பொது செய்தி

இந்தியா

சீன ராணுவம் நடமாட்டம்: லடாக்கில் பாதுகாப்பு அதிகரிப்பு

Updated : மே 17, 2020 | Added : மே 17, 2020 | கருத்துகள் (2)
Share
Advertisement
ladakh,  china, india, indian army, Indian Troops,  Line of Actual Control, LAC, Galwan, லடாக், சீனராணுவம், இந்திய ராணுவம், அமெரிக்கா,மோதல், பாதுகாப்பு

புதுடில்லி: இந்திய எல்லையருகே உள்ள கல்வான் பகுதியில் சீன முகாம்களை அமைத்து வருகிறது. லடாக் அருகே இந்த பகுதி அமைந்துள்ளதால், அங்கு இந்திய ராணுவம் பாதுகாப்பை பலப்படுத்தி கண்காணிப்பை தீவிரப்படுத்தியுள்ளது.

சமீப நாட்களாக, எல்லை கட்டுப்பாட்டு கோடருகே சீன ராணுவத்தின் நடமாட்டம் அதிகரித்துள்ளது. சில நாட்களுக்கு முன்னர், இரு நாட்டு வீரர்கள் இடையே மோதல் ஏற்பட்டு சிலர் காயமடைந்தனர். லடாக் அருகே, சீன ராணுவ ஹெலிகாப்டர்கள் வட்டமிட்டன. இதனையறிந்த இந்தியாவின் ‛சுகோய் - 39' ரக போர் எல்லைப்பகுதிக்கு விரைந்தன.

இந்நிலையில் கல்வான் பகுதியில் சீன ராணுவத்தினர் டெண்ட் அமைத்து வருவதாக தகவல் வெளியாகியுள்ளது. இதனையடுத்து லடாக் பகுதியில் எல்லைப்பகுதியில் இந்திய ராணுவத்தின் பாதுகாப்பு பலப்படுத்தப்பட்டுள்ளது.


latest tamil news



இது தொடர்பாக ராணுவ அதிகாரி ஒருவர் கூறுகையில், எல்லைப்பகுதியில், நமது நடமாட்டத்தை அதிகரிக்க வேண்டிய சூழ்நிலை ஏற்பட்டுள்ளது. இதனால், அங்கு வீரர்களின் எண்ணிக்கை அதிகரித்துள்ளது. எல்லையில் இரு நாட்டு வீரர்கள் நேருக்கு நேர் சந்திப்பது கடந்த காலங்களில் நடந்துள்ளது. ஆனால், தற்போது அது ஒரு வாரத்திற்கு மேல் நீடிப்பது கவலை அளிக்கிறது. இவ்வாறு அவர் கூறினார்.

லடாக்கின் கிழக்கு பகுதியில் உள்ள டெம்சாக் பகுதியில் சீன ராணுவம் கட்டுமான பணிகளை மேற்கொண்டு வருவதாக வெளியான தகவலை தொடர்ந்து பதற்றம் ஏற்பட்டுள்ளது. லடாக் பகுதியில் நிலவி வரும் மாற்றத்தை டில்லியில் தேசிய பாதுகாப்பு கவுன்சில் தீவிரமாக கண்காணித்து வருகிறது.

இது குறித்து அதிகாரி ஒருவர் கூறுகையில், எல்லைக்கட்டுப்பாட்டு கோட்டு பகுதியில் நிலவும் கருத்து வேறுபாடு மோதலுக்கு வழிவகுக்கிறது. ஆனால், அதனை தீர்ப்பதற்கு விரிவான நெறிமுறைகள் உள்ளன எனக்கூறினார். இந்தோ - பசுபிக் பாதுகாப்பில் அமெரிக்காவின் சொல்கேட்டு இந்தியா நடப்பதாக சந்தேகத்தில் சீனா அத்துமீறி நடந்து வருகிறது. இந்திய பெருங்கடல் பகுதியில் சீனா தடம் பதிக்க விரும்புகிறது. இது இந்தியாவுக்கு கவலையை ஏற்படுத்தியுள்ளது. இவ்வாறு அவர் கூறினார்.

Advertisement




வாசகர் கருத்து (2)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
மனுநீதி-என் சொந்த பெயர் ராஜா சீனனுக்கு பயம் வந்துவிட்டது. இந்தியா கண்டிப்பாக இந்த வைரஸ் பரவலுக்கு முழுமையான விசாரணை தேவை என்று வலியுறுத்தி சீனாவின் மீதான உலக நாடுகளின் அழுத்தத்தை அதிகரிக்க வேண்டும்.
Rate this:
Cancel
அருண் பிரகாஷ் சென்னை நமது கவனத்தை திசை திருப்பும் நோக்கம் இது. பாகிஸ்தான் தீவிரவாதிகளை உள்ளே வர செய்ய நம்மை லடாக் பக்கம் கவனத்தை திருப்ப வைக்க சீனா முயற்சி செய்கிறது.மேலும் கொரோனா தொற்றால் சீனாவில் முதலீடு செய்த நாடுகள் இந்தியா பக்கம் திரும்ப துவங்கியதும் இந்தியாவை பதற்றம் அடைய செய்ய வைக்கும் முயற்சி இது.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X