பொது செய்தி

இந்தியா

தமிழ்நாடு இல்ல அலுவலருக்கு கொரோனா: அரசு ஊழியர்கள் மத்தியில் பதற்றம்

Updated : மே 20, 2020 | Added : மே 20, 2020
Share
Advertisement

டில்லியில் உள்ள தமிழ்நாடு இல்லத்தில் பணியாற்றும் அலுவலர் ஒருவருக்கு கொரோனா தொற்று உறுதி செய்யப்பட்டுள்ளதால், அதிகாரிகள், ஊழியர்கள் அனைவரும், வீட்டில் தனிமைப்படுத்திக் கொள்ள உத்தரவிடப்பட்டுள்ளது.



latest tamil news



டில்லியில், தமிழக அரசின் அடையாளமாக, தமிழ்நாடு இல்லம் இருக்கிறது. நாட்டில் கொரோனா தொற்று பரவ ஆரம்பித்தவுடனேயே, இங்குள்ள அறைகள் அனைத்தும் காலி செய்யப்பட்டு, உணவகங்கள் மூடப்பட்டன. ஆனாலும், தமிழக அரசு ஊழியர்கள் பலர், கொரோனா பீதிக்கு மத்தியிலும், பணியில் இருந்தனர்.சுற்றுலா, தேர்வுகள் மற்றும் பணிநிமித்தம் காரணமாக, டில்லியிலும், பல்வேறு மாநிலங்களிலும் சிக்கித் தவித்த தமிழர்களை, அந்தந்த மாநில அரசுகளுடன் பேசி மீட்கும் நடவடிக்கைகளை, தமிழ்நாடு இல்லம் தான் ஒருங்கிணைத்தது.


latest tamil news



இந்நிலையில், 16ம் தேதி, சிறப்பு ரயில் ஒன்றில், தமிழ்நாடு இல்லத்தில் பணியாற்றும் ஒரு அலுவலர், திருச்சிக்கு சென்றார். அங்கு அவருக்கு பரிசோதனை செய்தபோது, கொரோனா இருப்பது உறுதி செய்யப்பட்டது.இதையடுத்து, அவர் தனிமைப்படுத்தப்பட்ட நிலையில், தமிழ்நாடு இல்ல ஊழியர்கள் அனைவரும், வீட்டில் தனிமைப்படுத்திக் கொள்ள உத்தரவிடப்பட்டது. இதனால், சக அலுவலர்கள் பதற்றத்தில் உள்ளனர். இவர்களின் குடியிருப்பு, தமிழ்நாடு இல்லத்தை ஒட்டியே அமைந்துள்ளதால், அவர்களின் குடும்பத்தினர் மத்தியிலும் பதற்றம் காணப்படுகிறது.
டில்லி நிருபர்

Advertisement




வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X