'எச் - 1பி' பணியாளர்களுக்கு குறைந்த ஊதியம்: அமெரிக்க நிறுவனங்களின், 'தகிடுதத்தம்'

Updated : மே 07, 2020 | Added : மே 07, 2020 | கருத்துகள் (15) | |
Advertisement
வாஷிங்டன்: அமெரிக்காவை சேர்ந்த, 'பேஸ்புக், கூகுள், ஆப்பிள்' உள்ளிட்ட முன்னணி நிறுவனங்கள், 'எச் - 1பி' விசா மூலம் பணியமர்த்தும் வெளிநாட்டு ஊழியர்களில் பெரும்பாலானோருக்கு, உள்நாட்டினரை விட குறைவான ஊதியம் வழங்குவது தெரிய வந்துள்ளது.இது குறித்து, அமெரிக்காவின் பொருளாதார கொள்கை மையம் வெளியிட்டுள்ள அறிக்கை:கடந்த ஆண்டு, அமெரிக்க குடியேற்ற சேவைகள் பிரிவில்,

வாஷிங்டன்: அமெரிக்காவை சேர்ந்த, 'பேஸ்புக், கூகுள், ஆப்பிள்' உள்ளிட்ட முன்னணி நிறுவனங்கள், 'எச் - 1பி' விசா மூலம் பணியமர்த்தும் வெளிநாட்டு ஊழியர்களில் பெரும்பாலானோருக்கு, உள்நாட்டினரை விட குறைவான ஊதியம் வழங்குவது தெரிய வந்துள்ளது.



latest tamil news


இது குறித்து, அமெரிக்காவின் பொருளாதார கொள்கை மையம் வெளியிட்டுள்ள அறிக்கை:கடந்த ஆண்டு, அமெரிக்க குடியேற்ற சேவைகள் பிரிவில், வெளிநாட்டினரை பணிக்கு அமர்த்துவதற்கான, எச் - 1பி விசா கோரி, 53 ஆயிரம் நிறுவனங்கள் விண்ணப்பித்தன; அவற்றின், 3.89 லட்சம் விண்ணப்பங்கள் அங்கீகரிக்கப்பட்டன. அதில், அமேசான், கூகுள், பேஸ்புக் உள்ளிட்ட, 30 முன்னணி நிறுவனங்கள், நான்கில் ஒரு பங்கு பணியாளர்களை நியமித்துள்ளன.



அதிகப்படியான பணியாளர்கள், குறைந்த ஊதிய நிர்ணயம் உள்ள, 'நிலை - 1' அல்லது 'நிலை - 2' பிரிவில் நியமிக்கப்பட்டுள்ளனர். இப்பிரிவுகளில், சாதாரண திறனும், சிறிதளவு அனுபவமும் உள்ளோர் பணியமர்த்தப்படுகின்றனர்.அமெரிக்க தொழிலாளர் நலத் துறை, எச் - 1பி விசாவுக்கு, தகுதியான பணிகளை வரையறுத்து அதற்கேற்ப ஊதியம் நிர்ணயித்துள்ளது. அதில், 60 சதவீதத்திற்கும் மேற்பட்ட பணிகளுக்கு, உள்நாட்டு தொழிலாளர்கள் ஈட்டும் ஊதியத்தை விட, மிகக் குறைவான ஊதியம் நிர்ணயிக்கப்பட்டுள்ளது.இது, எச் - 1பி திட்ட விதிமுறைப்படி நிர்ணயிக்கப்பட்டிருந்தாலும், அதை மாற்றும் அதிகாரம், அமெரிக்க தொழிலாளர் நலத் துறை அமைச்சகத்திற்கு உள்ளது. இருந்தும், அமைச்சகம் அதை கண்டுகொள்ளாமல் இருக்கிறது.



