கொரோனா பரவ வூஹான் சந்தையும் ஒரு காரணம்: உலக சுகாதார அமைப்பு| Wuhan market had role in coronavirus outbreak: WHO | Dinamalar

கொரோனா பரவ வூஹான் சந்தையும் ஒரு காரணம்: உலக சுகாதார அமைப்பு

Updated : மே 09, 2020 | Added : மே 09, 2020 | கருத்துகள் (14)
Share
WHO, Wuhan Market, Corona Outbreak, Peter Ben Embarek, China, Wuhan, World health organisation, meat market, coronavirus, corona, covid-19, corona outbreak, corona updates, corona news, corona cases, india, world fights corona, health, உலகசுகாதாரஅமைப்பு, வூஹான், சந்தை, கொரோனா, வைரஸ், பரவல்

ஜெனீவா: கொரோனா வைரஸ் பரவ வூஹான் சந்தையும் ஒரு காரணம் என உலக சுகாதார அமைப்பு தெரிவித்துள்ளது.

சீனாவின் வூஹான் நகரில் இருந்து பரவிய கொரோனா வைரஸ் தொற்று, உலகையே அச்சுறுத்தி வருகிறது. முதன்முதலில் எங்கிருந்து பரவியது என்பதில் இன்னும் குழப்பம் நீடித்து வருகிறது. வூஹான் நகர கடல்வாழ் உயிரின சந்தையில் இருந்த வெளவால்களிடம் இருந்து மனிதர்களுக்கு பரவியதாக முதல்கட்ட தகவல்கள் வெளியாகின. ஆனால், வூஹானில் உள்ள ஆய்வகத்தில் செயற்கையாக உருவாக்கப்பட்டு, கசிந்து பரவியதாக அமெரிக்கா தொடர்ந்து குற்றம்சாட்டி வருகிறது. இதனை சீனா நினைத்திருந்தால் தடுத்திருக்கலாம் ஆனால் செய்யவில்லை எனவும், உலக சுகாதார அமைப்பு, சீனாவிற்கு ஆதரவாக செயல்படுவதாகவும் அமெரிக்க அதிபர் டிரம்ப் குற்றம்சாட்டினார்.


latest tamil news


அதற்கு ஏற்றார்போல், உலக சுகாதார அமைப்பும் கொரோனா விவகாரத்தில் சீனா சிறப்பாக செயல்பட்டதாக கூறியது. இதனால் டிரம்பின் கூற்று உண்மை என்ற கருத்து நிலவியது. இந்நிலையில், கொரோனா வைரஸ் பரவ, சீனாவின் வூஹான் சந்தையின் பங்கு இருப்பதாக உலக சுகாதார அமைப்பு தெரிவித்துள்ளது. இது தொடர்பாக அந்த அமைப்பின் உணவு பாதுகாப்பு வைரஸ் நிபுணர் டாக்டர் பீட்டர் பென் எம்பரெக் கூறியதாவது:
உலக நாடுகளின் இந்த நிலைமைக்கு வூஹான் சந்தையும் ஒருகாரணம் என்பது தெளிவாக தெரிகிறது. ஆனால் எந்தளவுக்கு காரணம் என்பது எங்களுக்குத் தெரியாது. இந்த வைரஸ், சந்தையில் இருந்து வந்ததா அல்லது தற்செயலாக வைரஸ் உருவானதா எனக் கூறமுடியவில்லை. ஆனால் இந்த வைரஸ் சந்தையிலும் அதைச் சுற்றியும் காணப்பட்டன. வைரஸ் பரவாமல் தடுக்க ஜனவரி மாதம் தான் சந்தையை சீனா மூடியது. இவ்வாறு அவர் கூறினார்.

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X