கொரோனாவை எதிர்க்காமல் ஈரானுக்கு எச்சரிக்கை: சர்ச்சைக்குள்ளான ட்ரம்ப்

Updated : ஏப் 02, 2020 | Added : ஏப் 02, 2020 | கருத்துகள் (9)
Share
Advertisement

வாஷிங்டன்: உலக நாடுகள் அனைத்தும் கொரோனா வைரசுக்கு எதிராகப் போராடிக் கொண்டிருக்கும் சூழலிலும், அமெரிக்கா - ஈரான் இடையேயான மோதல் குறைந்தபாடில்லை.



latest tamil news




அமெரிக்க அதிபர் ட்ரம்ப் 2018ம் ஆண்டு அணுசக்தி ஒப்பந்ததைக் கைவிட்டதுடன் ஈரான் மீது பொருளாதார தடை விதித்தார். தொடர்ந்து அமெரிக்கப் படைகளும் ஈராக்கில் குவிக்கப்பட்டன. இந்நிலையில், கடந்த ஜனவரி மாதம், பாக்தாத்தில் அமெரிக்கா ட்ரோன் தாக்குதல் நடத்தி, ஈரான் ராணுவத் தளபதி காசிம் சுலைமானியை கொன்றது. இதனால் இரு நாடுகளிடையான மோதல் உச்சத்தை அடைந்தது.


latest tamil news




இந்த நிலையில் கொரோனா வைரஸ் தொற்று உலக நாடுகளை உலுக்கி எடுத்து வருகிறது. கொரோனாவால் அதிக பாதிப்புக்குள்ளான நாடுகளின் பட்டியலில் அமெரிக்கா முதலிடத்தில் உள்ளது. கொரோனாவுக்கு எதிரான நடவடிக்கைகளில் கவனம் செலுத்த வேண்டிய இந்தச் சூழலில் அமெரிக்க அதிபர் டிரம்ப், ஈரானுக்கு எச்சரிக்கை விடுக்கும் வகையில் தனது டுவிட்டர் பக்கத்தில் கருத்து தெரிவித்துள்ளார்.



டுவிட்டரில், 'ஈரானும், அவர்களுக்கு ஆதரவான படைகளும் ஈராக்கில் உள்ள அமெரிக்கப் படைகள் மற்றும் ஈராக்கின் சொத்துகள் மீதும் தாக்குதல் நடத்த திட்டமிட்டுள்ளதாக நம்பத்தகுந்த தகவல்கள் கிடைத்துள்ளன. அப்படி நடந்தால், ஈரான் அதற்கு மிக அதிகமான விலை கொடுக்க வேண்டியிருக்கும்' எனப் பதிவிட்டார்.

மேலும், செய்தியாளர்களைச் சந்தித்த ட்ரம்ப், ''நாங்கள் ஈரானுடன் விரோதப் போக்கைக் கடைப்பிடிக்க விரும்பவில்லை. ஆனால், அவர்கள் விரோதத்துடன் செயல்பட்டால், இதுவரை வருத்தபடாத அளவுக்கு அவர்கள் வருத்தப்பட வேண்டிய சூழல் உருவாகும்' எனக் கடுமையாக எச்சரித்தார்.


latest tamil news




கொரோனா வைரஸ் தாக்குதலில் ஈரானும் தற்போது நிலைகுலைந்துள்ளது. பாதிக்கப்பட்டவர்களுக்கு சிகிச்சையளிக்க முடியாமலும், பரிசோதனைக் கருவிகள் தட்டுப்பாட்டாலும் பிற நாடுகளிடம் ஈரான் உதவி கோரி வருகிறது. இந்நிலையில், அமெரிக்க அதிபர் ஈரானை எச்சரித்துள்ளது, கடும் சர்ச்சையை ஏற்படுத்தியுள்ளது. 'உலக நாடுகள் ஒன்றிணைந்து செயல்பட்டால் மட்டுமே கொரோனாவை அழித்தொழிக்க முடியும்' என்ற சூழலில், அமெரிக்காவின் விரோதப் போக்கு, கடும் கண்டனங்களுக்கு உள்ளாகியுள்ளது.

Advertisement




வாசகர் கருத்து (9)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
J.V. Iyer - Singapore,சிங்கப்பூர்
02-ஏப்-202017:40:01 IST Report Abuse
J.V. Iyer இம்ரான் காணும், டிரம்பும் ஒரே குட்டையில் ஊறிய மட்டைகள்.
Rate this:
Cancel
dandy - vienna,ஆஸ்திரியா
02-ஏப்-202017:03:32 IST Report Abuse
dandy தினசரி ஈரானில் நூற்று கணக்கில் கிருமி தாக்குதலால் இறக்கின்றார்கள் ...கிருமியை நம்பாத தாடிகள் எல்லாவற்றையும் மறைகின்றார்கள் ..இராக்கில் இறந்தவர்களை plastic இல் சுற்றி பாலைவனத்தில் புதைக்கின்றார்கள் கூவ அனுமதி இல்லை
Rate this:
Cancel
dandy - vienna,ஆஸ்திரியா
02-ஏப்-202017:01:01 IST Report Abuse
dandy .........
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X