சம்பவம் செய்தி

தமிழ்நாடு

சாலையோரம் காலியாக உள்ள இடம் மரக் கன்றுகள் நடவு செய்தால் பயன்

Added : மார் 26, 2020
Share
Advertisement

கோத்தகிரி : 'கோத்தகிரி பஸ் ஸ்டாண்ட் அருகே, தாழ்வான பகுதியில், காலியாக உள்ள இடத்தில் மரங்கள் நடவு செய்ய வேண்டும்,' என, வலியுறுத்தப்பட்டுள்ளது.

நீலகிரியில், சிறப்பு நிலை அந்தஸ்து பெற்றதாக, கோத்தகிரி பேரூராட்சி உள்ளது. இங்குள்ள, 21 வார்டுகளின் மக்கள் தொகை அடிப்படையில், பேரூராட்சி தேர்வு நிலை நகராட்சியாக தரம் உயர வாய்ப்புள்ளது. இதனால், நகரில் கட்டமைப்பு வசதிகள் ஏற்படுத்துவது மிகவும் அவசியம்.கோத்தகிரி பேரூராட்சி மற்றும் நெடுஞ்சாலைத்துறை சார்பில், நகரப்பகுதியில், தேவையான இடங்கள் விரிவுபடுத்தப்பட்டு, 'பார்க்கிங்' தளம் அமைக்கப்பட்டு வருகிறது. நிர்வாகத்தின் இந்த நடவடிக்கை, மக்கள் மத்தியில் வரவேற்பு பெற்றுள்ளது.

இந்நிலையில், கோத்தகிரி நகராட்சிக்கு உட்பட்ட, பஸ் ஸ்டாண்ட் பகுதியை ஒட்டி, தாழ்வான பகுதியில், காலியிடங்கள் வெறுமனே விடப்பட்டுள்ளன.குறிப்பிட்ட இடத்தில், கழிவு கொட்டப்படுவதுடன், பொதுமக்கள் கழிப்பிடமாக பயன்படுத்துகின்றனர். காட்டு செடிகள் வளர்ந்துள்ளன. இதனால், சுற்றுச்சூழல் பாதிக்கப்பட்டுள்ளதுடன், விஷ ஜந்துகள் அதிகரித்து வருகின்றன.சுற்றுச்சூழல் பாதுகாப்பு சங்க நிர்வாகி ராஜூ கூறுகையில்,''மக்கள் பெருமளவில் கூடும், இந்த இடத்தில்,குறைந்தபட்சம், 290 சோலை நாற்றுகள் நடவு செய்யலாம். இதன் மூலம், குப்பைகள் மற்றும் கழிவுகள் கொட்டப்படுவது தவிர்க்கப்படுவதுடன், சுற்றுச்சூழல் பாதுகாக்கப்படும்,'' என்றார்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X