கடலூரில் இருந்து ஒரு காதல் கதை| chennai | Dinamalar

கடலூரில் இருந்து ஒரு காதல் கதை

Updated : பிப் 13, 2020 | Added : பிப் 13, 2020 | கருத்துகள் (9)
Share



latest tamil news


கடலுார் மாவட்டம் திருவதிகையைச் சேர்ந்த ஆனந்தன்(30) ஒரு சிற்ப வேலை செய்யும் கூலி தொழிலாளி
இவர் தன் தொழில் நிமித்தமாக இதே மாவட்டத்தை சேர்ந்த திருவந்திபுரம் என்ற இடத்தில் உள்ள கோவிலுக்கு வேலைக்கு சென்று இருக்கிறார்
வேலைக்கு சென்ற இடத்தில் கோவிலுக்கு எதிரே சூர்யா(21) என்பவர் இருந்திருக்கிறார். இருவரும் ஒருவரை ஒருவரை பார்த்துக் கொண்ட முதல் பார்வையிலேயே காதல் அரும்பியிருக்கிறது.


latest tamil news


பிறகு தாகத்திற்கு தண்ணீர் கேட்பது சிற்பவேலைகளுக்கு தேவையான உதவிகள் கேட்பது என்று காதல் வளர்ந்திருக்கிறது.
பொருளாதாரத்தில் சூர்யா கொஞ்சம் வசதியானவர் அவரது தந்தையும் செல்வாக்கு நிறைந்தவர் இதை எல்லாம் காதல் பார்ப்பது இல்லையே.
ஒரு கட்டத்தில் சூர்யாவின் வீட்டாருக்கு இவர்களது காதல் தெரியவர கடுமையான எதிர்ப்பையும் கட்டுப்பாட்டையும் விதித்தனர்.
கட்டுப்பாடுகளை உடைத்தெறிந்து வெளியேறிய சூரியாவை ஒலையூர் பெருமாள் கோயிலில் வைத்து ஆனந்தன் திருமணம் செய்து கொண்டார்.
திருமணம் முடித்த கையோடு கடலுார் மாவட்ட காவல் துறை கண்காணிப்பாளர் அலுவலகம் வந்து எந்த நேரமும் எங்களுக்கு ஆபத்து வரலாம் தயவு செய்து நாங்கள் வாழ பாதுகாப்பு கொடுங்கள் என்று கேட்டு மனு கொடுத்துள்ளனர்.
காசு பணம் கல்வி பதவி பாராமல் வந்த இந்த எளிமையான காதல் வாழ்க என்று அட்வான்சாக காதலர் தின வாழ்த்தையும் சேர்த்து வாழ்த்திய போலீசார் நாங்க இருக்கிறோம் பார்த்துக் கொள்கிறோம் என்று ஆறுதல் சொல்லி அன்பாக வழியனுப்பிவைத்துள்ளனர்.
எல்.முருகராஜ்.


Advertisement


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X