பொது செய்தி

தமிழ்நாடு

பெண் கொலையில் மர்மம் நீடிப்பு விசாரிக்க தனிப்படை அமைப்பு

Added : மார் 26, 2020
Share
Advertisement

பல்லடம், : பல்லடம் அருகே, இளம்பெண் வெட்டி எரித்து கொலை செய்யப்பட்டது குறித்து விசாரிக்க, தனிப்படை அமைக்கப்பட்டுள்ளன.

பல்லடத்தை அடுத்த கரைப்புதூர் அண்ணா நகரில், இளம்பெண் ஒருவரின் உடல் இரண்டாக வெட்டப்பட்டு, ரோட்டோர புதரில் எரிந்த நிலையில் கிடந்தது. பல்லடம் போலீசார் உடலை மீட்டு பிரேத பரிசோதனைக்கு அனுப்பி வைத்தனர்.கொலை நடந்த இடத்தில், தடயவியல் நிபுணர் ஸ்ரீதரன், கைரேகை நிபுணர் சுப்ரமணியம் தடயங்களை சேகரித்துள்ளனர். கொலை செய்யப்பட்ட பெண் யாரென்பதும், எதற்காக கொல்லப்பட்டார் என்ற விவரங்களும் தெரியாததால், விசாரணையில் தொய்வு ஏற்பட்டுள்ளது.

கொலையாளியை கண்ட றிய டி.எஸ்.பி., முருகவேல் தலைமையில், தனிப்படை அமைக்கப் பட்டுள்ளது.டி.எஸ்.பி., கூறியதாவது:கொலை செய்யப்பட்ட பெண் அப்பகுதியை சேர்ந்தவர் இல்லை என்பதாலும், ஆள் நடமாட்டம் இல்லாத காட்டுப்பகுதியில் கொலை நடந்ததால், விசாரணையில் இழுபறி ஏற்பட்டு வருகிறது. இது குறித்து விசாரிக்க, 4 தனிப்படைகள் அமைக்கப்பட்டுள்ளன.இன்ஸ்பெக்டர்கள் ரமேஷ் கண்ணன், சுஜாதா, கோமதி, பழனியம்மாள் ஆகியோர் கொண்ட தனிப்படை அமைக்கப்பட்டுள்ளது. விரைவில், கொலையான பெண் மற்றும் குற்றவாளிகளை கண்டுபிடிப்போம்.இவ்வாறு, அவர் கூறினார்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X