ஈரான் துணை அதிபரையும் தாக்கிய கொரோனா

Updated : பிப் 28, 2020 | Added : பிப் 28, 2020 | கருத்துகள் (7)
Share
Advertisement

இந்த செய்தியை கேட்க

டெஹ்ரான்: ஈரான் நாட்டில் கொரோனா வைரசால் 26 பேர் உயிரிழந்துள்ளனர். அந்நாட்டின் துணை அதிபர் மசூமே எப்டேகருக்கும் வைரஸ் பாதிப்பு இருப்பது கண்டறியப்பட்டுள்ளது.


latest tamil news


சீனாவின் வூஹான் நகரில் உருவான கொரோனா வைரஸ் (கோவிட்-19) 50 நாடுகளில் பரவி, 80 ஆயிரத்திற்கும் மேற்பட்டோர் பாதிக்கப்பட்டுள்ளனர். இதுவரை 2,858 பேர் இந்த வைரசால் உயிரிழந்துள்ளனர். ஈரானிலும் பரவிய வைரசால் அந்நாட்டின் 7 துணை அதிபர்களில் ஒருவரான பெண்கள் மற்றும் குடும்ப விவகாரத்துறையை கவனிக்கும் மசூமே எப்டேகருக்கும் வைரஸ் பாதிப்பு ஏற்பட்டுள்ளது. வீட்டில் சிகிச்சை பெற்றுவரும் இவரின் குழுவினருக்கும் மருத்துவ பரிசோதனை செய்யப்பட்டுள்ளது. அதே போல், பார்லி.,யின் தேசிய பாதுகாப்பு மற்றும் வெளியுறவுக் குழுவின் தலைவரான மொஜ்தாபா சோல்னூரும் வைரசால் பாதிக்கப்பட்டுள்ளார்.


latest tamil news



எச்சரிக்கை


உலக சுகாதார அமைப்பின் தலைவர் டெட்ரோஸ் அதனோம் கிப்ரயெசூஸ் தெரிவித்துள்ளதாவது:தென் கொரியாவில் இதுவரை 1,262 பேருக்கு கொரோனா தொற்று இருப்பது கண்டறியப்பட்டுள்ளது. இதுவரை அங்கு 12 பேர் உயிரிழந்துள்ளனர். ஈரானில் இதுவரை 245 பேருக்கு கொரோனா தொற்று இருப்பது கண்டறியப்பட்டுள்ளது. மேலும் 26 பேர் உயிரிழந்துள்ளனர். ஐக்கிய அரபு அமீரகம், குவைத், பஹரைன், லெபனான், ஆப்கானிஸ்தான், பாகிஸ்தான் மற்றும் எஸ்டோனியா ஆகிய நாடுகளில் ஈரானிலிருந்து வருபவர்களுக்கு கொரோனா தொற்று இருப்பது கண்டறியப்பட்டுள்ளது. இதனால், ஈரானின் அண்டை நாடுகள் தங்களின் எல்லையை மூடியுள்ளன.


latest tamil news


ஐரோப்பாவில், இத்தாலியில் இதுவரை 650 பேருக்குத் தொற்று இருப்பதாகக் கண்டியறியப்பட்டுள்ளது. மேலும் அங்கு 17 பேர் உயிரிழந்துள்ளனர். அங்கு, 11 நகரங்கள் தனிமைப்படுத்தப்பட்டுள்ளன.பிரான்சில் இதுவரை 38 பேருக்கு கொரோனா தொற்று இருப்பது உறுதி செய்யப்பட்டுள்ளது. மேலும் அங்கு இருவர் உயிரிழந்துள்ளனர். பிரிட்டனில் மொத்தம் 16 பேருக்கு வைரஸ் தொற்று இருப்பது கண்டறியப்பட்டுள்ளது.ஜப்பானில் பள்ளிகள் மூடப்பட்டிருப்பது, 13 மில்லியன் குழந்தைகளைப் பாதிக்கும் என்று கூறப்படுகிறது. சீனாவில் சுமார் 200 மில்லியன் மாணவர்களை இணையத்தின் மூலம் பாடம் பயில அரசு அறிவித்துள்ளது. சிங்கப்பூரில் 12 வயது மாணவர் ஒருவர் உட்பட 96 பேர் பாதிக்கப்பட்டுள்ளனர்.



latest tamil news


அமெரிக்காவின் கலிபோர்னியா மாகாணத்தில் ஒருவருக்கு வைரஸ் தொற்று இருப்பது உறுதி செய்யப்பட்டுள்ளது. 'பாதிக்கப்பட்டவர் சமீபத்தில் எங்கும் பயணம் மேற்கொள்ளவும் இல்லை. தொற்றால் பாதிக்கப்பட்டவர்களுடன் தொடர்பிலும் இல்லை. அவருக்கு எவ்வாறு வைரஸ் பாதிப்பு ஏற்பட்டது எனத் தெரியவில்லை' என, அதிகாரிகள் தெரிவித்துள்ளனர்.


அச்சம் கொள்ள நேரமில்லை!

மேலும், கொரோனா வைரஸ் தொற்று முக்கிய கட்டத்தை எட்டியுள்ளது. அது உலகம் முழுவதும் பரவக்கூடிய நிலையில் உள்ளது. கொரோனா வைரசைக் கண்டு அச்சம் கொள்வதற்கான நேரம் இதுவல்ல. வைரஸ் தொற்றைத் தடுத்து, உயிர்களைக் காக்க வேண்டிய நேரம் இது. கொரோனா தொற்று பரவாமல் இருக்க, அரசுகள் திறம்பட செயல்பட வேண்டும்.இவ்வாறு அவர் உலக நாடுகளுக்கு எச்சரிக்கை விடுத்துள்ளார்.

Advertisement




வாசகர் கருத்து (7)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
இந்தியன் kumar - chennai,இந்தியா
29-பிப்-202017:35:45 IST Report Abuse
இந்தியன் kumar இறைவன் விதித்த விதியை யாராலும் வெல்ல முடியாது.
Rate this:
Share this comment
Cancel
Nallavan Nallavan - என்னை மேலும் பிரபலப்படுத்திய போலிக்கு நன்றி ,இந்தியா
28-பிப்-202019:47:51 IST Report Abuse
Nallavan Nallavan நோய்க்கிருமி அந்தஸ்து, சாதி, மதம், வயது, மொழி, இனம் எதையும் பார்க்காது ......
Rate this:
Share this comment
Cancel
Vittalanand -  ( Posted via: Dinamalar Android App )
28-பிப்-202017:52:00 IST Report Abuse
Vittalanand மலேசிய முதல்வருக்கும் வருமா?
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X