சிறப்பு பகுதிகள்

பக்கவாத்தியம்

'வாய்ப்பில்லை ராஜா'

Updated : மார் 21, 2020 | Added : மார் 21, 2020
Share
Advertisement
 'வாய்ப்பில்லை ராஜா'

புதுச்சேரி முதல்வர், நாராயணசாமி, சமீபத்தில் நிருபர்களை சந்தித்தார்.அவர் கூறுகையில், ''கவர்னர் என்பவர், அமைச்சரவைக்கும், மத்திய அரசுக்கும் பாலமாக இருக்க வேண்டும். அதிகாரிகளை அழைத்து, துறை சம்பந்தமாக பேசுவதற்கு, கவர்னருக்கு அதிகாரம் கிடையாது. பல பகுதிகளுக்கு செல்லலாம்; ஆனால், தனிப்பட்ட முறையில் உத்தரவு போட முடியாது.''இது தொடர்பான, உயர் நீதிமன்ற தீர்ப்பில் அடிப்படையில், கவர்னர் கிரண்பேடி செயல்படுவார் என, நினைக்கின்றேன். மீறி செயல்பட்டால், அதன் விளைவுகளை சந்திக்க நேரிடும்,'' என்றார்.
நிருபர் ஒருவர், 'கொரோனா போல பிரச்னைன்னா, உலக நாடுகளே ஒண்ணா சேருது... இந்த புதுச்சேரியில, கவர்னரும், முதல்வரும் ஒண்ணா இருக்க மாட்டேங்கிறாங்களே...' என, ஆதங்கப்பட்டார். அருகிலிருந்த மூத்த நிருபர், 'வாய்ப்பில்லை ராஜா' என்றதும், இருவரும் சிரித்தனர்.---
உள்ளூர் கடைகளில், 'டோர் டெலிடரி
திருச்சியில், தமிழ்நாடு வணிகர் சங்கங்களின் பேரமைப்பு தலைவர், விக்கிரமராஜா, சமீபத்தில் நிருபர்களை சந்தித்தார்.அவர் கூறுகையில், ''கொரோனா வைரஸ் தாக்கத்தை காரணம் காட்டி, வணிக நிறுவனங்களை மூடினால், மக்களுக்கு, அத்தியவசிய பொருட்கள் கிடைக்காமல், சட்டம் - ஒழுங்கு பிரச்னை ஏற்படும். இங்குள்ள வணிக நிறுவனங்களை மூடி, 'ஆன்லைன்' வர்த்தகத்தை ஊக்கப்படுத்தக் கூடாது,'' என்றார்.
நிருபர் ஒருவர், 'மக்கள் பொதுஇடங்களுக்கு சென்று, நோய் தொற்று ஏற்படக் கூடாது என்பதற்காகத் தான், வணிக நிறுவனங்களை மூட சொல்லிருக்காங்க... உள்ளூர் வணிக நிறுவனங்களும், 'டோர் டெலிவரி' செய்தால், பிரச்னை இல்லையே...' என்றார்.அருகிலிருந்த, புகைப்படக்காரர், 'சார், நல்ல ஐடியா. ஆனால், வியாபாரிகள், செய்வார்களா?' என்றதும், நிருபர், உதட்டை பிதுக்கினார்.
'சரக்கு' அடித்தால், 'கொரோனா' வரும்
சிவகங்கை, 'டாஸ்மாக்' மது விற்பனை மேலாளர் அலுவலகத்தில், 'கொரோனா' தடுப்பு விழிப்புணர்வு கூட்டம், சுகாதார நலத்துறை சார்பில் நடந்தது.இதில், டாஸ்மாக் பணியாளர்கள், அதிகாரிகள், 'பார்' ஊழியர்கள் பங்கேற்றனர். டாக்டர் நிவேக் விளக்கம் அளித்தார்.அப்போது, பார் ஊழியர் ஒருவர், 'சார், சரக்கு குடிச்சா கொரோனா வராது; ஆல்கஹாலால், கையை கழுவினாலும், கொரோனா பரவாதுன்னு, 'வாட்ஸ்ஆப்' மூலம், தகவல் பரவுகிறதே; இது உண்மையா...' எனக் கேட்டார்.இந்த கேள்விக்கு, பதில் கூற முடியாமல், டாக்டர் நிவேக் திக்குமுக்காடினார். பின், ஒரு வழியாக சமாளித்து, ''மது குடிப்பவர்களுக்கு, கொரோனா உடனே பரவும் வாய்ப்புள்ளது,'' என்றார்.
அங்கிருந்த ஊழியர் ஒருவர், 'மது குடித்தால், கொரோனா பரவுதோ இல்லையோ... குடும்பத்துல கஷ்டம் பரவும்' என்றார். அருகிலிருந்தவர், 'அதை பற்றி, நாம பேசலாமா?' என்றதும், ஊழியர் அமைதியானார்.



Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X