சீனாவை பணிய வைக்க இந்தியாவை தனது திட்டத்தில் இணைத்துள்ள அமெரிக்கா

Updated : மே 15, 2020 | Added : மே 15, 2020 | கருத்துகள் (33)
Share
Advertisement
India, US Plan, China, Coronavirus crisis, 18-point plan, Coronavirus, Corona, Covid-19, இந்தியா, சீனா, அமெரிக்கா, திட்டம்,

வாஷிங்டன்: கொரோனா வைரஸை மூடி மறைத்ததற்காக சீனாவை பொறுப்பேற்க வைக்கும் 18 அம்ச திட்டத்தை அமெரிக்கா தயாரித்துள்ளது. இத்திட்டத்தின் ஒரு பகுதியாக இந்தியா உடனான ராணுவ உறவுகளை மேம்படுத்துவது, தேவையான கருவிகளை இந்தியாவுக்கு விற்பனை செய்வது என முடிவு செய்துள்ளனர்.

சீனாவின் வூஹான் நகரிலிருந்து உலகெங்கும் பரவிய கொரோனா வைரஸால் 44 லட்சம் பேர் இதுவரை பாதிக்கப்பட்டுள்ளனர். உயிரிழப்புகளின் எண்ணிக்கை 3 லட்சத்தை தாண்டியுள்ளது. உயிரிழப்புகள் ஒரு பக்கம் அதிகரிக்க, கொரோனா தடுப்பு நடவடிக்கைக்காக போடப்பட்டுள்ள ஊரடங்கால் உலக பொருளாதாரம் முடங்கியுள்ளது. இதன் தாக்கம் நீண்ட காலத்திற்கு இருக்கும் என வல்லுநர்கள் கூறுகின்றனர்.


latest tamil news


இத்தகைய கொடிய ஆட்கொள்ளி வைரஸ், வூஹான் ஆய்வகத்திலிருந்து கிளம்பியது என்றும், சீனா ஆரம்பகட்ட தகவல்களை மறைத்து உலகை இத்தகைய நிலைக்கு தள்ளிவிட்டதாகவும் அமெரிக்க அதிபர் டிரம்ப், வெளியுறவு அமைச்சர் மைக் பாம்பியோ உள்ளிட்ட பலர் குற்றம்சாட்டி வருகின்றனர். இந்த நிலையில் பொய்கள், மோசடி மற்றும் மூடிமறைப்புகளுக்கு சீன அரசாங்கத்தை பொறுப்பேற்க வைக்க, இந்தியாவுடனான இராணுவ உறவை மேம்படுத்துவது உட்பட 18 அம்ச திட்டத்தை அமெரிக்காவின் முக்கிய செனட்டர் தாம் டில்லிஸ் வெளியிட்டுள்ளார்.


latest tamil news


இத்திட்டம் அமெரிக்க ராணுவத்தின் கோரிக்கையான 20 பில்லியன் டாலர் நிதிக்கு உடனடியாக ஒப்புதல் வழங்குவது, பசுபிக் தடுப்பு முயற்சி திட்டத்தை உருவாக்குவது போன்றவற்றை பரிந்துரைத்துள்ளது. முக்கிய அம்சமாக பிராந்திய நட்பு நாடுகளான இந்தியா, தைவான் மற்றும் வியட்நாம் உடனான ராணுவ உறவை மேலும் அதிகரிக்கவும், தேவையான உபகரணங்களை விற்கவும் அழைப்பு விடுத்துள்ளது. அதே போல் ஜப்பான் ராணுவத்தை மறுகட்டமைக்க ஊக்குவிக்க வேண்டும், ஜப்பானுக்கும், தென் கொரியாவுக்கும் தேவையான ஆயுதங்களை வழங்க வேண்டும் என கூறப்பட்டுள்ளது.


latest tamil news


மேலும் இத்திட்டம் சீன உற்பத்திகளை அமெரிக்காவுக்கு மாற்றுவது, விநியோக சங்கிலிக்காக சீனாவை சார்ந்திருப்பதை படிப்படியாக நீக்குவது, அமெரிக்க தொழில்நுட்பங்களை சீனா திருடாத வகையில் சைபர் பாதுகாப்பை பலப்படுத்துவது, சீன தொழில்நுட்ப நிறுவனமான ஹூவாவேவுக்கு தடை, நட்பு நாடுகளையும் தடை விதிக்க கோருவது, வைரஸ் பற்றி பொய் கூறியதற்காக பொருளாதார தடை மற்றும் நஷ்டஈடு கோருவது, 2022 குளிர்கால ஒலிம்பிக் போட்டிகளை பீஜிங்கிலிருந்து மாற்றுவது போன்ற அதிரடி அம்சங்களை கொண்டுள்ளது.

Advertisement




வாசகர் கருத்து (33)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
RajanRajan - kerala,இந்தியா
19-மே-202007:58:06 IST Report Abuse
RajanRajan A GOOD OPPORTUNITY TO CORRECT CHINA IN MANY ASPECTS AND TO MOUNT WORLD WIDE PRESSURE ON CHINA.
Rate this:
Cancel
தாமரை செல்வன்-பழநி - பழநி,இந்தியா
18-மே-202022:05:39 IST Report Abuse
தாமரை செல்வன்-பழநி இந்த நேரம் நமது நேரம். சீனாவை வசமாகச் சிக்கவைப்பதுடன் அதன் ஆக்கிரமிப்பு எண்ணத்தை தடுக்க நல்ல வாய்ப்பு கிடைத்துள்ளது. உலக நாடுகள் ஒன்றிணைந்து சீனாவை உலுக்கி அதன் ஆக்கிரமிப்பில் உள்ள திபெத்தை முதலில் விடுவிக்க வேண்டும். தென் சீனக் கடலில் அதன் ஆதிக்கத்தை ஒழித்து ஜப்பான் ஆஸ்திரேலியா இந்தோனேசியா தென்கொரியா வியட்நாம் பிலிப்பைன்ஸ் போன்ற நாடுகளின் உரிமையை மீட்டுக் கொடுப்பதுடன் அவற்றின் இறையாண்மைக்கு சீனாவால் ஆபத்து வராமல் பாதுகாக்க வேண்டும்.முக்கியமாக பாரதம் சீனா ஆக்கிரமித்துள்ள அருனாச்சலின் பகுதிகள் லதாக்கின் பகுதிகளை மீட்பதுடன் சுதந்திர திபெத்தின் பாதுகாவலனாக பாரதம் பரிமளிக்க வேண்டும். இந்த நல்ல வாய்ப்பை மோடி அவர்கள் சரியாகப் பயன்படுத்துவார் என நம்பலாம்.
Rate this:
Cancel
RajanRajan - kerala,இந்தியா
18-மே-202020:58:33 IST Report Abuse
RajanRajan இதுவே நல்ல தருணம். POK LOC ல் உள்ள பாகிஸ்தான் ராணுவ தீவிரவாத முகாம்களை துவம்சம் செய்து பாகிஸ்தானை ஆக்கிரமிப்பு காஸ்மீரில் இருந்து துரத்தியடிக்க வேண்டும். பிஜேபி ஆக்ஷன் பிளான் விரைவில் துவங்கட்டும்.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X