பொது செய்தி

தமிழ்நாடு

'கடன் செலுத்த கூடுதல் அவகாசம் தேவை!' ஏற்றுமதியாளர் சங்கம் பிரதமருக்கு கடிதம்

Added : மே 20, 2020
Share
Advertisement

திருப்பூர்:உற்பத்தி முழுமையாக நடைபெறாததால், நிறுவனங்கள் பெற்றுள்ள கடன்களை திருப்பிச் செலுத்த, மேலும் ஒன்பது மாதம் அவகாசம் வழங்கவேண்டும் என, ஏற்றுமதியாளர் சங்கம், மத்திய அரசிடம் கோரிக்கை விடுத்துள்ளது.கொரோனாவால், பின்னலாடை துறை, கடந்த மார்ச் 25ம் தேதி முதல் உற்பத்தியை நிறுத்தியது. வெளிநாட்டு வர்த்தகர்கள் பலர், ஏற்கனவே வழங்கிய ஆடை தயாரிப்பு ஆர்டர்களை ரத்து செய்தனர். அனுப்பிய ஆடைக்கான தொகை வழங்கவும் தாமதிக்கின்றனர்.
இதனால், ஆடை உற்பத்தி நிறுவனங்களின் நிதிநிலை மிக மோசமாக பாதிக்கப்பட்டுள்ளது. மத்திய ரிசர்வ் வங்கி, நிறுவனங்கள் பெற்ற கடன்களை திருப்பி செலுத்த கூடுதலாக மூன்று மாதம் அவகாசம் அளித்தது. இந்த அவகாசம், வரும் 31ம் தேதியுடன் முடிகிறது.கூடுதல் அவகாசம் வழங்க வேண்டும் என, திருப்பூர் ஏற்றுமதியாளர் சங்கம், பிரதமரிடம் முறையிட்டுள்ளது.இது குறித்து, அச்சங்க தலைவர் ராஜாசண்முகம், பிரதமர் மோடிக்கு அனுப்பியுள்ள கடிதம்:நிறுவனங்கள் பெற்றுள்ள கடன்களை, மார்ச், ஏப்., மே மாதங்கள் செலுத்த தேவையில்லை என அறிவிக்கப்பட்டிருந்தது.
இந்த அவகாசம் நிறைவடைய உள்ளது. ஜூன் மாதம் முதல், நிறுவனங்கள், வங்கிகளுக்கு, கடன் மற்றும் கூட்டு வட்டி செலுத்த வேண்டியுள்ளது.நான்காவது ஊரடங்கு, 31ம் தேதி வரை தொடர்கிறது. விதிமுறைகளால், குறைந்த தொழிலாளரை கொண்டே ஆடை உற்பத்தி நடக்கிறது. புதிதாக ஆர்டர்களை பெற்று, ஆடை தயாரித்து அனுப்பி, அதற்கான தொகையை பெறுவதற்கு மேலும் சில மாதங்களாகிவிடும்.அதன்பின்னர்தான், பணப்புழக்கம் இயல்புக்கு திரும்பும். எனவே, நிறுவனங்கள் பெற்றுள்ள அனைத்து வகை வங்கி கடன் திருப்பி செலுத்த, ஒன்பது மாதங்கள் கால அவகாசம் வழங்கவேண்டும்.இவ்வாறு, அவர் அதில் தெரிவித்துள்ளார்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X