பொது செய்தி

தமிழ்நாடு

மக்காச்சோளத்துக்கு நிலையான விலை நிர்ணயிக்க விவசாயிகள் ேகாாிக்கை

Added : மார் 25, 2020
Share
Advertisement

மடத்துக்குளம்:மடத்துக்குளம் பகுதிகளில், அறுவடை செய்த மக்காச்சோளத்துக்கு, நிலையான விலை நிர்ணயிக்க வேண்டும் என, விவசாயிகள் வலியுறுத்தியுள்ளனர்.மடத்துக்குளம் புதிய ஆயக்கட்டு பகுதியில், மக்காச்சோளம் முக்கிய சாகுபடியாக உள்ளது. குறைவான பாசன நீரிலும் வளர்ந்து விவசாயிகளுக்கு கை கொடுக்கிறது. கடந்த செப்., இறுதியிலும் அக்., மாதத் தொடக்கத்திலும், புதிய ஆயக்கட்டு பகுதியில் சம்பா பருவத்தில் மக்காச்சோளம் விதைக்கப்பட்டது.இப்பகுதியில், 600 ஏக்கர் பரப்பில் சாகுபடி நடந்தது. கடந்த தை மாதம் அறுவடை தொடங்கியது. ஆரம்பத்தில், 100 கிலோ எடையுள்ள ஒரு மூட்டை, 1,600 முதல் 1,700 ரூபாய் வரை கொள்முதல் செய்யப்பட்டது. ஆனால், தற்போது, 1,000 ரூபாயாக சரிந்துள்ளது. இந்த விலை விவசாயிகளுக்கு லாபம் கொடுக்காது, பாதிப்பை ஏற்படுத்தும். எனவே இதற்கு நிலையான விலை தேவை என விவசாயிகள் எதிர்பார்க்கின்றனர்.இதுகுறித்து விவசாயிகள் கூறியதாவது:ஒரு ஏக்கர் மக்காச்சோளம் சாகுபடி செய்ய, 30 ஆயிரம் ரூபாய் வரை செலவாகிறது. அறுவடையின் போது, 20 முதல் 25 மூட்டைகள் தான் கிடைக்கிறது. தற்போது உள்ள விலையின் படி கணக்கீடு செய்தால், விவசாயிகளுக்கு எதிர்பார்த்த பலனில்லை. சில விளைநிலத்தில் குறைவான சாகுபடி, கிடைத்ததால் நஷ்டம் ஏற்படும் நிலை உள்ளது.இதனால் பல இடங்களில், அறுவடை செய்த மக்காச்சோளத்தை பட்டறை அமைத்து இருப்பு வைத்துள்ளோம். நாளுக்கு நாள் விலை சரிந்து வருகிறது. இதற்குத்தீர்வாக மக்காச்சோளம் சாகுபடி செய்யும் விவசாயிகளுக்கு பாதிப்பு ஏற்படாமல் இருக்க, அரசு நிலையான கொள்முதல் விலை நிர்ணயம் செய்ய வேண்டும்.இவ்வாறு, விவசாயிகள் கூறினர்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X