பொது செய்தி

தமிழ்நாடு

மத்திய பிரதேசத்தைச் சேர்ந்த 72 பேர் திண்டிவனம் கல்லுாரியில் தங்க வைப்பு

Added : மார் 26, 2020
Share
Advertisement

திண்டிவனம் : ஊரடங்கு உத்தரவு காரணமாக தவித்த மத்திய பிரதேசத்தைச் சேர்ந்த 72 பேர் திண்டிவனம் அரசு கலைக்கல்லுாரியில் வருவாய்த் துறையினரால் பாதுகாப்பாக தங்க வைக்கப்பட்டுள்ளனர்.

தமிழகத்தின் பல்வேறு பகுதிகளில் சாலையோரத்தில் வடமாநிலத்தவர் இரும்பு பட்டறை அமைத்து கத்தி, அரிவாள் போன்றவற்றை தயாரித்து விற்பனை செய்து வருகின்றனர். இத்தொழிலில் ஈடுபட்டு வரும் மத்திய பிரதேசத்தைச் சேர்ந்த 38 ஆண்கள் உட்பட 72 பேர், ஷார்சிங், 45; என்பவரின் தலைமையில், காட்பாடி ரயில் மூலம் திருவண்ணாமலைக்கு வந்துள்ளனர்.அங்கிருந்து கண்டாச்சிபுரம் பகுதியில் தங்கியிருந்தனர்.

அங்கிருந்த போலீசார் அவர்களை, அப்புறப்படுத்தி, வேன் மூலம் திண்டிவனம் அடுத்த சின்னநெற்குணம் பகுதிக்கு, கடந்த 23ம் தேதி அனுப்பி வைத்தனர். இதை பார்த்த அப்பகுதி மக்கள், வெளிமாநிலத்தில் இருந்து வந்துள்ளதால் அவர்களுக்கு கொரோனா தொற்று இருக்கலாம் என்ற பீதியால், அவர்களை காலி செய்யும் படி பிரச்னை செய்தனர்.இதையடுத்து நேற்று முன்தினம் அவர்களை, திண்டிவனம் வருவாய்த்துறை அதிகாரிகள் மீட்டு, திண்டிவனம் கோவிந்தசாமி அரசு கலை அறிவியல் கல்லுாரி வளாகத்தில் உள்ள மரத்தடியில் தங்க வைத்தனர்.

மேலும், அவர்களுக்கு கொரோனா தொற்று உள்ளதா என்பது குறித்து சுகாதாரத்துறை அதிகாரிகள் சோதனை மேற்கொண்டனர்.இதற்கிடையே நேற்று திண்டிவனம் சப் கலெக்டர் டாக்டர் அனு, தாசில்தார் ராஜசேகர் மற்றும் அதிகாரிகள், அவர்களை பாதுகாப்பாக தங்க வைப்பதற்காக இடங்களை ஆய்வு செய்தனர். இறுதியாக ஊரடங்கு உத்தரவு முடியும் வரை அதே கல்லுாரியில் உள்ள அறைகளில் தங்க வைக்க முடிவு செய்துள்ளனர்.அதுவரை அவர்களுக்கு வருவாய்த்துறை மூலம் கோதுமை, பருப்பு உள்ளிட்ட பொருட்கள் வழங்கப்பட்டுள்ளது. ஒரு வாரத்தில் பல்வேறு இன்னங்களை சந்தித்து வந்த அவர்கள், திண்டிவனம் வருவாய்த்துறை அதிகாரிகள் மேற்கொண்ட நடவடிக்கையால் நிம்மதி பெருமூச்சு விட்டனர்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X