பிரதமர் நிவாரண நிதி: தொழில் நிறுவனங்கள்,பிரபலங்கள் ஆர்வம் | Dinamalar

பொது செய்தி

இந்தியா

பிரதமர் நிவாரண நிதி: தொழில் நிறுவனங்கள்,பிரபலங்கள் ஆர்வம்

Updated : ஏப் 01, 2020 | Added : மார் 30, 2020 | கருத்துகள் (14)
Share
புதுடில்லி : கொரோனா வைரஸ் தடுப்பு நடவடிக்கைகளுக்காக, பிரதமரின் நிவாரண நிதிக்கு நன்கொடை வழங்க,உச்ச நீதிமன்ற ஊழியர்கள், தொழில் நிறுவனங்கள், பிரபலங்கள் என, பலரும் முன்வந்துள்ளனர்.உலகம் முழுவதும் கொரோனா வைரஸ், வேகமாக பரவி வருகிறது. இந்தியாவில், இந்த வைரசால் பாதிக்கப்பட்டோரின் எண்ணிக்கை, ஆயிரத்தை தாண்டியிருப்பதால், மக்கள் பீதியடைந்துள்ளனர். இந்த வைரஸ் பரவலை தடுக்க,
பிரதமர் நிவாரண நிதி: தொழில் நிறுவனங்கள்,பிரபலங்கள் ஆர்வம்

புதுடில்லி : கொரோனா வைரஸ் தடுப்பு நடவடிக்கைகளுக்காக, பிரதமரின் நிவாரண நிதிக்கு நன்கொடை வழங்க,உச்ச நீதிமன்ற ஊழியர்கள், தொழில் நிறுவனங்கள், பிரபலங்கள் என, பலரும் முன்வந்துள்ளனர்.
உலகம் முழுவதும் கொரோனா வைரஸ், வேகமாக பரவி வருகிறது. இந்தியாவில், இந்த வைரசால் பாதிக்கப்பட்டோரின் எண்ணிக்கை, ஆயிரத்தை தாண்டியிருப்பதால், மக்கள் பீதியடைந்துள்ளனர். இந்த வைரஸ் பரவலை தடுக்க, மத்திய, மாநில அரசுகள், பல நடவடிக்கைகளை மேற்கொண்டு வருகின்றன. இதற்காக, பிரதமர் நரேந்திர மோடி, நிதியுதவி செய்யும்படி, கடந்த, 28ம் தேதி, நாட்டு மக்களிடம் கேட்டுக்கொண்டார். இதையடுத்து, பலரும் தங்கள் பங்களிப்பை செய்து வருகின்றனர்.
இந்நிலையில், உச்ச நீதிமன்ற ஊழியர்கள், பிரதமரின் நிவாரண நிதிக்கு, நன்கொடை வழங்க முடிவு செய்துள்ளனர். இதுகுறித்து, அதன் பதிவாளர் ராஜேஷ் குமார் கோயல் கூறியதாவது:அனைத்து 'கெஜடட்' அதிகாரிகளும், தங்கள், மூன்று நாள் சம்பளத்தையும், கெஜடட் அல்லாத அதிகாரிகள், இரண்டு நாள் சம்பளத்தையும், 'குரூப் சி' ஊழியர்கள், ஒரு நாள் சம்பளத்தையும், பிரதமரின் நிவாரண நிதிக்கு, நன்கொடையாக வழங்குவர். இந்த நன்கொடை, மார்ச் மாத சம்பளத்தில் இருந்து பிடித்தம் செய்யப்படும். நன்கொடை அளிக்க விரும்பாதவர்கள், இன்று காலை, 10 மணிக்குள், நீதிமன்ற அலுவலகத்தில் வந்து தெரிவிக்கவேண்டும்.இவ்வாறு, அவர் கூறினார்.
கட்டுமான துறையில் முன்னணியில் இருக்கும், லார்சன் அண்ட் டூப்ரோ நிறுவனம், கொரோனா வைரஸ் தடுப்பு நடவடிக்கைகளுக்காக, பிரதமரின் நிவாரண நிதிக்கு, 150 கோடி ரூபாய், நன்கொடை வழங்குவதாக அறிவித்துள்ளது.

இதைத்தவிர, தன் நிறுவனத்தில் பணிபுரியும், 1.60 லட்சம் ஒப்பந்த தொழிலாளர்களுக்கு உதவும் வகையில், மாதம், 500 கோடி ரூபாயை ஒதுக்கவும் முடிவு செய்துள்ளது.பிரபல பாலிவுட் நடிகர் கார்த்திக் ஆர்யன், 1கோடி ரூபாயும், நடிகை ஷில்பா ஷெட்டி - ராஜ் குந்த்ரா தம்பதி, 21 லட்சம் ரூபாயும், நன்கொடையாக வழங்குவதாக அறிவித்துள்ளனர்.


அம்பானி ரூ.500 கோடி


'கொரோனா' நிவாரண நிதிக்கு இந்த வரிசையில், 'ரிலையன்ஸ் இண்டஸ்ட்ரீஸ்' தலைவர் முகேஷ் அம்பானி, 500 கோடி ரூபாய், நிதி அளித்துள்ளார். மேலும், மஹாராஷ்டிரா மற்றும் குஜராத் மாநில அரசுகளுக்கு, கூடுதலாக, தலா ஐந்து கோடி ரூபாய் நிதி உதவி அறிவித்துள்ளார்.இதற்கான அறிவிப்பு, நேற்று வெளியிடப்பட்டது.

Advertisement


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X