பொது செய்தி

தமிழ்நாடு

உக்கடம் பெரியகுளம் வேற லெவலுக்கு மாறுது!

Added : பிப் 14, 2020
Advertisement

கோவை:'ஸ்மார்ட் சிட்டி' திட்டத்தில், உக்கடம் பெரிய குளம், வாலாங்குளத்தில், மார்ச், 15க்குள் முதல்கட்ட பணிகளை முடிக்க இலக்கு நிர்ணயித்திருப்பதால், இரவு - பகலாக வேலை நடக்கிறது.மத்திய - மாநில அரசுகள் வழங்கும் நிதியில், 'ஸ்மார்ட் சிட்டி' திட்டத்தில், கோவையில் உள்ள ஒன்பது குளங்கள் மேம்படுத்தப்பட்டு, சிறந்த பொழுதுபோக்கு தலங்களாக மாற்றப்படுகின்றன. உக்கடம் பெரிய குளம், வாலாங்குளம் மற்றும் வாலாங்குளம் பாலத்தின் கீழ்ப்பகுதியில், முதல்கட்ட பணிகள் நடந்து வருகின்றன.நடைபாதை, சைக்கிள் பாதை, படகு சவாரி, சிறுவர்கள் விளையாடுவதற்கான இடம், மினி கூட்டரங்கம், டீ, ஸ்நாக்ஸ் சாப்பிட்டுக் கொண்டே, லேப்-டாப்பில் பணி செய்வதற்கான இடம், புட் பிளாசா என, பல்வேறு அம்சங்கள் ஏற்படுத்தப்படுகின்றன.உக்கடம் பெரிய குளத்தின் கரையில், 1,200 மீட்டர் நீளத்துக்கு தற்போது பணிகள் விறுவிறுப்பாக நடந்து வருகின்றன. வாலாங்குளத்தில், 800 மீட்டர், பாலத்தின் கீழ், ஒரு கி.மீ., துாரத்துக்கு பணிகள் செய்யப்படுகின்றன.இவற்றை வரும் மார்ச், 15க்குள் முடிக்க, இலக்கு நிர்ணயித்துள்ளதால், இரவு - பகலாக வேலை நடந்து வருகிறது. உள்ளாட்சி தேர்தலுக்குள் பொதுமக்கள் பயன்பாட்டுக்கு கொண்டு வந்து, மாநகராட்சி மீதான இமேஜை உயர்வாக காண்பிக்க திட்டமிட்டு, பணிகள் வேகப்படுத்தப்பட்டு உள்ளன. உக்கடம் மற்றும் வாலாங்குளத்தை நேரில் சென்று பார்க்கும்போது, வேற லெவலுக்கு மாறியிருப்பது உண்மையே!

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X