சிலிண்டர் விலை உயர்வு: ஸ்மிருதி போட்டோவுடன் ராகுல் கிண்டல்| Dinamalar

சிலிண்டர் விலை உயர்வு: ஸ்மிருதி போட்டோவுடன் ராகுல் கிண்டல்

Updated : பிப் 13, 2020 | Added : பிப் 13, 2020 | கருத்துகள் (38)
Share
Congress,Rahul,RahulGandhi,காங்கிரஸ்,ராகுல்,ராகுல்காந்தி

புதுடில்லி: வீட்டு காஸ் சிலிண்டர் விலை உயர்வை கண்டித்துள்ள காங்., எம்.பி., ராகுல், மத்திய அமைச்சர் ஸ்மிருதி இரானியின் பழைய புகைப்படத்தை டுவிட்டரில் பதிவிட்டு கிண்டலடித்துள்ளார்.

வீட்டு உபயோகத்துக்கான 14.2 கிலோ எடை கொண்ட சமையல் சிலிண்டர் விலையை, எண்ணெய் நிறுவனங்கள் நேற்று(பிப்.,12) அதிரடியாக ரூ.144 உயர்த்தி அறிவித்தன. விலை உயர்வை கண்டித்து காங்., தேசியவாத காங் உள்ளிட்ட கட்சிகள் ஆர்பாட்டம் நடத்தி வருகின்றன. இந்நிலையில், காங்., கட்சி தலைவர் ராகுல், வீட்டு கேஸ் விலை உயர்வை, மத்திய அமைச்சர் ஸ்மிருதி இரானியின் பழைய புகைப்படத்தை பதிவிட்டு கிண்டல் செய்துள்ளார்.


latest tamil news



அப்புகைப்படத்துடன் தனது டுவிட்டர் பக்கத்தில் ராகுல் பதிவிட்டுள்ளதாவது: வீட்டு காஸ் சிலிண்டர் விலை அதிக அளவில், ரூ.150 உயர்ந்துள்ளதற்காக, பா.ஜ.,வினர் போராட்டம் நடத்துகிறார்கள். அவர்களது போராட்டத்தை நான் ஏற்கிறேன். இவ்வாறு அவர் பதிவிட்டுள்ளார்.

ராகுல் பதிவிட்ட ஸ்மிருதியின் புகைப்படம், காங்., ஆட்சியின் போது, காஸ் விலை உயர்வை கண்டித்து பா.ஜ., சார்பில் அவர் பங்கேற்ற ஆர்ப்பாட்டத்தின் போது எடுத்தது என்பது குறிப்பிடத்தக்கது.

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X