சம்பவம் செய்தி

தமிழ்நாடு

சானிடைசர், முக கவசத்தில், 'கொள்ளை லாபம்': தமிழகத்தில் 40 மருந்து கடைகளுக்கு, 'சீல்'

Added : மார் 22, 2020
Share
Advertisement

திருப்பூர்:தமிழகம் முழுவதும், முக கவசம், சானிடைசர்போன்றவற்றை அதிக விலைக்கு விற்ற, 40 மருந்து கடைகளுக்கு, 'சீல்' வைக்கப்பட்டது.
தமிழகத்தில், 'கொரோனா' தடுப்பு நடவடிக்கையால், முக கவசம், சானிடைசர் போன்ற வற்றுக்கு தட்டுப்பாடு ஏற்பட்டுள்ளது.நடவடிக்கைபல மருந்து கடைகளில் இவை கிடைப்பதில்லை. இவற்றை அத்தியாவசிய பொருட்களாக, மத்திய அரசு அறிவித்துள்ளதால், கூடுதல் விலைக்கு எவரேனும் பதுக்கி விற்றால் கடும் நடவடிக்கை எடுக்கப்பட்டு வருகிறது.மருந்து கடைகளில், நிர்ணயிக்கப்பட்ட குறைந்த விலையில், இவை விற்கப்படுகிறதா என்பது குறித்து, மருந்தக ஆய்வாளர்கள், ஆய்வு நடத்தி வருகின்றனர்.நேற்று முன்தினம், தமிழகம் முழுவதும் ஆய்வு நடத்தப்பட்டு, முக கவசம், சானிடைசர் போன்றவற்றை, அதிக விலைக்கு விற்ற, 40 மருந்து கடைகள் பூட்டி, 'சீல்' வைத்தனர். இந்த கடைகள் ஏழு நாட்கள் செயல்பட முடியாது. கோவை, திருப்பூர், ஈரோடு, நீலகிரி, சேலம், தர்மபுரி, கிருஷ்ணகிரி, நாமக்கல் மாவட்டங்களில் மட்டும், கோவை மண்டல மருந்து கட்டுப்பாட்டு துறை உதவி இயக்குனர், குருபாரதி தலைமையில் நேற்று முன்தினம் ஆய்வு நடத்தப்பட்டு, 11 கடைகளுக்கு, 'சீல்' வைக்கப்பட்டது.
உரிமம் ரத்து
'மருந்து கடைக்காரர்கள், முக கவசம், சானிடைசர் போன்றவற்றை, கள்ள மார்க்கெட்டில் இருந்தும் வாங்கி விற்கக்கூடாது.'அதேபோல, இவற்றைப் பதுக்கி, அதிக விலைக்கு விற்றால், உரிமம் ரத்து செய்யவும் அதிகாரம் வழங்கப்பட்டுள்ளது. தொடர்ந்து ஆய்வு நடத்தப்பட்டு, நடவடிக்கை எடுக்கப்பட உள்ளது' என, மருந்தகஆய்வாளர்கள் கூறினர்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X