தமிழ்நாடு

முகங்கள் கவச மயம்! பின்னலாடை தொழிலாளர்கள் விழிப்புணர்வு: நிறுவனங்களில் 'கொரோனா' தடுப்பு தீவிரம்

Updated : மார் 21, 2020 | Added : மார் 20, 2020
Share
Advertisement
 முகங்கள் கவச மயம்! பின்னலாடை தொழிலாளர்கள் விழிப்புணர்வு: நிறுவனங்களில் 'கொரோனா' தடுப்பு தீவிரம்

திருப்பூர்:திருப்பூரில் உள்ள ஆடை தயாரிப்பு மற்றும் ஜாப் ஒர்க் நிறுவனங்கள், 'கொரோனா' வைரஸ் தடுப்பு பாதுகாப்பு நடவடிக்கைகளுடன் பணியில் ஈடுபடத் துவங்கியுள்ளன.திருப்பூரில் உள்நாடு, ஏற்றுமதி பின்னலாடை தயாரிப்பு, 'ஜாப் ஒர்க்' நிறுவனங்கள் ஏராளம் உள்ளன. 'கொரோனா வைரஸ் தடுப்பு நடவடிக்கைகளுடன் பின்னலாடை துறை இயங்கும்' என, அனைத்து தொழில் அமைப்புகளின் கூட்டத்தில் அறிவிக்கப்பட்டது.
பின்னலாடை நிறுவனங்களிலும் குறைந்தபட்சம் 10 முதல் 100; பெரிய நிறுவனங்களில் 500 முதல் ஆயிரத்துக்கும் மேற்பட்டோர், ஓரிடத்தில் பணிபுரிகின்றனர். தொழில் அமைப்பினர் அறிவுறுத்தியபடி, வைரஸ் தடுப்பு நடவடிக்கைகளுடன் நிறுவனங்கள் இயங்கி வருகின்றன.நிறுவனங்கள், தொழிலாளர் தங்கும் விடுதிகள், கிருமிநாசினி திரவமான 'லைசால்' கொண்டு தினமும் துாய்மைப்படுத்துகின்றனர். சோப்பு, கிருமிநாசினி திரவம் வழங்கி, தொழிலாளர்களை தொடர்ச்சியாக கை கழுவச்செய்கின்றனர்.
கைகழுவும் வழிமுறைகள்; வைரஸ் தடுப்புக்கு செய்யவேண்டியவை; செய்யக்கூடாதவை குறித்த பட விளக்கங்கள் ஒட்டப்பட்டுள்ளன.தொழிலாளர்களுக்கு மருத்துவ பரிசோதனை; பணிக்கு வரும்போதும், பணி முடித்துச்செல்லும்போதும் காய்ச்சல் பரிசோதிக்கப்படுகிறது.ஆடை உற்பத்தி பணிகளின்போது, நுண்ணிய பஞ்சு, நுாலிழைகள் காற்றில் கலந்திருக்கும்; சாய ஆலை, பிரின்டிங் நிறுவனங்களில், சாயங்களிலிருந்து ரசாயன நெடிகள் வெளியேறும்.
இவற்றிலிருந்து பாதுகாப்பதற்கு, ஆடை உற்பத்தி தொழிலாளர்கள், முகக் கவசங்கள் அணியவேண்டும்.ஆனால், அசவுகரியமாக கருதி, பெரும்பாலான நிறுவனங்களில் தொழிலாளர்கள் முகக்கவசங்கள் அணிவதே இல்லை. தற்போது, 'கொரோனா' பீதியால் தற்போது, பின்னலாடை நிறுவன தொழிலாளர்கள் முகக்கவசங்களை அணியத்துவங்கியுள்ளனர்.சில நிறுவனங்கள், முக கவசங்களை மொத்தமாக வாங்கி வைத்து, தொழிலாளர்களுக்கு கொடுக்கின்றனர். முழுநேரமும் முக கவசங்கள் அணிந்தபடி, தொழிலாளர்கள் ஆடை தயாரிப்பு பணிகளில் ஈடுபடுகின்றனர்.'கொரோனா தடுப்பு நடவடிக்கைகளுடன் பணிகளை தொடர்ந்து மேற்கொள்வோம்' என்று பின்னலாடைத்துறையினர் கூறுகின்றனர்.'மூன்றடுக்கு' பாதுகாப்புதிருப்பூர் அடல் இன்கு பேஷன் மைய நிர்வாக செயல் அதிகாரி பெரியசாமி கூறியதாவது:'கொரோனா' தடுப்பு நடவடிக்கையாக, முகக்கவசம் அணிவோர் எண்ணிக்கை அதிகரித்துள்ளது. திருப்பூரில் சிலர் மட்டுமே, கிருமி தடுப்பு முக்கவசம் தயாரிக்கின்றனர்; பெரும்பாலானோர், சாதாரண துணியில் முக கவசங்களை தயாரித்து விற்பனை செய்கின்றனர்.
அறியாமையினால், பலர் இத்தகைய முக கவசங்களை வாங்கி பயன்படுத்துகின்றனர். இவற்றை அணிவதால், எவ்வித பயனும் இல்லை; கிருமி தொற்று பாதுகாப்பு அளிக்காது.சுவாசம், வைரஸ், பாக்டீரியா வடிகட்டி அம்சங்களுடன் கூடிய, மூன்றடுக்கு துணியில் தயாரிக்கப்படும் முக கவசங்களே, கிருமி தொற்றிலிருந்து பாதுகாப்பு தரும். இவற்றுக்கு மூன்றுவகையான தர பரிசோதனைகளும் உள்ளன.கொரோனா பரவலை தடுப்பதற்கு, தொழிலாளர் உட்பட அனைவரும் தர பரிசோதனை செய்யப்பட்ட, கிருமி வடிகட்டும் தன்மையுள்ள, முகக்கவசங்களை பன்படுத்தவேண்டும்.இவ்வாறு, அவர் கூறினார்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X