பொது செய்தி

தமிழ்நாடு

மின் கணக்கீடு எடுக்காத வீடுகள் கடந்த மாத கட்டணத்தை செலுத்தலாம் 

Added : மார் 23, 2020
Share
Advertisement

திருப்பூர்:கொரோனா தடுப்பு நடவடிக்கையாக, மின் கணக்கீடு எடுக்கப்படாத வீடுகளுக்கு, கடந்த மாதம் கட்டணம் வசூலிக்கப்படும் என, தெரிவிக்கப்பட்டுள்ளது.மத்திய, மாநில அரசுகள், கொரோனா பரவல் தடுப்பில் தீவிர முனைப்பு காட்டி வருகின்றன. மக்கள் ஒன்று கூடுவதை தடுக்க, 'சமூக விலகல்', ஊரடங்கு உள்ளிட்டநடவடிக்கைகள் மேற்கொள்ளப்படுகின்றன. குறிப்பாக, ஒவ்வொரு அரசுத் துறையிலும் அதற்கான பணிகள் முழுவீச்சில் நடந்து வருகின்றன.மின்வாரியத்தில், மின்நுகர்வோர், அலுவலகங்களுக்கு நேரடியாக வராமல் http://tangedco.gov.in அல்லது tneb app மூலம் கட்டணம் செலுத்தலாம் என அறிவுறுத்தப்பட்டுள்ளது. இந்நிலையில், இதுவரை மின் கணக்கீடு எடுக்கப்படாத வீடுகளுக்கு கடந்த மாதத்துக்கு உண்டான தொகையையே செலுத்தலாம் எனவும் தெரிவிக்கப்பட்டுள்ளது.மின்வாரிய அதிகாரிகள் கூறியதாவது:திருப்பூர் கோட்டத்தில், 2.70 லட்சம் மின் இணைப்புகள் உள்ளன. இங்கு, இரண்டு மாதங்களுக்கு ஒரு முறை மின் கணக்கீடு செய்யப்படுகிறது.அதன்படி, கடந்த, 21ம் தேதி வரை, குறிப்பிட்ட பகுதிகளில் மின் கணக்கீடு செய்யப்பட்டுள்ளது.மீதமுள்ள பகுதிகளில், இனிவரும் நாட்களில் மின் கணக்கீடு செய்யப்பட இருந்தது. ஆனால், கொரோனா பரவல் தடுப்பு நடவடிக்கையாக, அதற்கான பணி, வரும், 31ம் தேதி வரை நிறுத்தி வைக்கப்பட்டுள்ளது.இதன் காரணமாக, 23 முதல், 31ம் தேதி வரை மின் கணக்கீடு செய்யப்படாத வீடுகளுக்கு, கடந்த மாதத்துக்கு உண்டான தொகையே வசூலிக்கப்படும்.ஏற்கனவே, கணக்கீடு எடுக்கப்பட்ட வீடுகளுக்கு, அதற்கு உண்டான தொகை செலுத்த வேண்டும்.இவ்வாறு, அவர்கள் தெரிவித்தனர்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X