latest tamil news


இதன் காரணமாக, முன்னணி தகவல் தொழில்நுட்ப நிறுவனங்கள், எச் - 1பி விசா மூலம், வெளிநாட்டு பணியாளர்களை, குறைந்த ஊதியத்தில், முதல் மற்றும் இரண்டாம் நிலை பணிகளுக்கு நியமிக்கின்றன.எச் - 1பி பணியாளர்களின் ஊதிய விதிமுறைகளை சீரமைப்பது தொடர்பாக, பொது வெளியில் ஏராளமான விவாதங்கள் நடைபெற்று வருகின்றன. இதில், அமெரிக்க அரசு தலையிட்டு தீர்வு கண்டால், எச் - 1பி விசாவில் பணியாற்றும், ஐந்து லட்சத்திற்கும் அதிகமானோரில், பெரும்பாலானோர் பயன் பெறுவர். இவ்வாறு, அதில் தெரிவிக்கப்பட்டுள்ளது.



'ஊபர்' அடாவடிவாடகை


வாகன சேவையில் ஈடுபட்டுள்ள, 'ஊபர்' நிறுவனம், 2019ல், எச் - 1பி விசாவில், குறைந்த ஊதியத்தில், 5,708 பேரை பணிக்கு அமர்த்த அனுமதி பெற்று, 1,160 பேருக்கு வேலை வழங்கியது. அதில், 125 சாப்ட்வேர் இன்ஜினியர்கள் உட்பட, 400 பேருக்கு ஊதியமில்லா விடுப்பு அளித்துள்ளது. இந்நிறுவனம், இதே போல தொடர்ந்து செய்து வருவதாக, அமெரிக்க பொருளாதார கொள்கை மையம் குற்றஞ்சாட்டியுள்ளது.

புதிய செய்திகளுக்கு தினமலர் சேனலை Subscribe செய்யுங்கள்
Advertisement

உங்களுக்காக சிபாரிசு செய்யப்படுகிறது





வாசகர் கருத்து (15)

jagan - Chennai,இலங்கை
12-மே-202006:39:47 IST Report Abuse
jagan அமெரிக்கா H1B முறையை ரத்து செய்து, எல்லோரையும் திருப்பி அனுப்ப வேண்டும்.
Rate this:
Cancel
சாண்டில்யன் - Paris,பிரான்ஸ்
07-மே-202014:17:35 IST Report Abuse
சாண்டில்யன் எங்கேதான் தகிடுதத்தமில்லை பன்னாட்டு நிறுவனம் ஒன்றிக்கு நாட்டில் ஆங்காங்கே சில ஆலைகள் கொரோனாவினால் பாதிக்காமல் செயல் படுகிறது ஆனாலும் கலாசி முதல் எஞ்சினியர் பொது மேலாளர் வரை அரை சம்பளமாம் ஆனால் அக்கவுண்ட்ஸ் மானேஜர் ஒருவருக்கு மட்டும் முழுசாய் சம்பளமாம்
Rate this:
Cancel
sathiya narayanan - Dallas,யூ.எஸ்.ஏ
07-மே-202013:21:30 IST Report Abuse
sathiya narayanan எல்லா நாட்டிலும் இப்படி தான் இந்தியாவில் வேலை செய்துவிட்டு தான் நாங்கள் இங்கு வந்து இருக்கிறோம். அங்கும் இப்படி தான். உண்மையையை சொல்ல முடியாமல் இந்தியாவில் உள்ளவர்கள் தவிக்கிறார்கள். இங்கு கொடுக்கப்படும் சம்பளம் வெளிப்படையாக இருக்கும் உங்களுக்கு விருப்பம் இருந்தால் மட்டுமே சேரலாம். வளைகுடா நாட்டில் உள்ளவர்களுக்கு சிலர் ட்விட் செய்து சிரமமாக்கியதுபோல் இங்கே உள்ளவர்களை இதுபோல் செய்திகளால் இடைஞ்சல் செய்யவேண்டாம்.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X