'அமெரிக்க பொருளாதாரம் 30% சரியும்': டிரம்புக்கு வங்கி தலைவர் எச்சரிக்கை

Updated : மே 18, 2020 | Added : மே 18, 2020 | கருத்துகள் (2)
Share
Advertisement

வாஷிங்டன்: 'கொரோனா வைரசால் பாதிக்கப்பட்ட அமெரிக்காவின் பொருளாதாரத்தை, 2021ம் ஆண்டுவரை மீட்க இயலாது' என, அமெரிக்க மத்திய வங்கியின் தலைவர் எச்சரித்துள்ளார்.


latest tamil news



அமெரிக்க மத்திய வங்கியின் தலைவர் ஜெரோம் பவல் தெரிவித்துள்ளதாவது:
உலகை உலுக்கி வரும் கொரோனா வைரசின் மையமாக அமெரிக்கா மாறியுள்ளது. அதன் பரவலைக் கட்டுப்படுத்துவதற்காக பிறப்பிக்கப்பட்டுள்ள ஊரடங்கால், 4 கோடிக்கும் மேற்பட்ட தொழிலாளர்கள் வேலை இழந்துள்ளனர். கடந்த மார்ச் மாதம் முதல் தற்போதுவரை, 36 மில்லியன் அமெரிக்கர்கள் வேலையில்லாதவர்களுக்கான சலுகைகளை பெற விண்ணப்பித்துள்ளனர்.



latest tamil news




இது ஒரு கடினமான காலம், மக்கள் அனுபவித்து கொண்டிருக்கும் துயரத்தை வார்த்தைகளால் சொல்ல இயலவில்லை. கொரோனாவிற்கு தடுப்பு மருந்து கண்டறியப்படாத நிலையில், கொரோனா வைரசால் பாதிக்கப்பட்ட அமெரிக்காவின் பொருளாதாரத்தை, பழைய நிலைக்கு கொண்டு வருவது இயலாத காரியம். குறிப்பாக, 2021ம் ஆண்டுவரை மீட்பது சாத்தியமற்றது; 30 சதவீதம் வரை பொருளாதாரம் சரிவைச் சந்திக்கும். இதனால் தாமதிக்காமல் இந்த வாரத்தின் தொடக்கத்திலேயே வீழ்ந்த பொருளாதாரத்தை ஊக்குவிக்கும் திட்டங்களையும், மக்களுக்கான நிவாரணத் திட்டங்களையும் அதிகாரிகள் உருவாக்க வேண்டும்.


latest tamil news




கொரோனா வைரஸ் இரண்டாவது முறையாக தாக்கவில்லை என்றால் இந்த வருடத்தின் பிற்பாதியில் பொருளாதாரம் சரிவிலிருந்து மீள துவங்கும். ஆனாலும் அமெரிக்காவின் பொருளாதாரம் மீண்டும் பழைய நிலைக்கு திரும்ப சில காலம் பிடிக்கும்.
இவ்வாறு அவர் தெரிவித்துள்ளார்.
ஜெரோம் பவல் கருத்துக்கு பல்வேறு துறை வல்லுநர்களும் ஆதரவு தெரிவித்துள்ளனர். ஆனால், அமெரிக்காவில் ஊரடங்கை தளர்த்துவதில் குறியாக இருக்கும் அதிபர் டிரம்ப் தரப்பில், எதிர்ப்பு அலை வீசத் துவங்கும் என எதிர்பார்க்கப்படுகிறது.

Advertisement




வாசகர் கருத்து (2)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Raj - nellai,இந்தியா
18-மே-202014:20:33 IST Report Abuse
Raj இதை காரணமா வைத்து அமெரிக்கா உலகில் போர் மேகத்தை உண்டாக்கி ஆயுத விற்பனையை செய்ய நினைக்கும் .இந்தியா, அரபு நாடுகள் மிக கவனமாக இருக்க வேண்டும். சண்டை மூட்டி விடுவதில் பலே அமெரிக்கா
Rate this:
Cancel
blocked user - blocked,மயோட்
18-மே-202011:19:49 IST Report Abuse
blocked user ஏற்கனவே சரிந்துவிட்டதே.. புதிதாக என்ன சரிய இருக்கிறது...
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X