பொது செய்தி

தமிழ்நாடு

சுகாதார பணிகள் தீவிரம்

Added : மார் 27, 2020
Share
Advertisement

மணலி:மாநகராட்சி, குடிநீர் வாரியம், தீயணைப்பு துறை ஒன்றிணைந்து, கொரோனா வைரஸ் தடுப்பு நடவடிக்கையாக, மக்கள் கூடும் இடங்களில், கிருமி நாசினி தண்ணீரை, பீய்ச்சி அடித்து, சுகாதார நடவடிக்கைகளில் ஈடுபடுகின்றனர்.
கொரோனா வைரஸ் தொற்று நோய் பரவலை தடுக்கும் விதமாக, ஊரடங்கு உத்தரவு பிறப்பிக்கப்பட்டு, மக்கள் வீட்டிற்குள் முடங்க அறிவுறுத்தப்பட்டுள்ளனர். அதே நேரத்தில், மாநகராட்சி சுகாதார துறை, கொரோனா தடுப்பு நடவடிக்கையாக, சுகாதார பணிகளில் ஈடுபட்டு வருகின்றனர்.அந்த வகையில், நேற்று காலை, மணலியில் பல்வேறு அரசு துறையினர் ஒன்றிணைந்து, கிருமி நாசினி தெளிக்கும் பணிகளில் ஈடுபட்டு வருகின்றனர். மணலி மாநகராட்சி சுகாதார துறை, குடிநீர் வாரியத்துடன் இணைந்து, தீயணைப்பு துறையினர், கிருமி நாசினி கலந்த தண்ணீரை, மக்கள் அதிகம் கூடும் இடங்களான, மாத்துார் பூங்கா, பேருந்து நிறுத்தம், பெட்ரோல், 'பங்க்' போன்ற பகுதிகளில் தெளித்தனர்.
தவிர, குடிநீர் வாரிய லாரிகளில், பிளீச்சிங் பவுடர் கலந்து, சாலைகளில் ஊற்றி சுத்தம் செய்யும் பணிகளும் மும்முரமாக நடக்கிறது. எக்காரணத்தை கொண்டும், இந்நோயை பரவவிடக் கூடாது என்பதில், தீர்க்கமாக இருப்பதாக அதிகாரிகள் கருத்து தெரிவித்தனர்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X