சம்பவம் செய்தி

தமிழ்நாடு

சம்பளம் வழங்க கோரி 'டான்டீ' முன் ஆர்ப்பாட்டம்

Added : பிப் 14, 2020
Advertisement

வால்பாறை;சின்கோனா (டான்டீ) தேயிலை தோட்ட தொழிலாளர்கள் கடந்த மாதம் சம்பளம் வழங்க கோரி ஆர்ப்பாட்டத்தில் ஈடுபட்டனர்.வால்பாறை அடுத்துள்ள சின்கோனாவில் (டான்டீ), ரயான், லாசன் ஆகிய இருசரகங்களிலும், 600க்கும் மேற்பட்ட தொழிலாளர்கள் பணிபுரிந்து வருகின்றனர். இவர்களுக்கு தினக்கூலியாக, 319.90 ரூபாய் வழங்கப்படுகிறது.இந்நிலையில், தமிழக முதல்வர் கடந்த சில மாதங்களுக்கு முன்பு கோவையில் நடந்த விழாவில், 'டான்டீ தொழிலாளர்களுக்கு, தற்போது வழங்கப்படும் சம்பளத்துடன், 12.50 ரூபாய் சேர்த்து வழங்கப்படும்,' என்றார். ஆனால், இன்று வரை சம்பளம் வழங்காததால், தொழிலாளர்கள் விரக்தியடைந்துள்ளனர்.இந்நிலையில், கடந்த மாத சம்பளம் நேற்று வரை வழங்கவில்லை. இதனால், தொழிலாளர்கள் வறுமையில் வாடுவதோடு, கடும் அவதிக்குள்ளாகி வருகின்றனர். இதனை கண்டித்து, 'டான்டீ' முன்பாக, நேற்று ஆர்ப்பாட்டம் செய்தனர். சின்கோனா (டான்டீ) அதிகாரிகள் கூறியதாவது: 'டான்டீ' நிர்வாகம் தொடர்ந்த நஷ்டத்தில் இயங்குகிறது. இருப்பினும் தொழிலாளர்களுக்கு மாதம் தோறும் தவறாமல் சம்பளம் வழங்கப்படுகிறது. இந்த மாதம் தேயிலை துாள் விற்பனை போதிய அளவு இல்லாததால், தொழிலாளர்களுக்கு குறிப்பிட்ட நாளில் சம்பளம் வழங்க முடியவில்லை. தலைமை அலுவலகத்திலிருந்து 'செக்' வந்ததும், தொழிலாளர்களுக்கு உடனடியாக சம்பளம் வழங்கப்படும்,' என்றனர்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X