பொது செய்தி

தமிழ்நாடு

அரசு துறைகளில் வருமா, 'இ - அலுவலகம்?' அவசர காலங்களில் கை கொடுக்கும் வசதி

Updated : மார் 25, 2020 | Added : மார் 24, 2020 | கருத்துகள் (2)
Share
Advertisement
அரசு துறைகளில்,வருமா, இ - அலுவலகம்?, அவசர காலங்களில் ,கை கொடுக்கும் ,வசதி

சென்னை :அனைத்து அரசு துறைகளிலும், 'இ - அலுவலகம்'வசதியை நடைமுறைப்படுத்தி இருந்தால்,அவசர காலங்களில், வீட்டிலிருந்தே ஊழியர்கள்வேலை பார்க்க எளிதாக இருந்திருக்கும் என்ற, கருத்து எழுந்துள்ளது.

அரசு அலுவலகங்களில், மேலாண்மை பணிகள் அனைத்தும், மின்னணு வாயிலாக நடைபெறுவது, இ - அலுவலகம் என, அழைக்கப்படுகிறது.இதில், ஆவணங்கள் அனைத்தும், கம்ப்யூட்டரில்பதிவேற்றம் செய்யப்பட்டு, மேலதிகாரிகளின் ஒப்புதலுக்காக அனுப்பப்படும்.இதன் வாயிலாக, காகிதப் பயன்பாடு முற்றிலும் குறையும். ஆவணங்களில் மாற்றம் செய்தல், கடிதங்களில் திருத்தம் செய்தல் போன்ற பணிகளுக்காக, ஆவணங்களை திரும்ப அனுப்புவது குறையும். உயர் அதிகாரிகளே,

இந்தப் பணியை செய்ய நேரிடும்.ஒப்புதல் அளித்து, உயர் அதிகாரிகள், மின்னணு கையெழுத்து பதிவு செய்ததும், அரசுக்கு ஆவணங்கள் அனுப்பப்படும்.தற்போது, தமிழக மின்னணுவியல் கழகமான, எல்காட், தமிழ்நாடு மின்னாளுமை முகமை இயக்ககம், டி.ஜி.பி., அலுவலகம் போன்ற சில துறைகளில் மட்டும், இ - அலுவலக வசதிகள் நடைமுறையில் உள்ளன.

இதர அரசு அலுவலகங்களிலும், இந்த வசதியை ஏற்படுத்திக் கொடுத்தால், அவசர காலங்களில், இவை கை கொடுத்திருக்கும் என்ற, கருத்துஎழுந்துள்ளது.இது குறித்து, 'எல்காட்' நிறுவன நிர்வாக இயக்குனர், விஜயகுமார் கூறியதாவது:எல்காட் அலுவலகம்முற்றிலும், கம்ப்யூட்டரால் செயல்படக் கூடியது.

எங்கள் நிறுவனத்தில், 150 ஊழியர்கள்பணியாற்றுகின்றனர்.ஓராண்டுக்கு முன், இ - அலுவலக வசதி, இந்த நிறுவனத்தில் நடைமுறைபடுத்தப்பட்டுவிட்டது.இதனால், தற்போது ஊழியர்கள், வீட்டிலிருந்து வேலை பார்க்க அறிவுறுத்தப்பட்டு உள்ளனர்.தேசிய தகவல் மையம், இ - அலுவலக மென்பொருளை வழங்குகிறது.அதன் வாயிலாக, ஒவ்வொரு ஊழியருக்கும், தனி பயனாளர் குறியீடு மற்றும் 'பாஸ்வேர்டு' கொடுத்தால், இ - அலுவலகம் வாயிலாக பணியாற்றலாம். இவ்வாறு, அவர்கூறினார்.

Advertisement




வாசகர் கருத்து (2)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
அசோக்ராஜ் - சேலம் ,இந்தியா
25-மார்-202019:19:33 IST Report Abuse
அசோக்ராஜ் நம் தலைமுறையில் நடக்க வாய்ப்பில்லை. நேரில் வரவைத்தால்தான் லஞ்சம் பெயர்க்க முடியும். அதனால் ஈ-சர்வீசெல்லாம் மக்கள் அரசுக்கு பணம் செலுத்தும் கருவிகளோடு நின்று போகும். கருடபுராணம் நடைமுறைக்கு வரும்வரை.
Rate this:
Share this comment
Cancel
ஜெய்ஹிந்த்புரம் - மதுரை,இந்தியா
25-மார்-202004:05:06 IST Report Abuse
ஜெய்ஹிந்த்புரம் அகில உலக லஞ்ச தலைநகரான இந்தியாவில் இ-லஞ்சம் வரும் வரை எந்த இ-பணிகளும் செயல்படுத்த வாய்ப்பில்லை. ஆளும்கட்சி லஞ்சத்தை தேர்தல் நிதி பத்திரமாக வசூல் செய்ய தானே சட்டத்தை போட்டது போல, லஞ்ச அதிகாரிகளும் தங்களுக்கும் இப்படிப்பட்ட நிதி பத்திரங்களை மக்கள் வழங்கும் வகையில் சட்டம் போடுமாறு போலி தேசபதர் கட்சிகளை கேட்டுக்கொள்கிறார்கள்.
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X