நஞ்சுண்டேஸ்வரர் கோவில் கும்பாபிஷேக விழா கோலாகலம்| Dinamalar

பொது செய்தி

தமிழ்நாடு

நஞ்சுண்டேஸ்வரர் கோவில் கும்பாபிஷேக விழா கோலாகலம்

Added : பிப் 13, 2020
Share

தர்மபுரி: தர்மபுரி அடுத்த, குப்பாகவுண்டர் தெரு ஆத்துமேட்டில் உள்ள, சர்வாங்கசுந்தரி சமேத நஞ்சுண்டேஸ்வரர் கோவிலில், நேற்று கும்பாபிஷேகம் நடந்தது. இக்கோவில் கும்பாபிஷேகத்தை முன்னிட்டு, கடந்த, 8 காலை, 9:30 மணிக்கு மேல் கொடியேற்றம், 10:00 மணிக்கு மேல் காப்புகட்டும் நிகழ்ச்சி, 10:30 மணிக்கு மேல், முதல்கால யாகசாலை பூஜை நடந்தது. நேற்று முன்தினம் காலை, 11:00 மணிக்கு, தீர்த்தக்குடம் மற்றும் பால்குட ஊர்வலமும், 12:00 மணிக்கு முளைபாலிகை அழைத்தல், இரவு, 7 மணிக்கு இரண்டாம் கால யாகசாலை பூஜை நடந்தது. மாலை, 7:30 மணிக்கு மேல், கணபதி, லட்சுமி உள்ளிட்ட பல்வேறு யாகசாலை பூஜை மற்றும் ?ஹோமங்கள் நடந்தன. விழாவின் முக்கிய நாளான நேற்று காலை, 10:00 மணிக்கு, கோவில் கோபுர கலசத்துக்கு புனித நீர் ஊற்றி, கும்பாபிஷேகம் நடத்தப்பட்டது. இதில், திரளான பக்தர்கள் சுவாமி தரிசனம் செய்தனர். விழாவில் கலந்து கொண்ட பக்தர்களுக்கு, கோவில் நிர்வாகம் சார்பில், அன்னதானம் வழங்கப்பட்டது. இன்று காலை, 10:00 மணி முதல், 48 நாட்களுக்கு தொடர்ந்து மண்டல பூஜை நடக்க உள்ளது.

Advertisement


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X