நாளை கெஜ்ரிவால் பதவியேற்பு : டில்லியில் போக்குவரத்து மாற்றம்

Updated : பிப் 15, 2020 | Added : பிப் 15, 2020 | கருத்துகள் (8)
Advertisement

இந்த செய்தியை கேட்க

புதுடில்லி : டில்லி முதல்வராக 3வது முறையாக ஆம்ஆத்மி கட்சியின் ஒருங்கிணைப்பாளரான அரவிந்த் கெஜ்ரிவால் நாளை (பிப்.,16) பதவியேற்க உள்ளார். இதற்காக டில்லியில் போக்குவரத்து மாற்றம் செய்யப்பட்டுள்ளது.







நடந்து முடிந்த டில்லி சட்டசபை தேர்தலில் மொத்தமுள்ள 70 இடங்களில் 62 இடங்களை கைப்பற்றி ஆம்ஆத்மி கட்சி அமோக வெற்றி பெற்றது. இதனையடுத்து அரவிந்த் கெஜ்ரிவால் டில்லி முதல்வராக 3வது முறையாக நாளை பதவியேற்க உள்ளார். 51 வயதாகும் கெஜ்ரிவாலின் பதவியேற்பு விழா டில்லி ராம்லீலா மைதானத்தில் பகல் 12.15 மணிக்கு நடக்க உள்ளது. இந்த விழாவிற்கான ஏற்பாடுகள் மிக பிரம்மாண்டமாக நடந்து வருகிறது. பிரதமர் மோடி தவிர மற்ற அரசியல் கட்சி தலைவர்கள் யாருக்கும் பதவியேற்பு விழாவிற்கு அழைப்பு விடுக்கப்படவில்லை.






பதவியேற்பு விழாவை முன்னிட்டு டில்லியில் பல பகுதிகளில் போக்குவரத்து மாற்றம் செய்யப்பட்டுள்ளது. ராஜ்காட் சவுக், டில்லி கேட் சவுக், நேதாஜி சுபாஷ் மார்க், அஜ்மீர் கேட் உள்ளிட்ட முக்கிய பகுதிகளில் பஸ்கள் உள்ளிட்ட எந்த வாகனங்களுக்கும் அனுமதியில்லை என தெரிவிக்கப்பட்டுள்ளது. இதே போன்று கார் மற்றும் பஸ்கள் நிறுத்தும் இடமும் மாற்றப்பட்டுள்ளது. விழாவிற்கு வருவோரின் வாகனங்கள் நிறுத்துவதற்கும் ராம்லீலா மைதானத்திற்கு எதிர்புறம் தனியிடம் ஒதுக்கப்பட்டுள்ளது. இதனால் அறிவிக்கப்பட்ட பகுதிகளில் பயணிப்பதை மக்கள் தவிர்க்கும் படி அறிவுறுத்தப்பட்டுள்ளது.


மணிஷ் சிசோடியா பேட்டி


பதவியேற்பு விழா தொடர்பாக மணிஷ் சிசோடியா கூறியதாவது: ஜெய் பீம் திட்டம், மொகில்லா கிளினிக் டாக்டர்கள், பைக் ஆம்புலன்ஸ் டிரைவர்கள் உள்ளிட்ட திட்டங்களில் பயனடைந்தவர்கள், நாளை நடக்கும் கெஜ்ரிவாலின் பதவியேற்பு விழாவில் கலந்து கொள்வார்கள். இவ்வாறு அவர் கூறினார்.

Advertisement




வாசகர் கருத்து (8)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
kumzi - trichy,இந்தியா
15-பிப்-202019:35:15 IST Report Abuse
kumzi முந்திரிக்கொட்டை மாதிரி வாழ்த்து கூறிய நமது கோமாளி சூசை கானுக்கு அழைப்பு வரவில்லையா ஹாஹா
Rate this:
Share this comment
Cancel
Ashanmugam - kuppamma,இந்தியா
15-பிப்-202016:13:32 IST Report Abuse
Ashanmugam கெஜ்ரிவால் நாளை பதவி பிரமாணம் எடுத்து முதல்வர் நாற்காலியில் அமர்ந்தாலும், மத்திய அரசுடன் பலப்பரீட்சை, சவால் விடாமல் டெல்லி ஏழை, எளிய, பாமர, நடுத்தர மக்களின் வாழ்வாதாரத்தை முன்னிட்டு சுமூகமான உறவை மேற்கொள்ளவேண்டும்.‌ஏனெனில், நிதி தேவைக்கு மத்திய அரசை நாடியாக வேண்டும்.‌ ஆகவே, முதல்வராக இருந்தால் மட்டும் போதாது "ஈகோ" என்ற கொடிய நோய்யை மனதிலிருந்து விரட்டி, மத்திய அரசுடன் கைகோர்த்து டெல்லி மக்களின் வாழ்வாதாரத்தை கருதி செயல்படவேண்டும். வாழ்த்துக்கள்.
Rate this:
Share this comment
Cancel
blocked user - blocked,மயோட்
15-பிப்-202015:49:06 IST Report Abuse
blocked user ஓட்டுக்கேட்கும் வரைதான் பணிவெல்லாம்...
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X