சிறப்பு பகுதிகள்

டவுட் தனபாலு

'டவுட்' தனபாலு

Added : மார் 26, 2020 | கருத்துகள் (1)
Share
Advertisement
 'டவுட்' தனபாலு

வருவாய் துறை அமைச்சர், உதயகுமார்: சுய தனிமை, சமூக இடைவெளியை, அத்தியாவசிய பொருட்கள் விற்கும் கடை உரிமையாளர்களும், பொருட்கள் வாங்கும் மக்களும், கண்டிப்பாக கடைப்பிடிக்க வேண்டும். அனைத்து நிலைகளிலும், சமூக இடைவெளியை கடைப்பிடிக்க வேண்டும். இதை கடைப்பிடிக்காவிட்டால், சம்பந்தப்பட்ட கடைகளுக்கு, அறிவுரை வழங்கப்படும்; தேவைப்பட்டால், மூடப்படும்.

'டவுட்' தனபாலு: சுயதனிமை, சமூக இடைவெளியை கடைப்பிடித்ததால் தான், கொரோனாவுக்கு எதிரான போரில், சீனா வென்றுள்ளது; அதை சரியாக கடைப்பிடிக்காததால் தான், இத்தாலி பாதிக்கப்பட்டுள்ளது என்ற உண்மையை, 'டவுட்' தீரும் வரை, தமிழக மக்களுக்கு, அரசு அறிவுறுத்த வேண்டும்!


தி.மு.க., தலைவர், ஸ்டாலின்: காஷ்மீர் முன்னாள் முதல்வர் ஒமர் அப்துல்லாவை விடுவித்து, மற்றொரு முன்னாள் முதல்வரான மெகபூபா முப்தி உள்ளிட்ட, பிற காஷ்மீர் தலைவர்களை விடுவிப்பதில்லை என்ற மத்திய அரசின் முடிவு, மகிழ்ச்சியையும், சோகத்தையும் ஒருங்கே தருவதாக உள்ளது.

'டவுட்' தனபாலு: தமிழக எதிர்க்கட்சித் தலைவரான நீங்கள், தேசிய தலைவராக மாற முயற்சித்து, அவ்வப்போது, காஷ்மீர் பிரச்னையை கையில் எடுக்கிறீர்களோ என்ற, 'டவுட்' இதனால் ஏற்படுகிறது. அந்த யூனியன் பிரதேச நிலவரத்தை பொறுத்து, கைது மற்றும் விடுவிப்பு விவகாரங்களை அரசு மேற்கொள்கிறது. நாம், நம் மாநிலத்தில் கொரோனாவை ஒடுக்க, அரசுடன் ஒத்துழைக்கலாமே!


சென்னை மாநகர போலீஸ் கமிஷனர், விஸ்வநாதன்: இளைஞர்கள் சிலர், அத்தியாவசிய பொருட்கள் வாங்கச் செல்கிறோம் என, தேவையில்லாமல், வீட்டை விட்டு வெளியே சென்று வருகின்றனர். 'பைக்ரேஸ்' மற்றும், 'செல்பி' எடுப்பதற்காக, இவர்கள் இதுபோல நடந்து கொள்வது தெரியவந்துள்ளது. இத்தகையோர் மீது கடும் நடவடிக்கை எடுக்கப்படும். ஊரடங்கு உத்தரவை மீறி, வெளியில் நடமாடுபவர்கள் உடனடியாக கைது செய்யப்படுவர்; வாகனங்கள் பறிமுதல் செய்யப்படும்.

'டவுட்' தனபாலு: பிறருக்கு முன்னுதாரணமாக இருக்க வேண்டிய இளைஞர்களில் சிலர், பொறுப்பில்லாமல் இப்படி நடந்து கொள்கின்றனரே; பட்டால் தான் திருந்துவரோ என்ற, 'டவுட்' இவர்களின் செயல்பாட்டால் ஏற்படுகிறது. தேவையில்லாமல் சுற்றித் திரிபவர் மீது, கடும் நடவடிக்கை எடுக்கலாம். அதே நேரத்தில், அத்தியாவசிய பணிகளில் ஈடுபடுவோர் மீது போலீஸ் கடுமை காட்டாமல் இருப்பதே நலம்!

Advertisement


வாசகர் கருத்து (1)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
கல்யாணராமன் சு. - பெங்களூரு,இந்தியா
27-மார்-202007:59:49 IST Report Abuse
கல்யாணராமன் சு. ஸ்டாலின் பாவங்க ............ அவர் என்ன சொந்தமாவா சொன்னாரு? ......... ஏதோ பிரசாந்த் கிஷோர் சொன்னதை எதுத்து பேசாமல் அப்படியே ஒப்பிச்சாரு? இதுக்கெல்லாமா அவரை கோபிக்கறது? ...........
Rate this:
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X