சிறப்பு பகுதிகள்

அறிவியல் மலர்

மோப்ப சக்தியுள்ள சில்லு!

Added : மார் 26, 2020 | கருத்துகள் (1)
Share
Advertisement
 மோப்ப சக்தியுள்ள சில்லு!

கண்ணுக்கு ஒளிப்பதிவுக் கருவி. காதுக்கு ஒலி வாங்கிக் கருவி. இந்த இரண்டும் சேகரித்து தரும் தகவல்களை பகுத்தறியும் திறன் இன்றைய கணினிகளுக்கு உண்டு. ஆனால், மனித மூக்கின் வாசனை உணரும் திறனை அப்படியே காப்பியடிக்கும் ஒரு கருவி இன்னும் உருவாக்கப்படவில்லை.

அதை மாற்ற நினைக்கிறது பிரபல சில்லு நிறுவனமான இன்டெல். மூளை எப்படி வேலை செய்கிறதோ அதே போல இயங்கும், 'நியூரோமார்பிக்' சில்லு ஒன்ரை இன்டெல் உருவாக்கி வருகிறது. லோய்ஹி (Loihi) என்று பெயரிடப்பட்டுள்ள அந்த அதி திறன் சில்லு, பல்வேறு வாடைகளை பகுத்தறியும் திறனை பெற்றுள்ளது.

ஏற்கனவே சில வேதிப் பொருட்களின் வாடைகளை உணர்ந்து எச்சரிக்கை தரும் உணரிகள் கண்டுபிடிக்கப்பட்டுவிட்டன. ஆனால், இந்த உணரிகள் தரும் தகவல்களை பகுத்தறியும் சில்லுக்கு அவ்வளவு திறன் கிடையாது. எனவே, மனித மூக்கு எப்படி ஒரே சமயத்தில் பல வாடைகளை அடையாளம் காண்கிறதோ அதே போன்ற திறன் கொண்ட சில்லினை இன்டெல் உருவாக்கியுள்ளது.ஒரு ஆய்வக சுரங்கத்தில், 72 உணரிகளை வைத்து, அம்மோனியா, அசிடோன், மீத்தேன் உள்ளிட்ட, 10 வகை வாயுக்களை ஒரே நேரத்தில் செலுத்தினர் இன்டெல் விஞ்ஞானிகள்.

உணரிகள் சேகரித்து அனுப்பிய தகவல்களை லோய்ஹி சில்லு அலசி, ஆய்வக சுரங்கத்தில் வீசிய, 10 வித வாடைகளையும் இனம் கண்டு சொல்லிவிட்டது. லோய்ஹியின் மோப்ப சக்தி விரைவில் மனிதன் மற்றும் மோப்ப நாய்களின் மோப்ப சக்தியை விஞ்சிவிடும் என இன்டெல் விஞ்ஞானிகள் உறுதியாகச் சொல்கின்றனர். மருத்துவமனையில் நோயறிதல் முதல், ராணுவத்தில் எதிரிகளின் வெடிமருந்து வாடையை கண்டறிவது வரை லோய்ஹி போன்ற சில்லுகள் பயன்படும்.

Advertisement


வாசகர் கருத்து (1)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Hari - chennai,இந்தியா
06-ஏப்-202012:06:28 IST Report Abuse
Hari கொரோனவை கண்டுபிடிக்க முடியுமான்னு சொல்லுங்க ப்ரோ .
Rate this:
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X