பொது செய்தி

தமிழ்நாடு

ஊராட்சி தலைவர்களுக்கு சம்பளம் கூட்டமைப்பு கூட்டத்தில் தீர்மானம்

Added : மார் 27, 2020
Share
Advertisement

சிதம்பரம் : ஊராட்சி தலைவர்களுக்கு மாத சம்பளம் வழங்க வேண்டும் என குமராட்சி ஒன்றிய ஊராட்சி மன்ற தலைவர்கள் கூட்டமைப்பு கூட்டத்தில் தீர்மானம் நிறைவேற்றப்பட்டது.
குமராட்சி ஒன்றிய ஊராட்சி தலைவர்கள் கூட்டமைப்பு ஆலோசனை கூட்டம் சிதம்பரத்தில் நடந்தது. உமாநாத் தலைமை தாங்கினார். ஊராட்சி தலைவர் பாபுராஜன், திருமாவளவன், கோபாலகிருஷ்ணன், சேகர், செல்வகுமார், பாலு முன்னிலை வகித்தனர். முன்னாள் ஊராட்சி தலைவர் மணிவண்ணன் பங்கேற்று பேசினார். மாரியப்பன் நன்றி கூறினார்.
கூட்டத்தில், ஆன்லைன் பண பரிவர்த்தனையை மாற்றி மக்களுக்கு உடனடியாக அடிப்படை வசதிகளை செய்திட ஊராட்சி தலைவர்களுக்கு முழு சுதந்திரம் அளிக்கும் வகையில், பழைய நிலையை கொண்டு வர வேண்டும். ஊராட்சி தலைவர்களுக்கு எம்.எல்.ஏ., எம்.பி.,க்கள் போன்று மாத சம்பளம் வழங்க வேண்டும். ஒப்பு ஊதியம், தினசரி பயணப்படி வழங்க வேண்டும். ஊராட்சி தலைவர்களுக்கு இன்சூரன்ஸ் மற்றும் அடையாள அட்டை வழங்க வேண்டும் உள்ளிட்ட தீர்மானங்கள் நிறைவேற்றப்பட்டது.
கூட்டமைப்பு தலைவராக குமராட்சி ஊராட்சி தலைவர் தமிழ்வாணன், துணைத் தலைவர்களாக தண்டேஸ்வரநல்லுார் மாரியப்பன், டி.புத்துார் சிவக்குமார், செயலராக வரகூர் பாலஅறவாழி, பொருளாளராக நந்திமங்கலம் விஜயகுமார், கவுரவ தலைவராக மா.கொளக்குடி பாபுராஜன் உட்பட பலர் பொறுப்பேற்றனர்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X