தமிழ்நாடு

பதிவு துறையின் புராதன கட்டடம் புதுப்பிக்க ரூ.9.70 கோடி நிதி ஒதுக்கீடு

Added : பிப் 14, 2020
Advertisement

வட சென்னையில் உள்ள, பதிவுத் துறையின் புராதன அலுவலக கட்டடத்தை, பழமை மாறாமல் புதுப்பிக்க, 9.70 கோடி ரூபாய் நிதி ஒதுக்கப்பட்டுள்ளது.

தமிழகத்தில், பத்திரப்பதிவுத் துறை துவங்கப்பட்ட காலத்தில், ராஜாஜி சாலை, மூர்த்திகல் லேன் பகுதியில், அலுவலக வளாகம் ஏற்படுத்தப்பட்டது. இந்த வளாகம், 150 ஆண்டுகளாக பயன்பாட்டில் உள்ளது.இதில், சார் - பதிவாளர் அலுவலகம், வட சென்னை மாவட்ட பதிவாளர் அலுவலகம், பதிவுத் துறை டி.ஐ.ஜி., அலுவலகம் ஆகியவை செயல்பட்டு வந்தன. இந்த வளாகம், முறையாக புதுப்பிக்கப்படாததால், சிதிலமடைந்த நிலைக்கு தள்ளப்பட்டது.

மக்களுக்கு பாதுகாப்பு குறைபாடு ஏற்படும் என தெரியவந்த நிலையில், இங்கு செயல்பட்டு வந்த பதிவுத்துறை அலுவலகங்கள், வேறு பகுதிக்கு தற்காலிக அடிப்படையில் மாற்றப்பட்டன. இந்நிலையில், இந்த அலுவலக வளாகத்தை புதுப்பிக்க, பதிவுத் துறை முடிவு செய்துள்ளது. இதற்கான கருத்துரு, அரசின் ஒப்புதலுக்கு அனுப்பப்பட்டது.

இதன் அடிப்படையில், வணிக வரி மற்றும் பதிவுத் துறை பிறப்பித்துள்ள அரசாணை விபரம்:ராஜாஜி சாலையில் உள்ள பதிவுத் துறையின், 150 ஆண்டு புராதன கட்டடத்தை, பழமை மாறாமல் புதுப்பிக்க, நிர்வாக அனுமதி வழங்கப்படுகிறது. இதற்கான பணிகள், 9.70 கோடி ரூபாய் செலவில் முடிக்கப் படும்.நடப்பு நிதியாண்டு கணக்கில், புதுப்பித்தல் திட்டத்துக்கு நிதி ஒதுக்கப்பட்டுள்ளது. பதிவுத் துறை இதற்கான நடவடிக்கைகளை மேற்கொள்ளலாம்.இவ்வாறு, அதில் குறிப்பிடப்பட்டுள்ளது.

சென்னையில், எழிலகம் வளாகத்தில், பசுமை தீர்ப்பாயம் செயல்படும், 'கலாஸ் மஹால்' கட்டடம், பழமை மாறாமல் புதுப்பிக்கப்பட்டுள்ளது. தற்போது, இதே வளாகத்தில் ஹூமாயூன் மஹால் கட்டடம் புதுப்பிக்கப்படுகிறது. இந்த வரிசையில், பதிவுத் துறையின் புராதன கட்டடமும் புதுப்பிக்கப்பட உள்ளது.

- நமது நிருபர் -

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X