அரசியல் செய்தி

தமிழ்நாடு

ரூ.70 கோடியில் போலீஸ் வாகனம் : முதல்வர் இ.பி.எஸ்., அறிவிப்பு

Added : மார் 24, 2020
Share
Advertisement



சென்னை : ''காவல்துறையில் உள்ள, 918 பழைய வாகனங்களுக்கு பதிலாக, 70.1 கோடி ரூபாயில், 908 புதிய வாகனங்கள் வாங்கப்படும்,'' என, முதல்வர், இ.பி.எஸ்., அறிவித்தார். சட்டசபையில், அவரது அறிவிப்புகள்:
* போலீசாரின் கூடுதல் நேர பணிக்கான மதிப்பூதியம், 200 ரூபாயில் இருந்து, 500 ரூபாயாக உயர்த்தி வழங்கப்படும்
* வீர தீர செயல்களில் ஈடுபட்டு மரணம் அடைந்தால், போலீசாரின் குடும்பத்திற்கு வழங்கப்படும் கருணைத் தொகை, 10 லட்சம் ரூபாயில் இருந்து, 15 லட்சம் ரூபாய்; ஊனம் ஏற்பட்டால் வழங்கப்படும் தொகை, 4 லட்சம் ரூபாயில் இருந்து, எட்டு லட்சம் ரூபாயாகவும் உயர்த்தி வழங்கப்படும்
* கோவை மாவட்டத்தில், மேட்டுப்பாளையம் புதிய காவல் உட்கோட்டம் உருவாக்கப்படும் மாமல்லபுரத்தில் இயங்கி வரும் போலீஸ் நிலையம், மெட்ரோ போலீஸ் நிலையமாக தரம் உயர்த்தப்படும் சேலம் மாநகர ஆயுதப்படையில், ஒரு தலைமையக படைப்பிரிவும், இரண்டு செயல் படைப் பிரிவுகளும், 186 பணியாளர்கள் எண்ணிக்கையில் உருவாக்கப்படும்
* சென்னையில், டி.ஜி.பி., அலுவலகத்தில் கணினி மயமாக்கல் பிரிவிற்கு, ஒரு கூடுதல் கண்காணிப்பாளர் பதவி உருவாக்கப்படும்
* சென்னை, அசோக்நகர் போலீஸ் பயிற்சி கல்லுாரி வளாகத்தில், சிலை தடுப்பு போலீஸ் நிலையத்திற்கு, 1.25 கோடி ரூபாய் மதிப்பில், புதிய கட்டடம் கட்டப்படும்
* புதிதாக உருவாக்கப்பட்ட செங்கல்பட்டு, திருப்பத்துார், ராணிப்பேட்டை, தென்காசி, கள்ளக்குறிச்சி மாவட்டங்களுக்கு, 70 கோடி ரூபாய் மதிப்பில், மாவட்ட எஸ்.பி., அலுவலக கட்டடம் கட்டப்படும்

*காவல்துறையில் வாகன வசதியை மேம்படுத்துவதற்காக, 918 பழைய வாகனங்களுக்கு பதிலாக, 70.01 கோடி ரூபாயில், 908 புதிய வாகனங்கள் வாங்கப்படும்.இவ்வாறு, முதல்வர் அறிவித்தார்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X