பொது செய்தி

தமிழ்நாடு

'கை கழுவிட்டு காய்கறி வாங்க வாருங்கள்!'

Added : மார் 26, 2020
Share
Advertisement

திருப்பூர் : 'விவசாயிகள், வாடிக்கையாளர்கள் கைகளை சுத்தமாக கழுவி விட்டு தான் சந்தைக்குள் வர வேண்டும். முக கவசம் அணிந்திருந்தால் மட்டுமே சந்தைக்குள் அனுமதிக்கப்படுவர்,' என, உழவர் சந்தை அலுவலர்கள் தெரிவித்தனர்.

ஊரடங்கு அமலில் உள்ள நிலையில், அத்தியாவசிய தேவையான காய்கறி விற்பனைக்கு உழவர் சந்தை செயல்பட அனுமதி அளிக்கப்பட்டது. வழக்கமாக, தெற்கு உழவர் சந்தைக்கு, 100 டன் காய்கறி வரும். நேற்று, 55 டன் வந்தது. 1.30 டன் பழங்கள் வந்தது.எப்போதும், 450 விவசாயிகள் வரும் நிலையில் நேற்று, 280 விவசாயிகள் மட்டுமே வந்தனர். பத்து டன்வரத்து குறைந்து வடக்கு உழவர் சந்தைக்கு, 19 டன் காய்கறி மட்டுமே வந்தது. ஆறு லட்சம் ரூபாய்க்கு விற்பனை நடந்தது. 77 விவசாயிகள் மட்டுமே வந்திருந்தனர்.

சந்தையில் பாதுகாப்பு நடவடிக்கையை கட்டாயம் பின்பற்ற சுகாதாரத்துறை அறிவுறுத்தியுள்ளது. இதனால், நேற்று மாநகராட்சி சுகாதாரப்பிரிவு மூலம் சந்தையில் வருவோர் காய்களை கழுவ, கிருமிநாசினி ஏற்பாடு செய்யப்பட்டது. ஒவ்வொரு காய்கறி கடைக்கும், கீரை விற்பவர் நிற்கும் பகுதிக்கு கிருமிநாசினி தெளிக்கப்பட்டது.முக கவசம் அணிந்தபடி மட்டுமே உள்ளே வர வேண்டும் என கட்டுப்பாடு விதித்தனர். இல்லாமல் வந்தவர்களை அங்கிருந்து அனுப்பி வைத்தனர்.

'காய்கறிகளை வாங்கியவர்கள், உடனே செல்ல வேண்டும். கூட்டம் கூடாதீர்கள்,' என, போலீசார் மைக் மூலம் எச்சரித்து கொண்டே இருந்தனர்.வழக்கமாக நாட்களை விட நேற்று சந்தைக்கு வரத்தும், வாடிக்கையா ளர் எண்ணிக்கையும் குறைந்தது. தடையுத்தரவு தொடரும் என்ற அறிவிப் பால் நேற்று முன்தினமே பலரும் மொத்தமாக காய்கறிகளை வாங்கி இருப்பு வைத்து கொண்டனர்.தொடர்ந்து செயல்படும்!தெற்கு உழவர் சந்தை உதவி அலுவலர் முத்துபாண்டி கூறுகையில், 'மாவட்ட நிர்வாகம் தரப்பில் இருந்து மறுஉத்தரவு வரும் வரை தொடர்ந்து உழவர் சந்தை செயல்படும்.

விவசாயிகள் காய்கறிகளை கொண்டு வரலாம்.வாடிக்கையாளர்களும் தேவையான காய்கறிகளை வாங்க வரலாம். அவரவர் பாதுகாப்பு கருதி முகக்கவசம் கட்டாயம் அணிந்து வர வேண்டும். முகக்கவசம் அணிந்து, கைகளை கழுவி விட்டு வந்தால் மட்டுமே சந்தைக்குள் அனுமதிக்கப்படுவர்,' என்றார்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X