பொது செய்தி

இந்தியா

உலகின் 3வது பொருளாதாரமாக இந்தியா மாறும்: முகேஷ் அம்பானி

Updated : பிப் 25, 2020 | Added : பிப் 25, 2020 | கருத்துகள் (20)
Share
Advertisement

இந்த செய்தியை கேட்க

மும்பை: உலகின் மூன்றாவது மிகப் பெரிய பொருளாதாரமாக இந்தியா உயரும் என, 'ரிலையன்ஸ் இண்டஸ்ட்ரீஸ்' தலைவர் முகேஷ் அம்பானி கூறி உள்ளார்.



latest tamil news



மும்பையில் நடைபெற்ற, தலைமை செயல் அதிகாரிகள் மாநாட்டில் பங்கேற்று, 'மைக்ரோசாப்ட்' நிறுவனத்தின் தலைமை செயல் அதிகாரி சத்ய நாதெள்ளாவுடன் உரையாடியபோது, முகேஷ் அம்பானி கூறியதாவது:

இந்தியா, உலகளவில் மூன்றாவது பெரிய பொருளாதார வலிமை கொண்ட நாடாக மாறும்.அது, ஐந்து ஆண்டுகளிலா அல்லது 10 ஆண்டுகளிலா என்பதில் வேண்டுமானால் மாற்றுக் கருத்துகள் இருக்கலாம். மேலும், இந்தியா முதன்மை, 'டிஜிட்டல்' சமுதாயமாக மாறுவதற்கான வாய்ப்பு கொண்டதாகவும் உள்ளது.

இந்த மாற்றத்துக்கு முக்கிய காரணம், 'மொபைல் நெட்வொர்க்' வளர்ச்சி அடைந்து வருவது தான். மொபைல் நெட்வொர்க், முன்பைவிட வேகமாக தற்போது உள்ளது. பிரதமர் மோடி, 'டிஜிட்டல் இந்தியா' எனும் திட்டத்தின் மூலம், இத்தகைய வளர்ச்சியை துாண்டிவிட்டார்.

இதன் காரணமாக, இப்போது, 38 கோடி மக்கள், 'ஜியோ'வின், '4ஜி' தொழில்நுட்பத்துக்கு மாறி இருக்கின்றனர். ஜியோ வருவதற்கு முன், இணைய வேகம், 256 கே.பி.பி.எஸ்., ஆக இருந்தது. ஆனால், ஜியோவின் வருகைக்குப் பின், வேகம், 21 எம்.பி.பி.எஸ்., ஆக அதிகரித்துள்ளது.அமெரிக்காவின் முன்னாள் அதிபர்களான, ஜிம்மி கார்ட்டர், பில் கிளின்டன், ஒபாமா ஆகியோர் இந்தியாவுக்கு வந்தபோது இருந்த நிலையை விட, இப்போது டிரம்ப் வரும்போது நாட்டின் நிலை மிகவும் மாறிவிட்டது.

இதற்கு, மொபைல் இணைப்பு மிக முக்கிய காரணமாக அமைந்துள்ளது. இந்தியா, மூன்றாவது மிகப் பெரிய பொருளாதாரமாக மாறும் என்பதில் எனக்கு எந்த சந்தேகமுமில்லை. நாம் இதற்கு முன் பார்த்தது போல் இல்லாமல், அடுத்த தலைமுறை முற்றிலும் வித்தியாசமான இந்தியாவை காணும்.இவ்வாறு அவர் பேசினார்.


latest tamil news



இம்மாநாட்டில் பங்கேற்ற, மைக்ரோசாப்ட் நிறுவனத்தின் தலைமை செயல் அதிகாரி சத்ய நாதெள்ளா கூறியதாவது: இந்திய தலைமை செயல் அதிகாரிகள், தங்கள் சொந்த தொழில்நுட்ப திறனை வளர்த்துக் கொள்ள வேண்டும். மேலும், தொழில்நுட்ப தீர்வுகள் குறித்தும் அறிந்திருப்பதை உறுதி செய்துகொள்ள வேண்டும். கடந்த, 10 ஆண்டுகளில், வேகமாகச் செயல்பட்டவர்களை கண்டோம். ஆனால், அது மட்டும் போதாது.

டிஜிட்டல் மயமாக்குவதால், உற்பத்தித் திறனை அதிகரிக்க, அது வழிவகுக்கும் என்பதை நாம் உறுதிப்படுத்த வேண்டும். இந்தியாவில், மென்பொருள் பொறியாளர்களுக்கான, 72 சதவீத வேலைகள், தொழில்நுட்பம் அல்லாத பிற துறைகளில் தான் உள்ளன. இவ்வாறு அவர்கூறினார்.

Advertisement




வாசகர் கருத்து (20)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Mani . V - Singapore,சிங்கப்பூர்
26-பிப்-202004:28:38 IST Report Abuse
Mani . V ஆமா, ஆயிரம், லட்சம் கோடிகளில் உங்களுக்கு தள்ளுபடி செய்கிறார்களே இப்படியெல்லாம் ஐஸ் வைக்கத்தானே வேண்டும்.
Rate this:
Share this comment
Cancel
S.Baliah Seer - Chennai,இந்தியா
25-பிப்-202021:07:22 IST Report Abuse
S.Baliah Seer ஏன் நம்பர் ஒன்று என்று சொல்லி மக்கள் பணத்தை வாரி சுருட்ட வேண்டியதுதானே.உம்மைப்போல் ஓரிரு பணமுதலைகள் வாழ 100 கோடி மக்கள் உழைக்க வேண்டும்.அவ்வப்போது இந்தியா பொருளாதாரத்தில் விரைவாக முன்னேறி வருகிறது என்று கப்ஸா விடுவீர்.உங்கள் குடும்ப பொருளாதார முன்னேற்றம் எப்படி இந்தியா நாட்டின் பொருளாதார முன்னேற்றமாக இருக்க முடியும்.உங்கள் சகோதரர் அனில் அம்பானியிடம் ஒன்றுமே இல்லை என்று சொல்லப்படுகிறதே மனதில் கை வைத்து சொல்லுங்கள் அவர் உண்மையிலேயே பாப்பரா?
Rate this:
Share this comment
Cancel
25-பிப்-202020:15:28 IST Report Abuse
ஆப்பு அதென்ன மூணாவது இடத்தோட நிறுத்திப் புட்டீங்க... இன்னிய தேதியில் அமெரிக்கா, இஸ்ரேல், ரஷ்யா, ஜப்பான், ஃப்ரான்ஸ், சீனான்னு எல்லார்க் கிட்டேயிருந்தும் பொருள் வாங்கி பில்லியன் பில்லியன் டாலர்க் கணக்குல வியாபாரம் பண்றது நாம மட்டும்தான். சீக்கிரமே நம்பர் டூ, நம்பர் ஒண் எல்லாம் போயுருவோம் பாருங்க.
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X