பொது செய்தி

இந்தியா

உணவு பொருள் உற்பத்தியை பெருக்குக: மத்திய அரசு வலியுறுத்தல்

Updated : ஏப் 06, 2020 | Added : ஏப் 06, 2020 | கருத்துகள் (28)
Share
Advertisement

புதுடில்லி: ஊரடங்கு சமயத்தில் உணவு பொருள் பற்றாக்குறையை தவிர்க்க, உற்பத்தியை அதிகப்படுத்துமாறு உணவு பொருள் நிறுவனங்களுக்கு மத்திய அரசு வலியுறுத்தியுள்ளது.



latest tamil news



கொரோனா வைரஸ் பரவுதலை தடுக்கும் விதமாக நாடு முழுவதும் ஏப்.,14 வரை ஊரடங்கு உத்தரவு பிறப்பிக்கப்பட்டுள்ளது. இதனால், அத்தியாவசிய சேவைகள் தவிர்த்து அனைத்து சேவைகளும் முடங்கியுள்ளன. கடைகள் எதுவும் இல்லாததால், மக்கள் உணவு பொருட்களை பெறுவதில் சிக்கல் ஏற்பட்டது. இவற்றை போக்க அரசு சார்பில், பல இடங்களில் தற்காலிகமாக மார்க்கெட் திறக்கப்பட்டது. மேலும், மார்க்கெட்டிலும் மக்கள் சமூக விலகலை கடைப்பிடிக்குமாறு அறிவுறுத்தப்பட்டன. இந்நிலையில், ஊரடங்கு அமலாகி கிட்டத்தட்ட இரண்டு வாரங்கள் ஆகியுள்ள நிலையில், உணவு பொருட்களுக்கு பற்றாகுறை நிலவும் அபாயம் ஏற்பட்டுள்ளது.

தொழிற்துறை மற்றும் உள்நாட்டு வர்த்தகத்தை மேம்படுத்துவதற்கான திணைக்களத்துடன் (டிபிஐஐடி) இணைக்கப்பட்ட அனைத்து தொழில்களுக்கும் தடையற்ற விநியோகத்தை பராமரிக்க, உற்பத்தியை உயர்த்த வேண்டும் என மாநில அரசுகளை மத்திய அரசு கேட்டுக்கொண்டுள்ளது. இது தொடர்பாக டிபிஐஐடி செயலாளர் குருபிரசாத் மொஹாபத்ரா, கடந்த மாதமே அனைத்து மாநிலங்களின் தலைமைச் செயலாளர்களுக்கும் கடிதம் எழுதியுள்ளார். அதில், உணவுப்பொருட்களை உற்பத்தி செய்வதாலும், குடிமக்களுக்கு தடையின்றி விநியோகத்தை பராமரிப்பதாலும், உணவு உற்பத்தி நிலையங்களை மூட உத்தரவிட வேண்டாம் என கேட்டுக்கொள்ளப்பட்டது.


latest tamil news



இது பற்றி பிரிட்டானியா இண்டஸ்ட்ரீஸ் நிறுவனம், 21 நாள் ஊரடங்கின் போது உணவு பதப்படுத்தும் தொழிலுக்கு மூலப்பொருட்களின் மாநிலங்களுக்கு இடையேயான வர்த்தகத்தை உறுதிப்படுத்துமாறு அரசாங்கத்திடம் கோரியிருந்தது. மேலும், பேக்கேஜிங் பொருட்கள், உணவு உற்பத்தி தொழிற்சாலைகள், தொழிற்சாலை தொழிலாளர்கள், பொருட்களின் போக்குவரத்து போன்றவற்றிற்கு விலக்கு அளிக்காவிட்டால், ஒரு சில நாட்களில் நாடு தொகுக்கப்பட்ட உணவுப் பற்றாக்குறையை எதிர்கொள்ளக்கூடும் எனவும் குறிப்பிட்டிருந்தது. இந்த விவகாரம், கடந்த வாரம் பல்வேறு அமைச்சகங்களின் கூட்டுக் கூட்டத்தில் விவாதிக்கப்பட்டது.


latest tamil news



இது தொடர்பாக அதிகாரிகள் தரப்பில் கூறப்பட்டுள்ளதாவது: மாநிலங்கள், ஊரடங்கு தொடர்பான பிரச்னைகளை எதிர்கொள்ளும் இடங்களில் நாங்கள் ஒருங்கிணைத்து வருகிறோம். அத்தியாவசிய பொருட்களின் வழங்கல், போக்குவரத்து மற்றும் பொருட்களின் விநியோகத்தில் நிகழும் பிரச்னைகள் மற்றும் பல்வேறு பங்குதாரர்கள் எதிர்கொள்ளும் பிரச்னைகள் குறித்து ஆராய ஒரு கட்டுப்பாட்டு அறை அமைக்கப்பட்டது. அத்தியாவசிய பொருட்களின் விநியோகச் சங்கிலியில் ஏதேனும் இடையூறு ஏற்பட்டால் அதைச் சரிபார்க்க வேண்டும். இவ்வாறு அதிகாரிகள் கூறினர்.
இதற்கிடையில், ஊரடங்கு காலத்தில் அத்தியாவசிய மற்றும் அத்தியாவசியமில்லாத அனைத்து பொருட்களையும் கொண்டு செல்ல அனுமதிக்குமாறு உள்துறை அமைச்சகம் அனைத்து மாநிலங்களுக்கும், யூனியன் பிரதேசங்களுக்கும் அறிவுறுத்தியுள்ளதாக தெரிவிக்கப்பட்டுள்ளது.

Advertisement




வாசகர் கருத்து (28)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Gopi - Chennai,இந்தியா
06-ஏப்-202019:42:44 IST Report Abuse
Gopi அரிசி அல்லது கோதுமை, உப்பு, தண்ணீர் மற்றும் அடுப்பு ஆகியவைகள் இப்பொழுதைக்கு அடிப்படை தேவை. இதை மீறிய உணவு சமைக்க உதவும் பொருட்கள் அரசின் கட்டுப்பாட்டில் சமூக சமையல் கூடம் அல்லது வீடுகளுக்கே வந்து சமைத்த உணவு காய்கறிகளை கொடுக்கும் திட்டத்தை செம்மையாக செய்தாலே இந்த கடின நாட்களை எதிர்கொள்ளலாம்
Rate this:
Cancel
Tamil - chennai,இந்தியா
06-ஏப்-202018:32:38 IST Report Abuse
Tamil மருத்துவ தேவைகள் பொருட்கள் மற்றும் உணவு பொருட்கள் தயாரிப்புகளைய் ஷிபிட் அடிபடையில் இரவும் பகலும் ஆரம்பிக்க வேண்டும் விவசாயம் மாநிலஅரசு சேகரித்து இருப்பு வைக்கவேண்டும்.
Rate this:
Cancel
chander - qatar,கத்தார்
06-ஏப்-202018:24:17 IST Report Abuse
chander உற்பத்தியை பெருக்கி அமேரிக்காவுக்கு அனுப்ப போறீர்களா
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X