சம்பவம் செய்தி

தமிழ்நாடு

சிறுவனின் உயிரை பறித்த கண்ணாமூச்சி விளையாட்டு

Updated : பிப் 15, 2020 | Added : பிப் 15, 2020
Advertisement
 சிறுவனின் உயிரை பறித்த கண்ணாமூச்சி விளையாட்டு

ஆவடி: அக்காவுடன் கண்ணாமூச்சி விளையாடிய, 5 வயது சிறுவன், கழிவுநீர் தொட்டியில் விழுந்து இறந்தது, சோகத்தை ஏற்படுத்தியது.

ஆவடி, காந்தி நகர், அன்பழகன் தெருவைச் சேர்ந்தவர் காந்தி, 39; ஆட்டோ ஓட்டுனர். இவரது மனைவி வள்ளி, 36. இவர்களுடைய மகள் யசோதா, 8, மகன்கள் சுவேகன், 5, சுமுகன், 5; இரட்டை சகோதரர்கள்.சுமுகன் அதே பகுதியில் உள்ள தனியார் பள்ளியில், ஒன்றாம் வகுப்பு படித்தார். நேற்று முன்தினம் மாலை, டியூஷனுக்கு சென்று விட்டு, தன் அக்கா யசோதாவை பின்தொடர்ந்து வீட்டிற்கு சென்றுள்ளார்.சுமுகன் தன் அக்காவை ஏமாற்ற, அவ்வப்போது, கண்ணாமூச்சி விளையாடுவார் எனக் கூறப்படுகிறது.

அன்று மாலை யசோதாவுடன் சென்ற சுமுகன், வீட்டிற்குச் செல்லவில்லை. இதனால் அதிர்ச்சி அடைந்த அவரது தந்தை காந்தி, உறவினர்களுடன் சேர்ந்து, பல்வேறு இடங்களில் தேடியுள்ளார். மகன் கிடைக்காததால், அன்று இரவு, ஆவடி காவல் நிலையத்தில் புகார் அளித்தார்.இதன் அடிப்படையில், சம்பவ இடத்திற்கு சென்ற ஆவடி போலீசார், சிறுவன் கடத்தப்பட்டாரா என்ற கோணத்தில் விசாரித்தனர். மேலும், அப்பகுதியில் உள்ள கண்காணிப்பு கேமராக்களை ஆய்வு செய்தனர்.

இதில், சுமுகன் வீட்டின் பின்னால் உள்ள கேட் வழியாக உள்ளே சென்றது பதிவாகியிருந்தது. ஆனால் மர்ம நபர்களின் நடமாட்டமோ, சிறுவன் அங்கிருந்து வெளியே சென்றதற்கான வீடியோ பதிவுகளோ கிடைக்கவில்லை.இதனால் போலீசார், சுற்றுச்சுவருக்குள் உள்ள, 10க்கும் மேற்பட்ட வீடுகளைச் சுற்றி ஆய்வு செய்தனர். அதில், ஒரு வீட்டிற்குப் பின்புறம் உள்ள கழிவுநீர் தொட்டியின் மேற்பகுதி உடைந்திருந்தது. சந்தேகத்தின் அடிப்படையில், அதை ஆய்வு செய்தபோது, சிறுவன் சுமுகன் கழிவுநீர் தொட்டியில் மூழ்கி உயிரிழந்தது தெரியவந்தது.

இதையடுத்து போலீசார் சிறுவனின் உடலை, இரவு, 11:15 மணிக்கு மீட்டு, கீழ்ப்பாக்கம் அரசு மருத்துவமனைக்கு அனுப்பி வைத்தனர்.விசாரணையில், சிறுவன் சுமுகன் தனது சகோதரியுடன் கண்ணாமூச்சி விளையாடியபோது, வீட்டிற்கு பின் ஒளிந்து கொண்டதும், அப்போது தரம் குறைந்த பொருட்களால் மூடப்பட்ட கழிவுநீர் தொட்டியின் மேற்பகுதி உடைந்து, அதில் மூழ்கி பலியானதும் தெரியவந்தது.இந்த சம்பவம், பகுதிமக்களிடையே சோகத்தை ஏற்படுத்தியது.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X