சம்பவம் செய்தி

தமிழ்நாடு

மயானத்திற்கு பாதை அமைக்க கொடுக்கூரில் தாசில்தார் ஆய்வு

Added : பிப் 13, 2020
Advertisement

விருத்தாசலம்:'தினமலர்' செய்தி எதிரொலி காரணமாக, கொடுக்கூர் மயானத்திற்கு பாதை அமைப்பது குறித்து தாசில்தார் தலைமையில் வருவாய்த் துறையினர் ஆய்வு செய்தனர்.
விருத்தாசலம் அடுத்த கொடுக்கூர் ஊராட்சியில், ஐம்பது ஆண்டுகளுக்கு மேலாக சுடுகாட்டிற்கு செல்ல பாதையில்லாமல், வயல்வெளியில் சடலத்தை சுமந்து செல்லும் அவலம் தொடர்கிறது. அப்போது, வயல்களில் நெல், கரும்பு போன்ற வேளாண் விளைபொருட்களை சாகுபடி செய்திருந்தாலும், அவற்றை மிதித்துக் கொண்டு தான் செல்ல வேண்டும். இது குறித்து மாவட்ட நிர்வாகத்திடம் பலமுறை முறையிட்டும் எந்த நடவடிக்கையும் எடுக்கவில்லை.இந்நிலையில், நேற்று முன்தினம் இறந்த பச்சமுத்து மனைவி மீனாட்சி என்பவரது சடலத்தை, நெற்பயிர்களை மிதித்தபடி உறவினர்கள் துாக்கிச் சென்றனர்.
இதனைச் சுட்டிக்காட்டி, 'தினமலர்' நாளிதழில் நேற்று முன்தினம் செய்தி வெளியானது.அதைத் தொடர்ந்து, தாசில்தார்கள் கவியரசு, (ஆதிதிராவிடர் நலன்) செல்வமணி ஆகியோர் நேரில் பார்வையிட்டனர். அப்போது, 200 அடி தொலைவில் உள்ள தனியார் நிலத்தை கடந்து, சுடுகாட்டிற்கு செல்ல வேண்டி இருப்பதால், அங்கு பாதை அமைக்க முடியாத நிலை உள்ளது.எனவே, பிற்பட்டோர் நலத்துறை மூலம் சம்பந்தப்பட்ட தனிநபரிடம் பேச்சு வார்த்தை நடத்தி, அவரது ஒப்புதலுடன் பாதை அமைப்பது குறித்து புலவிசாரணை செய்யப்பட்டது. அப்போது, மண்டல துணை தாசில்தார் வேல்முருகன், வருவாய் ஆய்வாளர் அபிராமி உடனிருந்தனர்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X