அரசியல் செய்தி

தமிழ்நாடு

சிறு குறு நிறுவனங்களுக்கு 200 கோடி சிறப்பு நிதி; தலைமைச் செயலர் சண்முகம்

Updated : மார் 31, 2020 | Added : மார் 31, 2020
Share
Advertisement

சென்னை: கொரோனா தடுப்பு நடவடிக்கை குறித்து ஆளுநர் பன்வாரிலால் புரோகித்திடம் முதல்வர் மற்றும் தலைமைச் செயலர் சந்தித்து ஆலோசனை நடத்தினர். அரசு எடுத்து வரும் நடவடிக்கைக்கு ஆளுநர் பாராட்டு தெரிவிதுள்ளார். வீட்டு வாடகை செலுத்த 2 மாதம் அவகாசம், கூட்டுறவு பயிர்கடன் 3 மாதம் அவகாசம் என பல்வேறு முக்கிய அம்சங்கள் விவாதிக்கப்பட்டுள்ளன.



latest tamil news



ஆளுநரை சந்தித்த பிறகு தலைமைச் செயலர் சண்முகம் செய்தியாளர்களிடம் கூறியதாவது:தமிழக அரசு எடுத்து வரும் கொரோனா தடுப்பு நடவடிக்கைகளுக்கு ஆளுநர் பாராட்டு தெரிவித்துள்ளார். கூட்டுறவு வங்கிகளில் பயிர்க்கடன் பெற்றவர்கள் 3 மாதம் கழித்து தவணை தொகையை செலுத்தலாம். ஜூன் 30 வரை அவகாம் வழங்கப்படுகிறது. 2000 சிறு, குறு, நடுத்தர தொழில் நிறுவனங்களுக்கு கோவிட் நிவாரணம் மேம்பாட்டு சிறப்பு நிதியாக 200 கோடி ரூபாய் ஒதுக்கப்பட்டுள்ளது. சொத்து, வரி, குடிநீர் வரியை செலுத்துவோருக்கு 3 மாதங்கள் அவகாம் வழங்கப்படுகிறது. சிப்காட் பராமரிப்பு நிதி 3 மாதத்திற்கு பிறகு செலுத்தலாம்.

மீனவ கூட்டுறவு சங்கங்கள், சிப்காட் நிறுவனம், மற்றும் தொழில் முதலீட்டு கழகத்திடம் கடன் பெற்றவர்களுக்கு ஜூன் 30 வரை, தவணை செலுத்த 3 மாதம் அவகாசம் வழங்கப்படுகிறது.தமிழ்நாட்டில் 1 லட்சத்து 16 ஆயிரம் வெளிமாநிலத்தவர் உள்ளனர். கொரோனா அறிகுறி உள்ளவர்களுக்கு மட்டுமே சோதனை செய்யப்படுகிறது. வீட்டில் தனிமைப்படுத்தப்பட்டவர்கள் விதிமுறைகளை பின்பற்ற வலியுறுத்தியுள்ளோம். தவறினால் அவர்களது குடும்பத்தினருக்கு நோய் தொற்று ஏற்படும். மக்கள் முழுமையாக அரசிற்கு ஒத்துழைப்பு தர வேண்டும்.


latest tamil news



திருப்பூரில் மூன்று லேயர் கொண்ட முகக்கவசங்களை உற்பத்தி செய்து வருகிறார்கள், ஒரு நாளில் 2 கோடி முகக்கவசங்கள் தயாராகின்றன. என்.95, முகக்கவசம், வென்டிலேட்டர்களுக்கு வெளிநாடுகளில் ஆர்டர் கொடுத்துள்ளோம். தமிழகத்தில் வீட்டில் குடியிருப்போரிடம் 2 மாதத்திற்கு வாடகை வசூல் செய்ய வேண்டாம் வீட்டு உரிமையாளர்களுக்கு அறிவுறுத்தியுள்ளோம்.

Advertisement




வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X