கோர்ட் செய்தி

தமிழ்நாடு

கவர்னர் முடிவை எதிர்த்த முதல்வர் மனு தள்ளுபடி

Updated : பிப் 21, 2020 | Added : பிப் 21, 2020 | கருத்துகள் (22)
Share
Advertisement
கவர்னர் முடிவு,# முதல்வர் மனு தள்ளுபடி

சென்னை : இலவச அரிசிக்கு பதில், பணமாக வழங்கும்படி, கவர்னர் எடுத்த நடவடிக்கையை எதிர்த்து, புதுச்சேரி முதல்வர் தாக்கல் செய்த மனுவை, சென்னை உயர் நீதிமன்றம் தள்ளுபடி செய்தது.

உயர் நீதிமன்றத்தில், புதுச்சேரி முதல்வர் நாராயணசாமி தாக்கல் செய்த மனு:புதுச்சேரி மாநில நிர்வாகியாக இருப்பவர், இலவச அரிசி வழங்கும் திட்டத்துக்கு முட்டுக்கட்டை போடுகிறார். மாநில அமைச்சரவை எடுத்த முடிவில் இருந்து மாறுபட்டு, மத்திய அரசுக்கு பரிந்துரைத்துள்ளார்.


latest tamil news



மத்திய அரசு முடிவெடுக்கும் வரை, இலவச அரிசி வழங்குவதை நிறுத்துவதாகவும், அதற்கு பதில் பணமாக வழங்கவும், கவர்னர் உத்தரவிட்டுள்ளார். அரிசிக்கு பதில் பணமாக வழங்கும்படி, புதுச்சேரி அரசுக்கு ஆலோசனை வழங்கி, மத்திய அரசும் உத்தர விட்டுள்ளது. இந்த உத்தரவை வாபஸ் பெறும்படி, மத்திய அரசுக்கு கடிதம் அனுப்பினேன். அமைச்சரவையின் முடிவுக்கு மாறாக, கவர்னர் எடுத்த நடவடிக்கை; மத்திய அரசுக்கு அளித்த பரிந்துரையை ரத்து செய்ய வேண்டும்.மத்திய அரசின் உத்தரவை ரத்து செய்து, இலவச அரிசி வழங்கும் திட்டத்தை, தொடர்ந்து நடத்த அனுமதி அளிக்க வேண்டும். இவ்வாறு, மனுவில் கூறப்பட்டுள்ளது.மனு, நீதிபதி சி.வி.கார்த்திகேயன் முன், விசாரணைக்கு வந்தது. மனுதாரர் சார்பில், வழக்கறிஞர் ஆர்.சரவணன் ஆஜராகி, ''அனைவருக்கும், தலா, ௨௦ கிலோ இலவச அரிசி வழங்கும் திட்டத்தை அரசு செயல்படுத்துகிறது. அரசின் கொள்கை முடிவில் தலையிட்டு, அரிசிக்கு பதில் பணம் வழங்க, கவர்னர் உத்தரவிட்டது சட்டவிரோதமானது,'' என்றார்.

மத்திய அரசு சார்பில், கூடுதல் சொலிசிட்டர் ஜெனரல் ஜி.ராஜகோபாலன், கவர்னர் சார்பில், மூத்த வழக்கறிஞர் சோமயாஜூ, வழக்கறிஞர் வி.சந்திரசேகரன் ஆகியோர் ஆஜராகினர்.இவ்வழக்கில், நீதிபதி சி.வி.கார்த்திகேயன் பிறப்பித்த உத்தரவு:யூனியன் பிரதேச சட்டப்படி, கவர்னர் மற்றும் அமைச்சரவையை, ஜனாதிபதி எடுக்கும் முடிவு கட்டுப்படுத்தும். ஜனாதிபதி சார்பில், மத்திய உள்துறை அமைச்சகம் முடிவெடுக்க, சட்டத்தில் இடம் உள்ளது.அதன்படி, ரேஷன் அட்டைதாரர்களுக்கு,அரிசிக்கு பதில் ரொக்கப் பணம் வழங்க உத்தரவிடப்பட்டு உள்ளது. இந்த உத்தரவு, அமைச்சரவையை கட்டுப்படுத்தும் என்பதால், மனு தள்ளுபடி செய்யப்படுகிறது.இவ்வாறு நீதிபதி உத்தரவிட்டார்.


விரையம் ஏற்படும்.


''அரிசிக்கு பதிலாக பணம் வழங்கும்படி உத்தரவிட்டது செல்லும் என தீர்ப்பு வழங்கிய சென்னை உயர் நீதிமன்றம் நீதிபதிகளுக்கு நன்றி'' என புதுச்சேரி கவர்னர் கிரண் பேடி கூறினார்.சென்னை விமான நிலையத்தில் அவர் அளித்த பேட்டி:புதுச்சேரி மாநிலத்தில் அரிசிக்கு பதிலாக பணம் வழங்க வேண்டும் என்ற ஜனாதிபதி உத்தரவை மத்திய உள்துறை அமைச்சகம் அமல்படுத்தியது. இதன் வாயிலாக மக்கள் தங்களுக்கு தேவையான அரிசியை தரமாக பெற்றுக் கொள்ள முடியும்.அரிசியை ஒப்பந்ததாரர்கள் வாயிலாக பெற்று அதை கிடங்கில் வைத்து மக்களுக்கு வழங்குவதில் விரையம் ஏற்படும். அதனால் மக்களுக்கு பணத்தை வங்கி கணக்கில் செலுத்த ஜனாதிபதி உத்தரவிட்டார். இதை எதிர்த்து புதுச்சேரி முதல்வர் நாராயணசாமி சென்னை உயர் நீதிமன்றத்தில் தாக்கல் செய்த மனுவை நீதிமன்றம் நிராகரித்து உள்ளது. ஜனாதிபதி உத்தரவு செல்லும்என தீர்ப்பு வழங்கிய நீதிபதிகளுக்கு நன்றி, என்றார்.

Advertisement




வாசகர் கருத்து (22)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Endrum Indian - Kolkata,இந்தியா
22-பிப்-202015:43:01 IST Report Abuse
Endrum Indian அய்யயோ அப்போ கவர்னர் தான் சரியா???முதல்வருக்கு பெபேபேயா?????
Rate this:
Share this comment
Cancel
Nallavan Nallavan - கோல்கத்தா ,இந்தியா
22-பிப்-202014:18:54 IST Report Abuse
Nallavan Nallavan காமெடியன் வடிவேலு சாயலில் இருக்குற இந்த அங்கிள் ஒரு ஊழல் திலகம் ..... அண்டங்காக்கை திருட்டு கொத்து கொத்தப்பார்க்குது ...... அதுக்கு கிரண் என்னும் கழுகு ஆப்பு வைக்குது .....
Rate this:
Share this comment
Cancel
ராஜவேலு ஏழுமலை - Gummidipoondi,இந்தியா
22-பிப்-202014:11:36 IST Report Abuse
ராஜவேலு ஏழுமலை இது விவசாயிகளையும் பாதிக்கும் உத்தரவு.
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X