்னும் என்ன என்ன ஊழல்கள் வெளியில் வரப்போகுதோ....
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X