பொது செய்தி

இந்தியா

வாசிப்பே நூல் எழுத காரணம்: சாகித்ய அகாடமி விருது ஜெயஸ்ரீ பேட்டி

Updated : பிப் 26, 2020 | Added : பிப் 25, 2020 | கருத்துகள் (5)
Share
Advertisement
மொழிபெயர்ப்பாளர் ஜெயஸ்ரீ, சாகித்ய அகாடமி விருது, sahitya akademi, award for translation,

திருவண்ணாமலை:''வாசிப்பின் மீது ஏற்பட்ட ஆர்வம், நுால்களை மொழிபெயர்த்து வெளியிடும் எண்ணத்தை ஏற்படுத்தியது,'' என, 'சாகித்ய அகாடமி' விருதுக்கு தேர்வு பெற்றுள்ள,ஜெயஸ்ரீ கூறினார்.

கேரள மாநிலம், பாலக்காட்டை பூர்வீகமாக கொண்ட வாசுதேவன் - மாதவி, தம்பதியின் மகள் ஜெயஸ்ரீ, 52; இவர், திருவண்ணாமலை அடுத்த கொளக்குடி அரசு மேல்நிலைப் பள்ளியில், முதுகலை தமிழ் ஆசிரியையாக பணிபுரிந்து வருகிறார்.ஆறு சிறுகதைகள், இரண்டு கவிதைகள், ஒரு பயணக்கட்டுரை மற்றும் 12 புத்தகங்களை மொழிபெயர்த்து வெளியிட்டு உள்ளார்.இதில், மலையாள எழுத்தாளர் மனோஜ் குரூர் எழுதிய, 'நிலம் பூத்து மலர்ந்த நாள்' எனும் நாவல், 2016 மே மாதம், மொழிபெயர்த்து வெளியிட்டார். இந்த நுாலுக்காக, ஜெயஸ்ரீக்கு, மத்திய அரசு, சாகித்ய அகாடமி விருது அறிவித்துள்ளது.

இது குறித்து, ஜெயஸ்ரீ கூறியதாவது: ஆண் துணையின்றி, மூன்று மகள்களை வளர்த்து வந்த என் தாய், அதன் கஷ்டத்தை மறக்க, புத்தகம் படிக்கும் பழகத்தை ஏற்படுத்திக் கொண்டார். அதனால், நாங்களும் புத்தகங்கள் படித்து வளர்ந்தோம்.வாசிப்பின் மீது ஏற்பட்ட ஆர்வம், நுால்களை மொழிபெயர்த்து வெளியிடும் எண்ணத்தை ஏற்படுத்தியது.'நிலம் பூத்து மலர்ந்த நாள்' நாவலில், எழுத்தாளர் மனோஜ் குரூர், 'தமிழன் வேறு, மலையாளி வேறு கிடையாது; இருவரும், ஒருவரே' என்பதை, உணர்வு பூர்வமாக குறிப்பிட்டிருந்தார்.


latest tamil news



இந்நாவலை, எழுத்தாளர் ஜெயமோகன் தான், தமிழில் மொழிபெயர்க்கும்படி கூறினார். சங்க காலம் சார்ந்த இந்த கதையை, தமிழில் நம்மால் எழுத முடியுமா என்ற, சந்தேகமும் இருந்தது. மொழிபெயர்த்த பின், தமிழ் வாசகர்களும், எழுத்தாளர்களும் வெகுவாக பாராட்டினர்.தற்போது, சாகித்ய அகாடமி விருது கிடைத்துள்ளது, மிகுந்த மகிழ்ச்சி அளிக்கிறது. தொடர்ந்து மொழி பெயர்ப்பில் கவனம் செலுத்துவேன். தற்போது, எழுத்தாளர் மோகன்குமார் எழுதிய, 'உஷ்ணராசி' என்ற நாவல், மொழி பெயர்த்து வருகிறேன்.இவ்வாறு, அவர் கூறினார்.

தமிழில் சான்றிதழ்நாட்டின், 24 மொழிகளில் சிறந்த இலக்கியங்களுக்காக சாகித்ய அகாடமி விருதுகள், ஆண்டு தோறும் வழங்கப்படுகின்றன.இந்த விருது சான்றிதழில் உள்ள விபரங்கள், ஆங்கிலம் மற்றும் ஹிந்தியிலும் மட்டுமே உள்ளன.இந்நிலையில், நேற்று டில்லியில் நடந்த கூட்டத்தில், சாகித்ய அகாடமி தலைவரிடம், தமிழ் மற்றும் பிற மொழி விருதுகளின் தேர்வு குழுவினர், விருதாளருக்கான சான்றிதழை, அந்தந்த மொழிகளிலேயே வழங்க வேண்டும் என, வலியுறுத்தினர். அது ஏற்கப்பட்டு, அடுத்த ஆண்டு முதல் நடைமுறைக்கு வரும் என, சாகித்ய அகாடமி அமைப்பு உறுதி அளித்துள்ளது.

Advertisement




வாசகர் கருத்து (5)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
LAX - Trichy,இந்தியா
25-பிப்-202022:28:16 IST Report Abuse
LAX வாழ்த்துக்கள்..
Rate this:
Share this comment
Cancel
vns - Delhi,இந்தியா
25-பிப்-202019:17:17 IST Report Abuse
vns கே.வ. ஜெயஸ்ரீ அவாளாயிற்றே.. பாரதியை வாழ்த்தாத ஜென்மங்கள் இவரை ஏன் வாழ்த்த வேண்டும்
Rate this:
Share this comment
Cancel
G.Prabakaran - Chennai,இந்தியா
25-பிப்-202018:40:19 IST Report Abuse
G.Prabakaran மேலும் பல விருதுகள் பெற வாழ்த்துக்கள்
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X