பொது செய்தி

தமிழ்நாடு

பாசன வழித்தடங்கள் சீரமைப்பு 20 நாளில் முடிக்க அரசு உத்தரவு

Added : மே 19, 2020
Share
Advertisement

சென்னை : டெல்டா மாவட்டங்களில் நடந்து வரும், பாசன வழித்தடங்கள் சீரமைப்பு பணிகளை, 20 நாட்களில் முடிக்க, அரசு உத்தரவிட்டுள்ளது.

தஞ்சாவூர், திருவாரூர், நாகப்பட்டினம் உள்ளிட்ட, டெல்டா மாவட்டங்களில், குறுவை பருவ நெல் சாகுபடி காலம், அடுத்த மாதம் துவங்குகிறது. இதற்காக, சேலம் மாவட்டம், மேட்டூர் அணையில் இருந்து, ஜூன், 12ம் தேதி நீர் திறக்க, முதல்வர் இ.பி.எஸ்., உத்தரவிட்டுள்ளார். இதையடுத்து, சாகுபடிக்கான ஏற்பாடுகளில், விவசாயிகள் கவனம் செலுத்தி வருகின்றனர். அதேநேரத்தில், காவிரி, வெண்ணாறு, கல்லணை கால்வாய் உள்ளிட்ட பாசன வழித்தடங்களில், அதிகளவில் புதர்கள், செடி, கொடிகள் மண்டி கிடக்கின்றன.

இதனால், மேட்டூர் அணையில் திறக்கப்படும் நீர், முழுமையாக கடைமடை பகுதிகளுக்கு செல்வதில் சிக்கல் ஏற்பட்டுள்ளது. எனவே, பாசன வழித்தடங்களில் அடைப்புகளை நீக்கி, துார்வாரும் பணிகளை மேற்கொள்வதற்கு, அரசு, 67 கோடி ரூபாய் ஒதுக்கீடு செய்துள்ளது. இந்த நிதியை பயன்படுத்தி, டெல்டாவில் ஒப்பந்த நிறுவனங்கள் வாயிலாக, பணி நடந்து வருகிறது. இப்பணிகளை, 20 நாட்களில் முடிக்க, பொதுப்பணி துறைக்கு, அரசு உத்தரவிட்டுள்ளது. எனவே, பொதுப்பணி துறை செயலர் மணிவாசன், நீர்வளத்துறை முதன்மை தலைமை பொறியாளர் ராமமூர்த்தி ஆகியோர், பணிகளை முடுக்கி விடும்படி, திருச்சி மண்டல நீர்வளத் துறையினருக்கு அறிவுறுத்தியுள்ளனர்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X