பொது செய்தி

தமிழ்நாடு

20 கோடி ரூபாய் கடன் கிடைக்கும்! வரும் ஆண்டில் வழங்க இலக்கு

Added : மார் 20, 2020
Share
Advertisement

கோவை:கோவை மாவட்ட வங்கிகளின், ஆண்டு கடன் திட்ட அறிக்கை வெளியிடும் நிகழ்ச்சி, நேற்று கலெக்டர் அலுவலகத்தில் நடந்தது. இந்நிகழ்ச்சியில், 2020-2021ல், ரூ.20 ஆயிரத்து 474 கோடி, 53 லட்சம் கடன் வழங்க இலக்கு நிர்ணயிக்கப்பட்டுள்ளது.ஒவ்வொரு ஆண்டும், நபார்டு வங்கி மாவட்டந்தோறும், வளம் சார்ந்த வங்கிக்கடன் திட்டத்தை, தயாரித்து வெளியிடுகிறது. இதன்படி, 2020-21 நிதியாண்டுக்கு, தமிழகத்திலேயே அதிகபட்சமாக, கோவைக்கு, ரூ.20 ஆயிரத்து 474 கோடி, 53 லட்சம் கடன் வழங்க, இலக்கு நிர்ணயித்துள்ளது.அதன் படி, வங்கிக்கடன் திட்டத்தில், விவசாயத்துக்கு, 7611.12 கோடி ரூபாயும், சிறு, குறு நடுத்தர தொழில் மையத்துக்கு, 9054.61 கோடி ரூபாயும், பிற முன்னுரிமை கடன்களுக்கு, 3,808.80 கோடி ரூபாயும் என, பிரிவு வாரியாக இலக்கு நிர்ணயிக்கப்பட்டுள்ளது.கடந்தாண்டை காட்டிலும், 1049.53 கோடி ரூபாய் கூடுதலாக இலக்கு நிர்ணயிக்கப்பட்டுள்ளது குறிப்பிடத்தக்கது. இந்நிதியாண்டு, இம்மாத இறுதியில் முடியும் நிலையில், புதிய நிதியாண்டு திட்ட செயல்பாட்டு பணிகள்,ஏப்.,1ம் தேதி முதல் துவக்கப்படவுள்ளன.இந்நிகழ்ச்சியில், கடன் திட்ட அறிக்கையின் முதல் பிரதியை, கனரா வங்கி துணை பொதுமேலாளர் ரமேஷ் பெற்றுக்கொண்டார்.இதில், மாவட்ட வருவாய் அலுவலர் ராமதுரைமுருகன், மாவட்ட ஊரக வளர்ச்சி திட்ட முகமை திட்ட இயக்குனர் ரமேஷ்குமார், மாவட்ட முன்னோடி வங்கி மேலாளர் வெங்கடரமணன், நபார்டு வங்கி மாவட்ட மேலாளர் இசக்கிமுத்து உட்பட பலர் பங்கேற்றனர்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X