ஆம்ஆத்மியினர் வன்முறை செய்திருந்தால் இரட்டிப்பு தண்டனை: கெஜ்ரிவால்| Dinamalar

ஆம்ஆத்மியினர் வன்முறை செய்திருந்தால் இரட்டிப்பு தண்டனை: கெஜ்ரிவால்

Updated : பிப் 27, 2020 | Added : பிப் 27, 2020 | கருத்துகள் (39)
Share
DelhiRiots2020, DelhiViolence, ArvindKejriwal, AAP, Delhi, CM, அரவிந்த் கெஜ்ரிவால், ஆம்ஆத்மி, டில்லி, முதல்வர், டில்லி வன்முறை, தண்டனை

புதுடில்லி: டில்லி வன்முறையில் யார் குற்றவாளியாக இருந்தாலும் அவர்கள் கடுமையாக தண்டிக்கப்படுவர் என்றும், ஆம்ஆத்மி கட்சியினர் குற்றவாளியாக நிரூபிக்கப்பட்டால் இரட்டிப்பு தண்டனை வழங்கப்படும் என்றும் முதல்வர் கெஜ்ரிவால் தெரிவித்துள்ளார்.

குடியுரிமை திருத்த சட்டத்திற்கு எதிராக டில்லியின் வடகிழக்கு பகுதியில் நடந்த போராட்டம் வன்முறையாக மாறியது. இதில், பல வீடுகள், கடைகள், வாகனங்கள் சூறையாடப்பட்டன. வன்முறையில் போலீஸ் கான்ஸ்டபிள், உளவுத்துறை அதிகாரி உட்பட 35 பேர் பலியாகினர், 200க்கும் மேற்பட்டோர் காயமடைந்தனர். இந்நிலையில் டில்லி ஐகோர்ட்டின் அறிவுறுத்தலின் படி, வன்முறையால் பாதிக்கப்பட்ட இடங்களுக்கு முதல்வர் அரவிந்த் கெஜ்ரிவால், துணை முதல்வர் மணீஷ் சிசோடியா நேரில் சென்று ஆய்வு செய்தனர்.


latest tamil news


இந்நிலையில் டில்லியில் செய்தியாளர்களிடம் கெஜ்ரிவால் கூறியதாவது: வன்முறையால் வன்முறையில் குற்றவாளி என நிரூபிக்கப்படுபவர்கள் யாராக இருந்தாலும் அவர்களுக்கு கடுமையான தண்டனை வழங்கப்படும். ஆம்ஆத்மி கட்சியை சேர்ந்தவராக இருந்தால் அவருக்கு இரட்டிப்பு தண்டனை வழங்கப்படும். தேசிய பாதுகாப்பு பிரச்சினையில் எந்த அரசியலும் இருக்கக்கூடாது. வன்முறையை தூண்டும் எந்த கட்சியை சேர்ந்தவராக இருந்தாலும், ஆம்ஆத்மி அமைச்சராக இருந்தாலும் கூட அவர்கள் நிச்சயம் தண்டிக்கப்படுவர்.


நிவாரணம்

வன்முறையில் உயிரிழந்தவர்களின் குடும்பத்திற்கு தலா ரூ.10 லட்சமும், வீடுகளை இழந்தோர்களுக்கு ரூ.5 லட்சமும் நிவாரணமாக வழங்கப்படும். பாதிக்கப்பட்டவர்கள் 'பரிஷ்டே' திட்டத்தின் மூலம், எந்த தனியார் மருத்துவமனையில் வேண்டுமானாலும் சிகிச்சை பெறலாம். இவ்வாறு கெஜ்ரிவால் கூறினார்.

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X